11. निस्तार चाड
परमेश्वरले फारोलाइ इस्राएलीलाई जान दिय भणनाइ मोशा रे हारूनलाई पठायो। तिननले फारोलाइ चेतावनी दियो कि यदि आजि लगइ उनले इस्राएलीलाइ मिश्रदेश बठेइ जान दिएन भणया, परमेश्वरले मान्स रे पशुका जेठा पुरुष सन्तानलाइ मारिदिन्या हुन। जब फारोले यो सुणयो, आजि लगइ परमेश्वरलाइ विश्वास अद्द रे उनरो आज्ञा माणन उनले इन्कार अर्यो।
परमेश्वरले उनमि विश्वास अद्द्याकि निउती आफ्नो जेठो सन्तानलाइ बचाउन सक्द्या एक तरिका दियो। हरेक परिवारले एक खोट नभया थुमालाइ छानिबर तइलाइ माद्दु पड्डया थ्यो।
परमेश्वरले इस्राएलीलाई तइ थुमाको रगत तिनरा घरका मुल ढोकाका चारै तिर लाउनाइ भण्यो। पइ तइको मासु पोलिबर तसइ बेला खमिर नहाल्या रोटासित खा भण्यो। पइ आजि तइ खाइसक्या पछा उननलाइ मिश्रदेश छाड्ड तयार हुन लगइ उनले भण्यो।
इस्राएलीले परमेश्वरले भणया जसोइ अर्यो। आधारातमि परमेश्वर पुरै मिश्र भइबर गया रे सब जेठा चेलालाइ मार्यो।
सबइ इस्राएलीका घरका ढोकामि रगत लाया थ्यो, तबइकिलाइ परमेश्वरले तिन घरलाइ छाडीबर गया। तिन घर भितर भया सब जना सुरक्षित थ्या। थुमाको रगतका कारण तिनन बचाइया थ्या।
तर मिश्रीले परमेश्वरमि विश्वास अरेइन न त उनरो आज्ञा माणयो। तबइकिलाइ परमेश्वरले तिनरा घरलाइ छाडेइन। परमेश्वरले मिश्रीका जेठा चेला सबइलाइ मार्यो।
कैदीको जेठो चेला बठेइ फारोको जेठो चेलो सम्म सारा मिश्रीका जेठा चेला मर्या। मिश्रदेशमि भौत मानस वेदनाका लाग्दा रुनाइ कला हाल्ला थ्या।
तसइ रात फारोले मोशा रे हारूनलाइ बोलाइबर भण्यो, “इस्राएलीलाइ लइजा, रे तुरुन्तै मिश्रदेश छाडीबर गइजा!” मिश्री देशका मान्सनले लगइ इस्राएलीलाइ तुरन्तइ जान्या विन्ती अर्यो।
बाइबल कथाः प्रस्थान ११:१-१२:३२
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।