22. युनार जनम

अतीत ने मापरू तार भविषद सागबा बिता मन के गोटाय रला ऐइकाचे ये लोकमन गोटायके सकते रलाय। मातर हाँयसमया ले धरी 400 बरस जिबाके हाँय तीके ना गोटायला। तैबे मापरू जकर्याह नावर भविषद सागबा बितार लगे गोटक सरगदूत के पटायला। जकर्याह आवरी तार बायले एलिशेबा मापरुर आदर करबार आत। येमन कुबे डोकरा -डोकरी होई रलाय। आवरी तीके सन्तान ना होई रला।

हाँय सरगदूत जकर्याह के बोलला, तोर बायले के गोटक पुत्र जनम होयसी। तुई तार नाव युहन्ना सोगाव। मापरू ताके पवितर आतमा ले परिपूर्ण करसी, आवरी युहन्ना लोकमन के मसीह के ग्रहण करबा काचे तियार करसी। “जकर्याह जबाब देला” मुई आवरी मोर बायले सन्तान जनमायबा काचे कुबे डोकरा -डोकरी आचू, मुई कसन जानबी कि तोमि मोके सत्ते बोलबाआस।

हाँय सरगदूत जकर्याह के जबाब देला, तोर लगे ये नगत खबर के सागबा काचे मापरुर बाटले आयली आची। कसनबोलले , मोर ऊपरे विसवास ना करलीस, ऐइकाचे पिलार जनम होयबार तक तुई गोटायके ना सकबीस। तुरते जकर्याह गोटायके ना सकला। तैबे हाँ सरग दूत जकर्याह लगले गला। एतार पाछे जकर्याह घरे लैवटी आयला आवरी तार बायले गर्भवती होयला।

जैबे एलिशेबा छय महिनार गर्भवती रला। तैबे हाँय सरग दूत उदापड़े एलिसेबार लोकबाक लगे परकट होयला, जाहर नाव मरियम रला मरियम कुँवारी रला। आवरी बिहा होयबा काचे युसूफ नावर मुनुक सगे मागनी होई रला। सरग दूत बोलला, तुई गर्भवती होयबीस आवरी गोटक पुत्र के जनम देबीस। तोके हातार नाव यीशु सोगायबार आय। हांय सर्वशक्तिमान मापरुर पुत्र होयसी आवरी सबुदाय काचे राज करसी।

मरियम जबाब देला, ये कसन होयसी कसन बोलले, मुई कुँवारी आची। हाँय सरगदूत समझायला, पवितरआतमा तोर ऊपरे आयसी आवरी मापरुर शक्ति तोर ऊपरे छाया करसी। ऐइकाचे हाँय पिला

ये होयलार तुरतर पाछे, मरियम आसीकरी एलिसेबा के भेट होयला। जमता मरियम ताके जुहार करला एलिसेबार पिला हातार पेट भीतरे खेलला, तिकर काचे मापरु जोन करी रला। हातार काचे हाँय बायले मन गोटक सगे आनन्द होयलाय। एलिशेबार सगे तीन महिना रला पाछे, मरियम घरे लैवटला।

ऐतार पाछे एलिसेबा आपनार पिला के जनम देला, जकर्याह आवरी एलिशेबा हाँय पिलार नाव युहन्ना सोगयलाय। जसन कि हाँय सरगदूत आदेश करी रला। तैबे मापरु जकर्याह के गोटायबा काचे अच्छा करला। जकर्याह बोलला, मापरुर महिमा हो। कसन बोलले हाँय आपनार लोकमनर सहायता करबा काचे सुरता रला। हे मोर बेटा तुई सर्वशक्तिमान मापरुर भविषद सागबा बिता होयबीस तुई लोकमन के सागबीस कि हाँय मन कसन तिकर पाप काचे क्षमा पायके सकबाय।