23. ईशुर परबूर जनम

युसूफ नावर गोटक धरमी मुनुक संगे मरियमर मागनी होई रला। जैबे हाँय सुनला मरियम गर्भवती आचे, तैबे हाँय जानते रला हाँय मोर पिला नुआय, मातर हाँय मरियम के बदनाम ना करी बोलते रला। ऐकाचे तार ऊपरे दया करबार आवरी ताके लुकामने छाड़ पत्र देबा काचे विचार करला। मातर असन करबार पहिले गोटक सरगदूत तार सपना ने आई करी ताके गोटायला।

हाँय सरगदूत ताके बोलला, ये युसूफ मरियम के तोर बायले बनाय आनबा काचे ना डर। हातार गरभ ने जोन पिला आचे, हाँय पवितर आतमार बाटले आय। हाँय गोटक बेटा के जनम देयसी। हातार नाव यीशु सोगाह ( जाहर अरत आय यहोवा बाचाऊआय ) कसन बोलले हाँय लोकमन के तिकर पाप ले बाचायासी।

तैबे युसूफ मरियम के बिहा होयला, आवरी ताके तार बायले बनाय घरे आनला। मातर हातार पिला के जनम देबा तक हाँय तार संगे ना सोयला।

जैबे मरियमर जनम देबार समय लगे आयला, हाँय आवरी युसूफ बैतलहम जिबा काचे बैतलहम कुबे दूर रला। तीके हाँय ताने जिबार रला, कसन बोलले रोमी अधिकारी इसराइल ने रबा बिता मनर सबु लोकमनर हिसाब करबार रला। हाँय मन बोलते रलाय कि सबु लोक हाँयताने जिबार रला जोन ताने तिकर पूर्वज रयते रलाय, राजा दाऊदर जनम बैतलहम ने होई रला। आवरी हाँय मरियम आवरी युसूफर पूर्वज रला।

मरियम आवरी युसूफ बैतलहम ने गलाय मातर हाँयताने पशुमनर जगा के छाड़ी तीके तेबबा काचे जगा ना रला। पशुमनर जगा रला, जोन ताने मरियम तार बेटा के जनम देला। हाँय ताके डोंगा ताने सुहायला कसन बोलले हाँय ताने तार काचे काँई जगा ना रला, हाँयमन तार नाव यीशु सोगायलाय।

हाँई राती, हाँय लगर भेड़ा ने चरवाह मन तिकर भेड़मनर रासीर देख -रेख करते रलाय। ऊदापड़े गोटक चमकदार सरगदूत तिकर लगे परकट होयला, आवरी हाँयमन डरलाय। हाँय सरगदूत बोलला, ना डरा कसनबोलला, मोर लगे तोमर काचे नगत खबर आय। बैतलहम ने ईशु मसीह स्वामीर जनम होयला आचे।

जाई करी हाँय बालक के डगराह आवरी तोमि पटई ताने लेपटलार आवरी डोंगा ने सुहायलार पायबास। ऊदापड़े बादरी सरगदूत के डापला। हाँयमन मापरुर भजन कीर्तन करते रलाय। हाँयमन बोललाय सबू महिमा सरग ने रबा मापरू के मिरो। मजपुर ऊपरे हाँय लोकमन के शांति होव, जाहर हाँय चिंता करूआय।

तैबे सरगदूत गला। हाँय चरवाहमन पने तिकर भेड़मन के छाड़ी करी बालक के द्खबा काचे गलाए। जफके हाँयमन हाँय जगा ने केटलाय। जोन लगे यीशु रला आवरी हाँयमन ताके डोंगा ने सुहायलार पायलाय कसन बोलले हाँय सरगदूत सांगी रला। हाँयमन कुबे हरिक रलाय। तैबे हाँय चरवाहमन लैवटी गलाय जोन लगे तिकर भेड़मन रलाय, हाँयमन जोंन पने सुनलाय आवरी दखलाय हाँय सबु काचे हाँयमन भजन कीर्तन करते रलाय।

पूरबर दूर गोटक देश ने मुनुकमन रलाय। हाँयमन तारामनर ज्ञान के सीखी रलाय। आवरी हाँयमन कुबे बुध्दिमान रलाय। हाँयमन गोटक असमान्य तारा के बादरी ने दखलाय हाँयमन बोललाय एतार अरत आय कि यहूदीमनर गोटक नुआ राजार जनम होयला आचे। ऐइकाचे हाँयमन हाँय बालक के दखबा काचे तिकर देश ले जिबा काचे विचार करलाय। कुबे दूर गलार पाछे, बैतलहम आयलाय आवरी हाँय घर के पचारलाय जोन ताने यीशु आवरी तार माता – पिता तेभी रलाय।

जैबे ये मुनुक मन यीशु के तार माता संगे दखलाय तैबे हाँयमन माडी डेकी करी तार भजन कीर्तन करलाय। हाँय मन ईशु के अनमोल वस्तुर दान देलाय आवरी हांयमन घरे लैवटी गलाय।