24. यहूना ईशू परबू के बतिस्मा देऊआय

एलिशेबा आवरी जकर्याहर बेटा यहुन्ना बड़े होई करी गोटक भविषद सागबा बिता होयला। हाँय झार ने रबार आय, आवरी झारर ओंडार आवरी कीड़ा खायबार आय आवरी ऊंटर बालर बनायलार पटई के पिन्दते रला।

कुबे लोकमन युहन्नार गोटके सुनबा काचे झार ने आयलाय। हाँय ये बोली करी परचार करला, पश्चाताप करा, कसन बोलले सरगर राज लगे आचे।

जैबे लोकमन यहुन्नार खबर के सुनलाय तैबे हाँयमन तानले कुबे लोक तिकर पापमन के पश्चाताप करलाय आवरी युहन्ना तीके बतिसमा देला युहन्ना के दखबा काचे कुबे धार्मिक अगुवामन पने आयलाय मातर हाँयमन तिकर पापमन के पश्चाताप नोयले अगीकर ना करलाय।

युहन्ना धार्मिक अगुवामन के बोलला, “हे जहरीला सापमन, पश्चाताप करा आवरी तोमर व्यवाहार के बदला। मापरु सबु हाँय गच्छ के गोंदसी, जोन अछा फाक ना धरे, आवरी हाँय तीके जोय ने मेंडायसी जोन भविषद सागबा बिता मन बोली रलाय। युहन्ना ताके पूरा करला, दख जफके मुई तोर ले पहिले तोर खबर सागु के पटायबी जोन तोर काचे बाट के तियार करसी।

धार्मिक अगुवामन युहन्ना के पचारलाय काय हाँय मसीह आय। युहन्ना जबाब देला मुई मसीह नुआय। मातर मोरले पाछे आयसी आछे हाँय अतक महान आय। मुई तार चप्पलर डोरी के पने ईटायबार पने लायक नुआय।

पाछर दिने ईशु बतिसमा दरबा काचे युहन्नार लगे आयला, जैबे युहन्ना ताके दखला तैबे बोलला, दखा मापरुर मेमना मजपुरर पापमन के उठाय करी नेयसी।

युहन्ना ईशु के बोलला, मुई तोके बतिसमा देबार लायक नुआय। मातर जरुरी आय कि तुई मोके बतिसमा देस। मातर ईशु बोलला, तुई मोके बतिसमा देबार आय। कसन बोलले ये काम करबा काचे अछा आय। तैबे युहन्ना ताके बतिसमा देला, जैबे यीशु केबी पने पाप ना करी रला।

बतिसमा देलार पाछे जैबे ईशु पानी ले निकरी करी ऊपरे आयला। तैबे मापरुर आतमा परंवार रूप ने परकट होयला, आवरी तले आसी करी तार ऊपरे थेबला। अड़कीदाय मापरू सरगले गोटायला। हाँय बोलला, तुई मोर बेटा आस मुई तोके मया करूआय। आवरी मुई तोर ले कुबे हरिक आची।

मापरू युहन्ना के बोली रला, पवितर आतमा तले आसी करी काहरी ऊपरे तेबसी जाके तुई बतिसमा देबीस, हाँई मापरुर बेटा आय। मापरू गोटक आय।जैबे युहन्ना ईशु के बतिसमा देला। तैबे हाँय, पिता मापरुर गोटायबार सुनला, मापरू बेटा के दखला, जोन कि ईशु आय। आवरी हाँय पवितर आतमा के देखला।