40. ईशु के कुरूस ऊपरे चेगायबार

ईशु के मजाक करलार पाछे, सिपाहीमन ईशु के कुरूस ऊपरे चेगायबा काचे नेलाय। सिपाहीमन हाँय कुरूस ईशु के धरायलाय कुरूस ताने ताके मरबार रला।

हाँय सिपाहीमन ईशु के हाँय जगा ऊपरे नेलाय हाँके खोपड़ी बोलुआत, आवरी ईशुर हाथमन आवरी घोड़मन के कुरूस ऊपरे टेसलाय। मातर ईशु बोलला, “हे पिता येमन के क्षमा कर,” कसन बोलले येमन ना जानेत कि येमन काय करबा आत। सिपाहीमन गोटक सिलाट के पने ईशुर मुड ऊपरे टांगलाय। हाँयताने लिखलार रला, “यहूदीमनर राजा”। पिलातुस तीके ये लिखबा काचे बोली रला।

तैबे सिपाहीमन ईशुर पटईमन काचे चिट्टी बनायलाय। हाँयमन असन करबा के हाँयमन हाँय भविषद सांगलाटा पूरा होयला। जाके बोलते रलाय हाँयमन मोर पटई के बाटा करलाय, आवरी मोर पटई काचे चिट्टी पकायलाय।

हाँय लगे दुयटा डाकूमन पने रलाय, येमन के सिपाही मन हाँई समया ने कुरूस ऊपरे चेगाय रलाय। हाँयमन तीके ईशुर दुनो बाटे गाड़ी रलाय। हाँयमन तानले गोटक डाकू ईशुर मजाक करला, मातर उजवा डाकू बोलला, तुई काय काचे ना डरिस कि मापरू तोके दण्ड देयसी? हांमी कुबे गलत काम करलार दोषी आंव, मातर ये मुनुक निरदोष आय। आवरी हाँय ईशु के बोलला जड़कदाय तुई तोर राज ने आयले मोके सुरता कर। ईशु बोलला, “तुई आजी मोर संगे सरग लोक ने होयबीस।”

यहूदी अगुवामन आवरी उजवा लोकमन ईशु के मजाक करलाय। हाँयमन ताके बोललाय, जोदि तुई मापरुर बेटा आस तो कुरूस तानले तले उतरी आव, आवरी तुई बाचायहो तैबे हामी तोर ऊपरे बिसबास करबू।

तैबे समपुरण देश ने बादरी सबूबाटे करिया होयला, भले ही हाँय दिने मुंडे बेरा होई रला। उजवा पाहरर समया ने करिया होई रला। आवरी तीन घंटा तक असनी होई रला।

तैबे ईशु आग देई करी बोलला, सबू होयला, “हे पिता मोर आतमा के तोर हाथे सोफी देबी आची।” तैबे हाँय तार मुंड के तले करला आवरी तार पराण के छाड़ी देला। जड़कदाय ईशु मरला तैबे भूकम होयला, हाँय बड़े परदा जोन मापरुर लोकमन के अलग करते रला। ऊपरले धरी तले तक फाटी करी दुई गोंदा होयला।

तार मोरलार दवारा ईशु मापरू लगे आयबा काचे लोकमन के बाट बनाय देला। ईशुर राखा रला गोटक सिपाही जोन पने होयला। ये सबूके दखला तैबे हाँय बोलला, ये मुनुक दोषी ना रला ये मापरुर बेटा रला।

तैबे युसूफ आवरी निकुदेमुक नावर दुयटा यहूदी अगुवा आयलाय। हाँयमन बिसबास करते रलाय, कि ईशु ही मसीह रला। हाँयमन पिलातुस के ईशुर लाश के मागलाय, हाँयमन तार लाश के पटई ने लेपटलाय। तैबे हाँयमन ताके गोटक चचरा के काटी करी बनायलार मोड़ाभाट्टी ताने नेलाय। आवरी हातार भीतरे सोगायलाय। तैबे हाँयमन करपनर बाट के ढापबा काचे बड़े पकना के टेगली देलाय।