47. फिलिप्पी ताने पौलुस आवरी सिलास
जेबे शाऊल समंपूर्ण रोमी सामराज ने बुलला, तेबे हांय तार रोमी नाव पौलुस सोगायला। गोटक दिने पौलुस आवरी हातार मित्र शिलास फिलिप्पी शहर ने ईशुर बारे नगत खबर सांगबा काचे गलाय। हांयमन शहरर बाहरे नदी रेटे गोटक जगा ऊपरे गलाय। जोनताने लोक पारतना करबा काचे रूंडी रलाय। हायताने लुदिया नावर गोटक बायले के भेटलाय जोन गोटक व्यापारी रला हांय मापरू के मया करबार आय आवरी हातार भजन कीर्तन करबार आय।
मापरू लुदिया के ईशुर बारे नगत खबर ऊपरे विशवास करबा काचे सक्षम करला। पौलुस आवरी सिलास हाके आवरी हातार परिवार के बतिसमा देलाय। हांय पौलुस आवरी सिलास के तार घरे थेबबा काचे बोलला, एईकाचे हांयमन हांयताने थेबलाय।
पौलुस आवरी सिलास लोकमन के आकट हांय जगा ऊपरे भेट होयबार आत जोन ताने यहूदी लोक पारतना करते रबार आत। सबु दिन जेबे हांयमन हांयताने जिबार आत तो गोटक दासी ठोकी के दुष्टआतमा धरी रला, तिकर पीठी -पीठी जिबार आय। एईकाचे हांय भविष्य सागबाबीती होई करी तार स्वामी काचे कुबे धन कमायते रला।
दुष्टआतमा जिबार समया ऐ दासी ठोकी चिचायबार आय, ऐ मनुक परमप्रधान मापरुर सेवक आय। ऐ तोमके ऊद्धार पायबार बाट सागबार आय। हांय सबु दिने असनी करबार आय, जाके कि पौलुस नाराज होयला।
तेबे गोटक दिने जेबे हांय दासी ठोकी चिचायके मुरायला, तेबे पौलुस तार बाटे उलटी करी हातार भीतरे रलार दुष्ट आतमा के बोलला, ईशुर नाव ने एतार भीतरले निकरी जा। हांय समया ने हांय दुष्टआतमा हाके छाड़ी देला।
हांय दासी ठोकीर स्वामी कुबे रिस होयला। हांयमन जानलाय कि हांय दुष्टआतमार नोयलार हांय दासी ठोकी लोकमनर भविष्य ना सांगके सके। एतार अरत रला कि लोक येबे हातार स्वामी के पैसा नादेयत। कि हांय तीके भविष्य ना सांगे कि तिकर संगे काय होयसी।
एईकाचे हांय दासी ठोकीर स्वामी पौलुस आवरी सिलास के रोमी अधिकारीमन लगे नेला। हांयमन पौलुस आवरी सिलास के पेटलाय आवरी तीके जेल घरे डाफी देलाय।
हांयमन पौलुस आवरी सिलास के जेल घरे असन लगे सोगायलाय, जोन ताने सबुले कुबे सिपाही रलाय। अतक तक कि हांयमन तिकर घोड़मन के गचर बड़े गोंदा ने बाँधी देई रलाय। मातर पौलुस आवरी सिलास मोंजी राती बेरा ने मापरुर भजन कीर्तन, गीत गायते रलाय।
हुदापड़े गोटक भयानक भूकम्प होयला। जेल घरर सबु बाट ऊगाड़ी होयला, आवरी सबु कैदीमनर सिकोरा हिटला।
तेबे सिपाही उठला। हांय दखला कि जेलखानार बाट ऊगाड़ी होयला आचे। हांय विचार करला कि सबु कैदीमन बाची करी परायलाय। हांय डरला कि तिकर परायला कारण ले रोमी अधिकारी ताके मारी देबाय। एईकाचे हांय खुद के मारबा काचे तियार होयला। मातर पौलुस ताके दखीकरी बोलला, तेब खुद के नुकसान ना कर। हामी सबु ऐ लगे आचू।
हांय सिपाही थरथरते पौलुस आवरी सिलास लगे आई करी पचारला ऊद्धार पायबा काचे मुई काय करबी? पौलुस जबाब देला, “ परबू ईशुर ऊपरे विशबास कर तेबे तूई आवरी तोर घरर लोक उद्धार पायबाय। तेबे हांय सिपाही पौलुस आवरी सिलास के तार घरे नेला आवरी तिकर घोड़ के धोयला पौलुस तिकर घरर सबु लोकमन के ईशुर बारे नगत खबर सांगला।
सिपाही आवरी हातार सबु परिवार ईशुर ऊपरे विशवास करलाय। एईकाचे पौलुस आवरी सिलास तीके बतिसमा देलाय। तेबे सिपाही पौलुस आवरी सिलास के भात खुयायला, आवरी हांयमन गोटक संगे हरिक होयलाय।
पाछर दिने नगरर अगुवामन पौलुस आवरी सिलास के जेल घरले निकराय देलाय, आवरी फिलिप्पी तानले जिबा काचे बोललाय। पौलुस आवरी सिलास लुदिया आवरी अलग संगवारी के भेट होयलाय। आवरी हातार पाछे नगर ले निकरी गलाए। ईशुर बारे नगत खबर के सांगते गलाय, आवरी कलीसिया होयते रला।
पौलुस आवरी ऊजवा मसी अगुवामन कुबे शहरमन ने बुललाय। हांयमन लोकमन के ईशुर बारे ने नगत खबर सांगलाय, हांयमन मंडलीमनर विशवासीमन के हरिक करबार आवरी शिक्षा देबा काचे कतक चिट्टी पने लिखलाय। एतानले कोनी चिट्टी बाइबलर पुस्तक होयला।
प्रेरितों काम पाठ 16:11-40 बाइबिल तानर गोटक कावनी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।