48. ईशु वायदा करला मसी आय

जेबे मापरू मंजपुर के बनायला, तेबे सबु अच्छा रला। कांई पाप ना रला, आदम आवरी हव्वा एके हांके मया करबार आत, हांयमन मापरू के मया करबार आत। कोनी बीमारी नोयले। मरना ना रला, मापरू असनी मंजपुर के मन करते रला।

शैतान साँपर दवारा बगीचा ने हव्वा के गोटायला कसन बलले हांय ताके धोका देबा काचे होयते रला। तेबे हव्वा आवरी आदम मापरुर ने विरुद्ध पाप करलाय। कसन बोलले हांयमन पाप करलाय एईकाचे मंजपुर ऊपरे रबा बिता सबु लोक मरुआत।

कसन बलले, आदम आवरी हव्वा पाप करी रला। एईकाचे कोनी आवरी पने गलत करले। हांयमन मापरुर शत्रू होयलाय। जहार परिणाम स्वंय आत, सबु गोटक लका लोक पाप करलाय, सबु गोटक लोक जनम ले मापरुर शत्रु आय। मापरुर आवरी लोक के शांति ना रला। मातर मापरू शान्ति देबा काचे होयते रला।

मापरू वायदा करला कि हव्वार गोटक पीढ़ी शैतान ( साँप ) मुंडी के ठेससी हांय ऐ पने बोलला, कि शैतान ( साँप ) तार लेढ़ी के चाबसी। ऊजवा शब्द ने शैतान ईशु मसी के मारसी मातर मापरु ताके फेर ले जीव करी देयसी। एतार पाचे ईशु मसी शैतानर शक्ति के सबुदाय काचे सराय देयसी। कतक बरसर पाचे मापरू परकट करला कि हांय ईशु मसी आय।

मापरू हांय फुर ले तार परिवार के बाचायला, जाहर ले हांय आनबा बिता रला। नूह के गोटक डोंगा बनायबा काचे बोलला, कि हांय असन परकार ले मापरु हांय लोकमन के बाचायला, जोन हातार ऊपरे विशबास करते रलाय। असनी परकार हांयमन सबु के सबु मापरुर दवारा मारी जिबार योग्य रलाय। कसन बोलले हांयमन पाप करी रलाय, मातर मापरू हांय सबु के बाचायबा काचे ईशु के पटायला जोन हातार ऊपरे विशबास करुआत।

सैकड़ा बरस तक पुजारी मापरु काचे बलि देयते रलाय। ऐ दखायसी आचे कि लोकमन पाप करलाय आवरी ऐ कि हांयमन मापरुर दवारा तीके दण्ड देबार योग्य रलाय। मातर हांय बलिदान तिकर पापमन के क्षमा ना देयके सकते रला। ईशु सबुले बड़े महान पुजारी आय। ईशु हांय करला जोन कोनी पुजारी ना करके सकते रलाय। ईशु हांय गोटक मातर बलिदान होयबा काचे खुद के देला, जोन सबु पापमन के मेटाय के सकते रला। हांय स्वीकार करला कि मापरु हांय सबुर पापमन काचे हाके दण्ड करबाय। एई कारण ले ईशु सिद्ध महान पुजारी रला।

मापरू अबराहम के बोलला मुई तोर दवारा मंजपुर सबु कुल के आशीष देबी। ईशु एई अबराहमर पीढ़ी रला। मापरू अबराहमर माध्यम ले सबु कुलमन के आशीष देऊआय कसन बोलले जोन ईशुर ऊपरे विशबास करुआय। मापरू हांय सबु के पाप ले बाचाऊआय। जेबे ऐ लोक ईशुर ऊपरे विशबास करुआय तेबे मापरु तीके अबराहमर पीढ़ी मानुआय।

मापरू अबराहम के बोलला, हांय तार निजर बेटा के हातार काचे बलिदान करी देस। मातर मापरु इसहाकर बालदा बली करबा काचे गोटक मेंडा देला। हामी सबु हामर पापमन काचे मारी जिबार योग्य रलू। मातर मापरु हामर जगा ऊपरे मरबा काचे ईशु के बलिदानर रूप ने देला एई कारण ले हामी ईशु के मापरुर मेंडा बोलुआं।

जेबे मापरु मिसर देश ऊपरे सरासरी विपति पटायला, तो हांय सबु गोटक इसराएली परिवार के बोलला, कि हांयमन गोटक मेंडार बली करोत। हांय मेंडा ने कांई दोष ना रबार आचे। तेबे तिकर बाटे आवरी चौखटर ऊपरे आवरी घरे तीके हातार लहू के लगायबार रला। जेबे मापरु हांय लहू के दखला तेबे हांय तिकर घर ले चोमे गला आवरी तिकर पहिल बेटा के ना मारला। जेबे हांय होयला तेबे मापरु एके फसलर परब बोलला।

ईशु फसलर परबर गोटक मेंडार असन आय। हांय केबे पने पाप ना करला। एई काचे हातार ऊपरे कांई पने गलत ना रला। हांय फसलर परबर समया ने मरला। जेबे कोनी ईशुर ऊपरे विशबास करुआय तैबे ईशुर लहू हांय मनुकर पापमनर मूल्य देऊआय। ये असन आय जसन कि मापरु हांय मनुक लगले चोमे गला, कसन बोलले हांय दण्ड ना देय।

मापरू इसराएली लोकमन संगे गोटक वायदा करी रला, कसन बोलले हांयमन असन लोक रहेत। जाके मापरू तार होयबा काचे बाची रला। मातर येबे मापरू गोटक असन वायदा बांदला आचे जोन सबु काचे आय। जोदि कोनी पने जातिर कोनी पने लोक ऐ नुवा वायदा के स्वीकार करुआय तो हांय मापरुर लोक ने मिसुआय। हांय असन एईकाचे बोलुआय, कसन बोलले हांय ईशु ऊपरे विशवास करुआय।

मूसा गोटक असन भविष्य सांगबा बिता रला जोन, मापरू वचन के कुबे शक्ति संगे परचार करी रला। मातर ईशु सबु भविष्य सांगबा बिता मन ले सबुले बड़े आय। हांय मापरू आय एईकाचे जोन पने हांय करला आवरी बोलला, हांय मापरुर काम आवरी वचन रला। एईकाचे पवितर शासतरर ईशु के मापरुर वचन बोलुआत।

मापरू राजा दाऊद के वायदा करी रला कि राजार रूप ने हातार गोटक पीढ़ी मापरुर लोकमनर ऊपरे सदा काचे राज करसी। ईशु मापरुर बेटा आवरी मसी आय। एईकाचे हांय राजा दाऊदर पीढ़ी आय। जोन सदा काचे राज करके सके।

दाऊद तो इसराएलर राजा रला। मातर ईशु मंजपुर राजा आय। हांय फेर ले आयसी आवरी सदा काचे नियाव आवरी शान्ति ले तार राज ऊपरे राज करसी।