13. इस्राएल संगे मापरु र बायदा
इसराइली मन के लाल समुंद र हांय पाट नेलार पाचे, मापरु हांय मन के झार भीतर ले सीनय डोंगरी बाटे नेला। ए हांई डोंगरी आय जोन थाने मूसा जोय धरबा गच के दकी रये। हांय लोक मन हांय डोंगरी र तले तिकर तम्बू मन के गाड़लाय।
मापरु मूसा आवरी इस्राएल र सबु लोक के बोलला, ‘’तोमके हरमेसा मोर गोट के मानबार आय आवरी जोन बायदा मुई तोमर संगे बांदबी आची हाके बनाय संगायबार आय। तोमी असन करले, तोमी मोर ईनाम खुबे धन, याजक मन र राज आवरी गोटोक पवितर जाति होयबास।
मापरु लगे हांय मन आसबा काचे हांय मन आपना के तीन दिन तक तियार करलाय। तेबे मापरु डोंगरी र तीपे उतरला। जड़क दाय हांय आयला तेबे भुई हाली गला, बिजली चमकला, धुंवा उठला, आवरी तोड़ी मन र खुबे कोलार होयला। तेबे मुसा डोंगरी उपरे चेगला।
तेबे मापरु लोक मन संगे गोटोक बायदा करला। हांय बोलला, ‘’मुई तोमर मापरु, यहोवा आंय। मुई ची आंय जोन तोमके मिसर र गुलाम थानले छाड़ायली। दुसर देव भुत र आराधना ना करा।
मुरती ना बनाहा आवरी हांतार उपासना ना करा, कायकाचे कि मुई यहोवा तोमर गोटकीच मापरु आंय अनुचित रीती ले मोर नाव के ना धरा। सबत के माना। दुसर सबद ने छय दिन ने आपनार सबु बुता करा। सातवां दिन तोमर काचे विश्राम करबार आवरी मोके सुरता करबार दिन आय।
आपनार माँ आवरी बाप र इज्जत कर हत्या ना कर, बेबिचार ना कर, चोरी ना कर, आपनार पड़ोसी र बायले र, हांतार घर र, हांतार काई बले जोमोक के धरबार लालच ना कर।
तेबे मापरु ए दस आगंया मन के पोकना र दुयटा सिलट थाने लिकी करी मूसा के देला। मापरू मानबा काचे लोक मन के आवरी खुबे सुविदा देला, नोयले हांय मन सुबिदा के मानला तेबे मापरु हांय लोक के आसीस देबार आवरी हांतार सुरकछा करबा काचे टाकला। मातर हांय बोलला कि अगर हांय मन एतार पालन ना करबाय तेबे हांय, हांय मन के सजा देयसी।
मापरु इसराइली मन के गोटोक बड़े तमु, बनायबा काचे बले बोलला। मिलाप बीती तमु, हांय तोमके सई सांगला कि ई तमु के कसन बनायबार आय आवरी हांतार बितरे काय जोमोक के सोंगायबार आय। हांय तमु के दुय बाकरा ने बाटा करबा काचे गोटोक बड़े परदा के बनायबा काचे बले बोलला। मापरु हांय परदा र पीटी बाटे र बाकरा ने आयसी आवरी हांय रयसी जोनती मापरु र हांय बाकरा ने जीबार अनुमति काकेई ना रये।
हांय लोक मन के हांय मिलाप बीती तमु छोमे गोटोक बेदी के बनायबार होयसी। कोनी बोले जोन मापरु र व्यवस्था के ना मानसी, हांय ए बेदी उपरे गोटोक जानवर के दरी करी आयला। तेबे याजक हांके जतरा करसी आवरी बेदी उपरे मापरु काचे जतरा र रुप ने जलायसी। मापरु बोलला कि हांय जानवर र हांय मानेर पाप के ढापी देयसी। ई रीती ले एबर मापरु र नजर ने सुद्ध होयसी। मापरु मूसा र भाई हारून के आवरी हारून र थर के आपनार याजक होयबा काचे चुनला।
मापरु हांय लोकमन के जाके नियम देलाय रेत हांय हांतार पालन करबा काचे राजी होयलाय। हांय बस मापरु र लोक होयबार आवरी बस हांतार आराधना करबा काचे मानलाय।
खुबे दिन तक मूसा सीनय डोंगरी र चोटी थाने ची रेला। हांय मापरु के गोटायबार आय। मातर लोक मन लगे आपस आयबार काचे ताकि रेबार आत। ई काचे हांय मन हारून लगे सोना डरी करी आयला आवरी हाँयटा के गोटोक मुरती बनायबा काचे बोललाय ताकि मापरु र पलटा हांतार उपासना करके सकोत। ई रीती ले हांय मन भयंकर तूप ले मापरु के बिरुद्ध पाप करलाय।
हारून बाचा र आकार ने सों र गोटोक मुरती बनायला। हांय लोक मन हांय मूर्ति र जतरा चेगायलाय। हांतार पाप र लागी करी मापरू हांतार ले खुबे रिसा होई रये। हांय हांय मन के नास करबा र चायते रेला। मातर मूसा हांतार अनुरोध के सुनला आवरी हांके नास ना करला।
अतक ले मूसा सीनय परबत ले टेल उतरी आयला। हांय हांय दुनो पोकना र सिलट के धरी रेला, जोन थाने मापरु दस आगंया के लिकी रेला आवरी हांय मुरती के दकला, हांय अतक रिसा होयला, कि हांय, हांय सिलट मन के टूटा फूटा करी देला।
पाचे मूसा हंय मूर्ति के पीसी करी बुरादा बनायला आवरी हांय बुरादे के पानी मिसाय करी हांय लोक मन के हांय पानी पिलाय देला। मापरू हांय लोकमन उपरे बिपति पटायला आवरी हांयतिले कुबे लोकमन मोरी गलाय।
जोन सिलटमन के टुटाय रेला हांतार जागा ने मूसा दस आगंया र पोक्नार नुआ सीलत मन के बनायला तेबे हांय फिर परबत ने चेगला आवरी पारथना करला कि मापरु हांय लोकमन के माफ़ करी देस। मापरु मुसा र सुनला आवरी हांय मन के माफ़ करी देला। नुआ सीलत मन थाने मूसा दस आगंया के दरी करी परबत ले टतले उतरला। तेबे मापरू सीनय परबत ले दरी करी बायदा र देस तक इसराइली मन र अगुवाई करला।
निर्गमन अध्याय 19-34 बाइबलर एक कतानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।