19. भविष्यद्वक्ता

मापरु सबुदाय इस्राएलि मनर लगे भविश्यवक्ता मन के पटायते रेबाराय। भाविस्यवक्ता मापरूर सूचना मन के सुनबाराय आवरी पाचे हाके लोक मोन के सांगबाराय।

जेबे अहाब इसराएल राज्य आने राजा रे तेबे हाय दाय एलियाह भविष्यवक्ता रे। अहाब गोटक घिङ्घिना माने रये। हाय झूठ बोल्ला भगबानर उपासना करायबा काचे लोक मनर विवश करी रये। ई काचे एलियाह अहाब के बोल्ला की मापरू हाय लोक मन के दंडित करके जायते रेला। हाय बोल्ला जेडेकदायले मुय आवरी पानी होयबा काचे ना बोली तेबे तक इसराएल आने न पनि होयसी आवरी न ओष घसरसी।” ई बात ले अहाब खूब रिसा होयला आवरी ई काचे हाय एलियाह के मरते मारबा काचे सोचला।

हाइटा काचे मापरू एलियाह के बोलला की आहाब ले बाचबाकाचे तुइ झार आने जाई लूक। एलियाह झार आने हाय सोता लगे गला जोन टाके मापरू ताके सांगिरला। सब सकालिया आवरी सोंज बेला, चेड़े मन एलियाह काचे भात आवरी मौस आनी देते रलाय। ई पूरा समय, आहाब आवरी हातार सेना एलियाह की डगरायते रलाय, मातर ना डगरायके पारलाय।

पानी ना आयबार ले कीनिक दायर पचे हाय सेना सुखी गला। हायकाचे एलियाह लगेर एक देश आने गला। हाय देश आने गोथक गरीब विधवा रये जाहार गोटक बेटा रे। हाय मनर लगे ऊना पूरा भोजन सरी रये कायकाचे की हायताने कोनी फसल ना होई रये। मातर पाचे बाले हाय बायले एलियाहर देख रेख करलाय, ई काचे मापरू तार आवरी तार बेटार आवश्यकता मनके पूरा करला, ई काचे हातार आटार नकि आवरी तेलर कुप्पी केबे खाली ना होयला। हाए पूरा अकाल दाय हाकर लगे भोजन रये। एलियाह खिनीक बोरस तक हायती रला।

साड़े तीन बोरसर बाद मापरू एलियाह के बोल्ला कि हाय आवरी ले पानी करू आय। हाय एलियाह के वापिस इसराएलर राज्य ने जाइकारी अहाब के बात करबा काचे बोल्ला, ई काचे एलियाह अहाब लगे गला। जेबे अहाब हाके दकला तो हाके बोल्ला, अच्छा तुय आस, मुसीबत पैदा करबा बिता। एलियाह जवाब डेलाय, मुसीबत पैदा करबा बिता तो तुय आय ! तुय यहोवा के त्यागी देला लोक आय। हाय सच्चा मापरू आय, लेकिन तुय बाल के पुजा करबियास। एबे तुय इसराएलर सबू लोक के करमेल परबत थाने नेई करी आयबाराय।

आवरी सबू लोक करमेल परबत के गलाय हाय माने बले आयलाय जोन बोलते रलाय कि हाय बालर सूचना के बोलूयात हाय सोबू 450 लोक रलाय। एलियाह लोक मनके बोल्ला कब तक तुय आपनार मन के फिराए रखबार आय एबे यहोवा मापरू आह तो हातार आराधना कर अगर बाल मापरू आय तो तार उपासना कर।

तेबे एलियाह बालर भविष्यवक्ता मनके बोल्ला, गोटक बैला के जतरा करी करी हातार मौस के बलिदान होयबार के गोटक बेदी आने सोंगाहा, मातर जोय ना लगाहा। हातार बाद मुय बले असनी ही करबी आवरी गोटक अलग बेदी आने सोंगाहा, मातर हाय मौस के सोंगायबी तेबे अगर मापरू बेदी थाने जोय घसरसी तेबे तुय जानबिस कि हाय सच्चा मापरू आय। तेबे बालर भविष्यवक्ता मन गोटक बाली तैयार करी ना जोय लगायलाय।

तेबे बाल भविष्यवक्ता बाल पराथना करला, हे बाल हामर सुन। सबू दिन हायमन पराथना कारला आवरी चिल्लायलाय आवरी खुद के चाकू मनले काटी देलाय मातर बाल जवाब ना देला। आवरी हाय कोनी जोय ना घसरला।

बाल भविष्यवक्ता मन बोललाय बाल के पराथना करबा ने ऊना पूरा सबू दिन गुजरी गला। अलगा हायमन पराथना करबार बंद करी देलाय। तेबे एलियाह दूसरा बैलार मौस के मापरूर बेदी थाने सोंगाय देला हाटर बाद, हाय लोक मन के पानीर बड़े बर्तन मन के हाय जतरा पातर आने सोंगाय देला। हातार तक उड़ेलने काचे बोल्ला जेबे तक टी मौस, दारू मन आवरी हाय तक कि बेदी लगेर भुई सबू बाटले भिजी ना होई गला।

तेबे एलियाह पराथना करला, हे यहोवा, अब्राहम, इसहाक, आवरी याकूबर मापरू, हामके भगवान मनर आय इस्राइलर मापरू आय आवरी हाय कि मुय तोमर दास आय। मोके सांग जाहरले ऐ लोकर जीव धरावार कि तुय ही सच्चा मापरू आय।

तुरंत आका, माद्री ऊपर ले जॉय गसरलाए आवरी माउस, दारू, पोखना, माती आवरी बेदी लगर आली पालीर पानी बी जली गला। जेबे लोक दखलाय, हाय मन तले पड़ी करी बोललाय, “यहोवा आका मापरू आय! यहोवा आका मापरू आय!”

तेबे एलियाह बोलला, “बालर गोथक बी भविष्यवक्ता ना बाचो! हाई काछे लोक मन बालर भविष्यवक्ता मन धरलाय आवरी हाय मन के अलगे नेलाय आवरी हाय मन के मारी डेलाय।

तेबे एलियाह आहाब राजा के बोलला, “झटके अपना घर पोला, पानी गसरसी बे।” झटके आका बादली अंदार होयला, आवरी बहुत पानी घसरला। मापरू हाई सूखा के बंद करते रलाय। ए ठानले जानलाय की यहोवा आका मापरू आय।

जेबे एलियाह आपनार बूता के सरायला, तेबे मापरू एलिशा नामर गोठक माने के आपनार भविष्यवक्ता यहोवा काछे चुनला। मापरू एलिशार माध्यम ले चमत्कार करला। गोटक चमत्कार नाम संगे होयला हाय गोटक दुश्मनर सेनार सरदार रे, मातर हाय थोलाना घिनघीना रोग होई गला, नामान एलियाहर बारे ने सुनी रए, हाई काचे हाय एलियाहर लगे आयला आवरी हाके हाथ अच्छा करबा काछे अनुरोध करला एलिशा नामान के बोलला की जाइकरी यरदन नदीर पानी आने सात बार बुड़ी कर।

यामान रिसा होई गला। हाय असन ही करबा ले नाई बोलला, कायकाचे की हाय हाके भोकवार बूता लागबा राय। मातर पाचे हाय आपनार मन बदलाय देला आवरी जाइकरी यरदन नदिर पानी ने सात हार बुड़ला। जेबे आखरी हार हाय पानी ले बाहरे निकरला तेबे मापरू हाके अच्छा करी देला।

मापरू इसराएलर लोक मनर लगे आवरी खुबे भविष्यवक्ता मनके पटायला। हाय सबू लोक मन मूर्ति मनर उपासना करबार बंद करी देबा काचे बोलला। एतार बजाए, हायमनर के गोटक दुसरार संग आवरी न्याय पुरबक व्यवहार करबार आय आवरी गोटक दुसर थाने दया करबार आय। हाय भविष्यवक्ता मन लोक मन के चेतावनी देला की हायमन के घीनघिना बूता के बोन्द करी देबार आय। आवरी हातार बजाय मापरूर गोट के मानबार आय। हाय लोकमान असन ना करलाय टेबे मापरू हाय मनके दोषी मानसी आवरी हाय मनर न्याय करबाए,आवरी हाय मनके दंड देबाए।

अधिक समय, हाय मन मापरूर गोट के ना मानलाय। अकसर हाय मन भविष्यवक्ता मनर संगे बुरा सुलूक करलाय आवरी हायमन के केबे केबे हायमन के मारी देलाय, गोटक हार हायमन निर्मयाह भविष्यवक्ता के सुकला चुआ ने डाली देला आवरी हाय हाके मोरबा काचे छाड़ी देला, हाय चुआर तल र चड़ ने धँसी गला। मातर तेबे राजार हाय थाने दया आयला आवरी हाय आपनार सैनिक मन के आदेश देला की निर्मयाहर मोरबार पयले हाके चुआले बाहरे झिकला।

भविष्यवक्तामन मापरूर आवरी बाटले बोलबार चालू सोंगायला भले ही लोकमन हाके नफरत करलाय। हायमन लोकमन के चेतावनी देला की अगर हायमन पचताप ना करलाय तेबे मापरू हायमन के मोराय देला। हायमन लोकमन के हाय बले जानलाय मापरू हायमन लगे महीय के पोटायलाय की किरिया करू।