20. गुलामीर ले आपस लेउटला

इस्राइल राज्य आवरी यहूदा राज्य दुनों ने मापरूर विरूद्ध पाप कार्ला। हायमन हाय गोट के टूटाय दलाय जोन मापरु तिकार संगे सिने हाने करी रलाय। मापरू हाय मनर पचताप करबार आवरी पाचे हातार आराधना करबा काछे चेतावनी देबा काचे आपनार भविष्यवक्ता मन के पटाय।, मातर हायमन हातार गोट मन के मानबार के नाई बोललाय। इस्राइलर राज्य आवरी यहूदार राज्य मापरू प्रति पाप कारलाय।

आवरी मापरू हातार शत्रु मन के हायमन मोरबाने सक्षम करबार बाटले दुनों राज्यो के दुका देला। अश्शुर गोटक आसूर देश राये जोन खुबे शक्तिसाली होई गला। हाय दुसर देसर देसर प्रति खुबे निरदाए बले रहे। हाय मन आसी करी इसराएलर राज्य के नाश करी देलाय अश्शुरियों आइकरी इसराएलर राज्य ने खुबे के मारी देलाय, जोन चायलाय हाके लूटी देलाय। आवरी देशर कोनी कोनी हिस्सा के जलाय देलाय।

अश्शुरियों सोबू अगुवो, सौकर लोकमान आवरी असन लोकमन के जाके भारी जमोक बनला अशशुर देश ने नेलाय। इस्राइल ने कोनी गरीब इसराएली ही बाचलाय।

पाचे अश्शुरी हाय देश ने रेबा काचे विदेशियों के नेईकारी आयलाय हाय विदेशियों हाय नगरों के पाचे बनायलाय। जोन इसराएली हाय बाची रये हाय मन ले हाय मन बिया करला। ई लोक के वंशज सामरी बोललाय।

यहूदार राज्यर लोकमन डकलाय की मापरू हाय थाने विसवास ना करलार आवरी हातार गोट मन के ना धरलार लागिकरी इसराएलर राज्य लोकमन के दुका देला। मातर तेबले बले हायमन कनानियोर भगवान मनर मूर्ति मनर उपासना करलाय। मापरूर हायमन सूचना देबार काचे बले भविष्यवक्ता मन के पटायलाय मातर हायमन सुनबार ले नाई बोली देलाय।

उनापुरा 100 बोरसर पाचे अस्सुरियोंर इसराएलर राज्यर नाश करी देला मापरू बेबीलोनर राजा, नाबूकद्नेसर के यहूदार राज्य थाने हमला करबा काचे पटायला। बेबीलोन गोटक बोकुबिता देश रये। यहूदार राजा नाबूकद्नेसर राजा सारा धनर भुगतान करबा काचे सहमत होई गला।

मातर खिनीक बोरसर पाचे, यहूदा राजा बेबीलोनर वीरुध बलवा कार्ला। आवरी बेबीलोन आपिस आई करी यहूदार राज्य थाने हमला करी देलाय। हायमन यरुशलेम नगर थाने कब्जा करी मंदिरर खजाना के चोरी करी देलाय।

बलवा करलार लागिकरी यहूदा राजार दंडित करबा काचे नाबूकद्नेसर सैनिक मन राजार हातार छोमे मारी देला आवरी पाचे हाय अंदार करी देला। येतार पाचे हाय राजा के नेलाय कायकाचे की हाय बेबीलोनर जैलखाना ने मोरी जाओ।

नाबूकद्नेसर आवरी हातार सेना यहूदार राज्यर उनापुरा सोबूलोकर पीछे चाड़ी गलाय, केवल गरीब लोकमन के हाय खेतो ने फसल रोपबाय। दादर, ये काल के बधूआई बोलला गला आय जोन्ती मापरू लोकमनर कीरियार देश निक्ली जिबा काचे विवश करी जायी रये।

भले दुय, मापरूर आपनार लोकमन के हायती पापर काचे सरापिया आपनार किरियाओ के भुलकी रये मापरू आपनार लोकमनर निगरानी करबार जारी रखला आवरी आपनार भविष्यवक्ता मनर बाटले हाय गोटायले रहे। हाय किरियार सत्तर बोरसर पाचे, हार आवरी किरिया रेश ने आयबार आय।

उनापुरा सत्तर बोरसर पाचे, फारसर राजा कुरिसर बेबीलोन के हारायला, हाइकाचे बेबीलोनर साम्राज्यर बजाए फारसर साम्राज्यर कई देशो थाने शासन करला। इस्राएली लोक ऐबे यहूदी कहलाउबारात। हायती ले खुबे आपनार पूरा जीवन बेबीलोन आने बिताय देलाय। केवल खुबे खिनीक ढोकरा यहूदी मनके यहूदार देशर स्मरण रे।

फारसी लोक खुबे सामर्थी रयेत, मातर हायमन आपनार बिटि लोकमन थाने दया करी रयेत। फारसी लोकमनर राजा बनबार खिनीक दायर पाचे, कुस्रुर गोटक आदेश देला। कि कोनी बले यहूदी जोन यहूदा आपस वापिस जिबा काचे चाएसी, हाय फारस ले निकरी करी वापिस यहूदा के जायके सके। येती तक कि हाय हायमन के मंदिर के पाचे बनायबा काचे धन बले देला। आवरी बंधुआईर सत्तर बोरसर पाचे, यहूदियोंर गोटक छोटे समूह यहूदार येरूसलेमके वापिस आयलाय।

जेबे हाय लोक येरूसलेम खेटलाय टेबे हायमन मंदिर के आवरी नगरर चारो बाटर दीवार के फिर ले बनायलाय। फारसी लोक एबे बले हाय थाने शासन करबात मातर गोटक हार आवरी ले हाय प्रतिज्ञार देश ने रेयते रेला आवरी मंदिर ने आराधना करते रयेत।