21. मापरू मसिहर किरिया करूआय

जेबे मापरू संसार के बनायला, हाय जानते रला की केबे बी मसीह के पठायके पडू आय। मापरू आदम आवरी हवा के किरिया करी रेला की करसी। हाय बोलला की हवा ले गोटक वंशज जनम होयसी जॉन साँपर मूँद के खुंदसी। जोन साँप हवा के ठगी रेला हाय सते सेतान रला। मापरूर अर्थ रेला की मसीह पूरा पूरी सेतान के हाराय देसी।

मापरू अब्राहम के किरिया करी रेला की हातार बाटले संसारर सोबू जात मन आशीष पायबाय। मापरू पाचे कड़की दाय बाले मसीह के पटायबार बाटले ई किरिया के सरायसी। हाय मसीह संसारर गोटक गोटक जाती थानर लोक मन के हातार लगे छाडायसी।

मापरू मूसा के किरिया करी रये की भविष्य ने हाय मुसार समान गोटक उजा भविष्यवक्ता के पटायसी। हाय भविष्यवक्ता मसीह होयसी। ई रीति ले, मापरू आवरी ले किरिया करला की हाय मसीह के पटायसी।

मापरू रजा दाऊद के किरिया करी रये की हातार गोटक वंशज मसीह होयसी हाय राजा होयसी। आवरी मापरूर लोक थाने सोबुदाय काछे राज करसी।

मापरू निर्मयाह भविष्यवक्ता के गोटायला की आवरी बोलला की गोटक दिने हाय गोटक नुआ किरिया करला। हाय नुआ किरिया इसराएलर संगे सीनै थाने बांधलाय जूना किरियार जसन ना जोयसी। जड़क दाय लोक मन संगे हाय आपनार नुआ किरिया के बोलसी तेबे हाय हाय थाने आपनि के मानेर रूप ने परगट करसी आवरी गोटक गोटलों प्रीति सोंगायबाय आवरी हातार व्यस्थार पालन करबार मन करबाय मापरू बोलला की येतार व्यस्था के तिकर हृदय ने लिखी देलाय जसन होयसी हाय हायमनर लोक मन होयबाय आवरी मापरू तिकर पापमन ले छमा करसी हाय मसीह होयसी जोन तिकर संगे नुआ किरिया करसी।

मापरूर भविष्यवक्ताओं मन असन बले बोल्ला कि मसीह गोटक भविष्यवक्ता होयसी। गोटक भविष्यवक्ता हाय माने आय जोन मापरूर वचन मन के सुनूआत। आवरी पाचे लोक मन थाने मापरूर सूचनार घोसणा करूआत जाके पटायबास मापरू किरिया करी रेला कि हाय मसीह गोटक सिद्ध भविष्यवक्ता होयबाय। अर्थात हाय मसीह मापरूर संदेशों के अच्छाले सुनसी आवरी हाय लोकमान के हाय संदेशों के अच्छाले सिखायसी।

इसराएली याजक मन लोक मन काछे मापरूर छोमे जतरा करबार चालू सोंगायला। हाय बलिदान लोकर पाप काचे हायमन के मापरूर बाटले दंड करबार जागा थाने चढ़ाई जाई रेलाय। याजक मनर लोकमन काचे दुआ बले करला। मातर हाय मसीह सिद्ध महायाजक होयसी जोन मापरू के देबा काचे गोटक सिद्ध बलीर रूप ने आपनि के चेगेयसी। असन कि हाय खुद के बलि होयबा काचे देयसी, तेबे संसारर कोनी बले काहरी बलि जरूरत ना होयसी।

लोक मकार समूमन थाने राजा आवरी प्रधान राज करसी, आवरी कोनी-कोनी हाय गलतीमन करूआत, राजा दाऊद बस इसराएलियों थाने शासन करला, मातर राजा दाउदर वंशज मसीह सोबू संसार थाने शासन करसी, आवरी हाय सोबुदाय काचे शासन करसी एतार पाचे हाय सोबुदाय न्यायपूर्ण रीति ले राज करसी आवरी सई निर्णयमन के धरसी।

मापरूर भविष्यवक्तामन मसिहर बारे ने खुबे जसन गोट के बोल्ला, जानबा काचे मलाकी बोल्ला कि मसिहर आयले पहले गोटक अन्य भविष्यवक्ता आयसी। हाय भविष्यवक्ता खुबे जरूरत होयसी एतार अलावा यसायाह भविष्यवक्ता लिखला की मसीह गोटक कुआरी ले जनम धरसी। आवरी मिका भविष्यवक्ता बोल्ला कि मसीह बैतलहेम नगर ने जनम धरसी।

यसायाह भविष्यवक्ता बोल्ला कि मसीह गलिलर क्षेत्र ने वास करसी जॉन लोक खुबे दु:खी आचे मसीह हायमन के शांति देयसी। हाय कैदियों के बले आजाद करसी, मसीह बीमारी के आवरी जॉन खुबे ना सके नोयले हिंडके ना सके हायमन के बले चंगा करसी।

यसायाह भविष्यवक्ता ये बले बोल्ला की लोक मसीह के नफरत करसी आवरी हाके अपनायबारले नाई बोलसी। अलग भविष्यवक्तामन बोल्ला की मसीह गोटक संगवासी हातार विरूद्ध उटसी। जकरयाह भविष्यवक्ता बोल्ला कि हातार ये संगवारी आसान करबा काचे दुसर लोकमन ले चांदीर सिक्का धरसी। येतार अलावा खिनीक भविष्यवक्तामन बोल्ला कि मसीह के मारी देलाय आवरी हाय कि हाय हातार फोटी काचे जुआ बी खेललाय।

भविष्यवक्तामन ये बले सांगला की मसीह कसन मोरबाय। यसायाह भविष्यवाणी कि लोक मसीह थाने थुकबाय, हातार हासी उड़ायबाय आवरी हाके मारबाय। हाय हाके छेदी देलाय आवरी यातना थाने भोरी जायसी, जेबे कि हाय काइबले गलत ना करला।

भविष्यवक्तामन ये बले सांगला कि मसीह पाप ना करसी। हाय सिद्ध होयसी। मातर हाय इकाचे मोरसी मापरू हाके अन्य लोकमनर पाप मन के लागिकरी दंडित करबाय। हातार मोरले लोक मापरूर संगे मेल करबा ने सक्षम होयबाय। हाइकाचे मापरू चायते रेला की मसीह मोरो।

भविष्यवक्तामन ये बले सांगलाय की मापरू मसीह के मोरलार थानले जियायसी। हाय दर्शाऊयाए कि हाय सोबू नुआ किरिया के बांधबार मापरूर योजना रे ताकी हाय हाय लोक मन के बाचायके सके जोनमन हातार विरुद्ध पाप करला आचे।

मापरू भविष्यवक्तामन थाने मसिहर बारे ने खुबेजसन गोतमन के जतायला, मातर मसीह हाय भविष्यवक्तामन ले कोनी के बले जीवनकाल ने आयी रेला। ये भविष्यवक्तामन के दियाजीबार 400 से खुबे बोरसर बाद, सही समय थाने मापरू मसीह के इ संसारर ने पटायसी।