22. यूहन्नार जनम

अतीत ने, मापरू ने अपनार भविष्यवक्तामन ले बात करी रये हाइकाचे हाय लोकमन ले बात करके सकते रये। मातर हाय समय ले धरीकर पाचे 400 बोरसर बितबा तक हाय हायमन के बात ना करला। टेबे मापरू जकर्याह नामर भविष्यवक्तार लेगे गोटक स्वर्गदूत के पोठायला। जकर्याह आवरी हातार बायले एलिशिबा मापरूर आदर करबाराय। हायमन बहुत डोकरा होई जायी रेलाय, आवरी हायमनर कोनी पीला झिला ना होई रेलाय।

हाय सरगदूत जकर्याह के बोलला तोर बायलेर गोटक बेटा उत्पन्न होयसी तुय हातार नाम यूहन्ना सोंगाव। मापरू हाके पवित्र आत्मा ले परिपूर्ण करसी आवरी यूहन्ना लोकमन के मसीह के गरहन करबा काचे तियार करसी। जकर्याह जवाब देला, “ मुय आवरी मोर बायले संतान उत्पन्न करबा काचे खुबे डोकरा आचे। मुय कसन जानबी की तुय मोके सते बोलबी अचिस ?”

हाय सरगदूत जकर्याह के जवाब देला, तोर लगे ये शुभ संदेश के धरबा काचे, मुय मापरूर बाटले पटायलार गली आची। कायकाचे कि तुय मोके सत ना करलिस हायकाचे पीला झिलार जनम धरबार तक बोलबार ने सक्षम ना होये। मातर जकर्याह, बोलला ने असफल रेला। टेबे हाय सरगदूत जकर्याह लगेले जायते गलाये येतार बाद, जकर्याह घरे वापस आयला आवरी हातार बायले पेटे होयला।

जड़कदाय एलिशिबा छः मासर पेटे रये, तेबे हाय सरगदूत अचानक ले एलिशिबार लोकबाक थाने परगट होयला, जाहर नाव मरियम रये मरियम कुआरी रये आवरी बिया होयबा काचे युसुफ नामर माने संगे हाटर मांगनी होई रेला। सरगदूत बोलला “तुय पेटे होयबिस आवरी गोटका बेटा के जनम देबीस टोके हातार नाम यीशु सोंगायबार आय आवरी सबूदाय काचे शासन करसी।

मरियम जवाब देला, ये कसन होयसी कायकाचे की मुय तो कुआरी आय, हाय सरगदूत समझायला पवित्र आत्मा तोर थाने आयसी, आवरी मापरूर शामर्थ तोर थाने छाया करसी। हायकाचे हाय मापरूर बेटा होयसी। जोन हाय सरगदूत बोलला हायथाने मरियम विश्वास करला।

ये होयलार अड्किए पाचे, मरियम जाइकरी एलिशिबा ले भेट करला। जसन ही मरियम हाय नमस्कार करला, एलिशिबार शिशु हातार भीतरे उछलला, हायमन काचे मापरू जोन करलार रये हातार पाचे मुय हाय बायलेमन गोटक संगे हरिक होयलाय, एलिशिबा संगे तीन मास रेलार पाचे मरियम घरे आयला।

येतार पाचे, एलिशिबा आपनार बेटा के जनम देला। जकर्याह आवरी एलिशिबा हाय बेटार नाम यूहन्ना सोंगायला, जसन की हाय सरगदूत आदेश देला रये। तेबे मापरू जकर्याह के बोलबा ने सक्षम करला, जकर्याह बोलला, मापरूर स्तुति हो, हायकाचे की हाय आपनार लोकमन के सहायता करबार स्मरण सोंगायलाचे ! ये मोर बेटा तूह सोबूले – शक्तिमान मापरूर भविष्यवक्ता होयसी। तुय लोकमन के सांगबिस की हाय कसन आपनार पापमन काचे माफ पराप्त करके सकेत।