23. यीशुर जनम

युसुफ नामर गोटक मोन संगे मरियमर मांगनी होई रेला। जड़कदाय हाय सुनला की मरियम पेटे आचे तो हाय जानते रये कि हाय हातार बेटा नुयाय। मातर हाय मरियम के बदनाम ना करबार चायते रये, हाईकाचे हाय, हाय थाने दया करबार आवरी हाके चुपचाप तलाक देबार सोचला मातर येतार पयले की हाय असन करता, गोटक सरगदूत हातार सपना ने आइकरी हाके गोटायला।

हाय सरगदूत बोलला आचे युसुफ मरियम के आपनार बायलेर रूप ने धरिकरी आनबाले ना दर। हातार भीतरे जोन बेटा आचे हाय पवित्र आत्मार बाटले आये। हाय गोटक बेटा के जनम देयसी। हातार नाम यीशु सोंगाव जहार माने आय यहोवा बाचायसी आचे। हायकाचे की हाय लोकमान के हातार पापमन ले बाचायसी।

आवरी युसुफ मरियम ले बिया करला आवरी हाय बाले के रूप ने घरे आयला मातर हातार बेटा के जन्म देबार तक हाय हातार संगे ना सोये।

जड़कदाय मरियमर जनम देबार दाय लगे रये, तेबे हाय आवरी युसुफ बैतेलहम जिबार गोटक लोम यात्रा करला। हायमन के हाय जिबारिच रये। कायकाचे की रोमी अधिकारी इस्राइल ने रेबार सोबू लोकमनर गिनती करबार चाहि रये की सोबू लोक मन हाय जाय जोनती हातार पूर्वज रेबराय। राजा दाऊद जन्म बैतेलहम ने होयला आवरी हाय मरियम आवरी युसुफ दुनोर पूर्वज रये।

मरियम आवरी युसुफ बैतेलहम गलाय मातर हायती जानवरमन के सोंगायबा जागार अलावा हायमनर ठेबबा काचे कोनी जागा ना रेला। हाई जागा रये जोनती मरियम आपनार बेटा के जनम देला हाय हाके चरनी ने सुयायला कायकाचे की हाय हातार काचे काई ओचना ना रेला। हायमन हातार नाम यीशु सोंगायला।

हाई राति हाइलगर बेड़ा ने चरवाहामन आपनार मेंडि मनर कूड़ार राका करते रये। अचानक ले गोटक चमकबा सरगदूत हाय थाने परकट होयला आवरी हाय डरी गलाय। हाय सरगदूत बोलला ना डरा कायकाचे की मोर लगे तोमर काचे अच्छा संदेश आचे। बैतेलहम ने मसीह स्वामीर जनम होयला आचे।

जाइकरी हाय पिलार डगराहा आवरी तुय हाके कपड़ा ने लेप्टायला होयला आवरी चरनी ने सुआयला होयला मिरायबास। अचानक ले बादरी सरगदूत ले भोरी गला हाय मापरूर स्तुति करते रये। हायमन बोलला सोबू महिमा सरग ने बोसला मापरू के माल्ला भुई थाने हाय लोकमन ने शांति हो जहांर हाय चिंता करू आय।

तेबे सरगदूत जायते गलाय। हाय चरवाह बाले आपनार भेड़मन के छाड़ी करी बालक के दक्के गलाय। झोपके ही हाय, हाय जागा थाने खेटलाय जोनती यीशु रये आवरी हायमन हाके चरनी ने ढुलला पायलाय जसन की हाय सरगदूत बोलीरेला, हाय खुबे हरिक रेलाय, तेबे हाय चरवाहे आपस हायती आपस गलाय जोनती हायमन भेड़मन रये। हायमन जोनटा बाले सुनलाय आवरी दक्लाय हाय सोबू काचे हाय मापरूर स्तुति करते रेलाय।

पूरब ने दूत गोटक देश ने कोनी आने रये। हायमन सितारामन अध्यन्न करिरेलाय आवरी हाय खुबे बुद्धिमान रये हायमन गोटक असामान्य सितारे के बादरी ने दखलाय। हायमन बोल्लाय की एतार माने आय की यहूदियोंर गोटक नुआ राजार जनम होयला आचे। हाईकाचे हायमन हाय बालक के दखबा काचे आपनार देश ले यात्रा करबार निर्णय करलाय। गोटक लोम यातरार बाद हाय बैतेलहम आयलाय आवरी हाय घर के मिलायलाय जोनती यीशु आवरी हातार माँ बाप ठेबी रेलाय।

जड़कदाय ये मानेमन यीशु के आपनार मा र संगे दक्ला तेबे हायमन मांडीखूटा दि करी हायतार आराधना करलाय। हायमन यीशु के महंगा उपहार देलाय पाचे हाय घर आपस गलाय।