24. यूहन्ना यीशु के बपतिस्मा देऊआय

एलिशिबा आवरी जकार्याहर बेटा यूहनना बड़े होइकरी गोटक भविष्यवक्ता बनी गला हाय झार ने रेबाराय आवरी झारर शहद आवरी कीड़ामन खायबाराय आवरी उंटर रोम ले बनला कपड़ा पिंदबाराय।

खुबे लोक यूहन्नार गोट सुनबा काचे झारे निकरी आयला। हाय ये बोलते करी परचार करला पश्चताप कर कायकाचे की सरगर राज लगे आचे।

जड़कदाय लोकमन यूहन्ना के संदेश के सुनला तेबे हायमन ले खुबे ने आपनार पापमन ले पश्चताप करला आवरी यूहन्ना हाके बपतिस्मा देला यूहन्ना के दखबा काचे खुबे धरमी अगुवे मन बाले आयलाय मातर हायमन आपनार पापमन के पश्चताप या अंगीकार ना करलाय।

यूहन्ना धार्मिक अगुवामन के बोल्ला आचे जहरीले साँपो ! पश्चताप करा आवरी आपनार व्यवहार के बदलो। मापरू हर हाय गच के काटी देयसी जोन अच्छा फल ना आने आवरी हाय हायमन के जोय ने झोकी देयसी जोन भविष्यवक्ता मन बोल्ला रये यूहन्ना हाय पूरा करला दका, सिघ्र ही मुय तोर छोमे आपनार संदेशवाहक के पटायसी जोन तोर काचे मार्ग के तियार करसी।

खिनीक धरमी अगुवामन यूहन्ना के पोचारलाय कि काय हाय मसीह आय, यूहन्ना बोल्ला मुय मसीह नुआय मातर हाय मोर पाचे आयसी आचे। हाय अतक महान आय कि मुय हातार बूटर पिता खोलबार बाले योग्य नुआय।

दुसर दिने यीशु बपतिस्मा धरबा काचे यूहन्नर लगे आयला जेबे यूहन्ना हाके दकला तेबे हाय बोल्ला दका मापरूर मेंडि जोन संसारर पापी के उठायकारी नेयसी।

यूहन्ना यीशु के बोल्ला मुय तोके बपतिस्मा देबार योग्य नुआय। येतार जरूरत आचे कि तुय मोके बपतिस्मा देस मातर यीशु बोल्ला तोके मोके बपतिस्मा देबार चाहिआय कायकाचे कि करबा काचे सई बूता ईटा आय, आवरी यूहन्ना हाके बपतिस्मा देला जसन कि यीशु केबि पाप ना करी रये।

बपतिस्मा दियायलार पाचे जेबे यीशु पानी ले निकरी करी बाहरे आयला तेबे मापरूर आत्मा पोरुआर रूप ने परकट होयला आवरी तले आईकरी हाय थाने थेबी गला। अड्किच दाय मापरू सरग ले गोटायला हाय बोल्ला “तुय मोर बेटा आस। मुय तोके मया करूआय, आवरी मुय तोर ले खुबे हारिक आची।”

मापरू यूहन्ना के बोली रला पवित्र आत्मा तले आइकरी काहरी थाने ठहर जायसी जाके तुय बपतिस्मा देयसी। हाई मापरूर बेटा आय मापरू गोटकिच आय मातर जेबे यूहन्ना यीशु के बपतिस्मा देला तो हाय मापरू बाप के गोटायबादाय सुनलाय बेटा मापरू के दकला जोन कि यीशु आय आवरी हाय पवित्र आत्मा के दकला।