25. शैतान यीशुर परीक्षा नेऊआय

यीशुर बपतिस्मा होयलार अड़किय दाय, पवित्र आत्मा हाके झारे नेला। यीशु हायती चालीस दिन आवरी चालीस राति रये हाय दाय हाय उपास करला, आवरी सैतान यीशु लगे आइकरी पाप करला काचे बोल्ला हातार परीक्षा करला।

पयले, सैतान यीशु के बोल्ला, “अगर तुय मापरूर बेटा आस तो ये पोकना मन के रोटी बनाय देस कायकाचे की तुय खायके सक।”

मातर यीशु सैतान के बोल्ला, “मापरूर पत्री ने ये लिखला आये की जीव रेबा काचे मानव के खाली रोटीर आवश्यकता नुआय, मातर हायमन के हर गोटक आवश्यकता आये जोन मापरू हायमन के बोल्ला अचे।

तेबे सैतान यीशुर मंदिरर सोबूले डेंग थाने नेला। हाय हाके बोल्ला, अगर तुय मापरूर बेटा आस तो येती ले तले डोगाव, कायकाचे आपणार सरगदूत के आदेश देयसी की तोर गोड़ थाने पोकना ले ठटाय ना लागो।”

मातर यीशु हाय ना करला जोन सैतान हाके करबा काचे बोल्ली रेला येतार बजाए, हाय बोल्ला मापरू हर गोटक के बोलसी आचे, तुय प्रभु आपणार मापरूर परीक्षा ना कर।

पाचे सैतान हाके संसारर सोबू राज्य दकायला। हाय हाके दकायला की हाय कतक बोपू रये। आवरी हाय कतक सम्पन्न रये। हाय यीशु के बोल्ला, मुय तोके ये सबू देबी अगर तुय मांडीखूटा टेकी करी मोर उपासना करा।

यीशु बोल्ला ये सैतान, मोर लगले जा ! मापरूर वचन ने हाय लोकमन के आदेश देयसी आचे, केवल आपनार प्रभु मापरूर आराधना करा। मापरूर रूप ने केवल हातारीय आदर करा।

यीशु सैतानर परीक्षा ले हार ना मानिरये, हाइकाचे सैतान हातार लगेले जायते गला। तेबे सरगदूत आईकरी यीशुर सेवाटहल करके लागलाय।