26. यीशु आपनार सेवा आरंभ करूआय

सैतानर परीक्षाओं के नाई बोल्लार पाचे, यीशु गलिलर क्षेत्र ने वापिस आयला। येटा हाई जागा रये जोनती हाय रेबराय। पवित्र आत्मा हाके बहुत बोपू देते रये, आवरी यीशु गोटक जागा ले दुसर जागा गला आवरी लोकमन के शिक्षा देला। सोबू लोकमन हातार बारेने अच्छा कथा कारलाए।

यीशु नासरत नगर ने गला। एटा हाय गाँव आय जोनती हाय आपणार सान दाय रेबराय। सब्तर दिन, हाय आराधना करबा जागा ने गला। अगुवो मन हाके यसायाह भविष्यवक्तार संदेशार गोटक पुस्तक देलाय। हायमन चायते रेलाय की हाय हाय थानले पढे। अतः यीशु हाय पुस्तक के खोली करी हाय आनर गोटक भाग के लोकमन काचे पढला।

यीशु पढला की, “मापरु मोके आपनार आत्मा देला आचे ताकि मुय कंगाल मन ने सुसमाचार परचार करके सकबी। हाय मोके ई काचे पोटायला आचे की बंदी मन के छड़ायबा काचे, काना मन के दकायबा काचे, आवरी हायमन के छुटकारा देबी जोन दूसरा लोकमन के खुन्द्बाचेत। येटा हाय समय आय जेबे मापरू हामर उपरे किरपा होयसी आवरी हामर सहायता करसी।”

पाचे यीशु बोसला। सोबू लोकमन हाके ध्यान ले दखते रेलाय। हायमन जानते रेलाय की पवित्रशास्त्र आनर जोन भाग हाय एबे पढला हायटा मसीहर बारेने रेलाय। यीशु बोल्ला, “जोन कथा मुय एबे तोमर काचे पढली, हायटा ई समय ने घटसी आचे।” सोबू लोकमन भोकवा रेलाय। हायमन बोल्लाय, “ काय ये युसुफर पुत्र नुआय ?”

जेबे यीशु बोल्ला, “एटा सते आय की लोकमन एयसा भविष्यवक्ता मन के केबे स्वीकार ना करबाय जोन हायमनर नगर ने पल्ला – बढला आचेत। एलियाह भविष्यवक्ता के समय आने, इस्राइल आने बहुत विधवा मन रेलाय। मातर जेबे साड़े तीन बोरस तक पानी ना घसरलाय तो मापरू एलियाह के इस्राइल आने कोनी विधवा के सहायता करबा काचे ना पोठायला। तार बजाय, हाय एलियाह के कोनी दूसरा देशर विधवा लेगे पोठायला।”

यीशु बोलते रला, “आवरी एलिशा भविष्यवक्तार समय ने, इस्राइलर बहुत लोकमन चामड़ीर रोग ले पीड़ित रये। मातर एलिशा हायमन ले काकी बी अच्छा ना करला। हाय केवल इस्राइलर शत्रुर सेनापति नामान के अच्छा करला।” मातर जोन लोक यीशु के सुनते रेलाय हायमन यहूदी रेलाय। हायकाचे हायमन हाके बोल्लाटा सुनलाय तो हाय हायमनके रिसा होयलाय।

नासरतर लोकमन यीशु के धरलाय आवरी हाके आराधनार जागा आने घसीटी करी बाहरे नेलाय। हायमन हाके मरते मारबा काचे तले पोकायबा काचे गोटक पोकना के सिरे ने नेलाय। मातर यीशु भीड़ ले निकरी गला आवरी नासरत नगर के छाड़ी करी चले गला।

पाचे यीशु सोबू गलिलर क्षेत्र आने गला, आवरी बड़े भीड़ ने लोक हाय लगे आयलाय। हायमन बहुत लोकमन के आनलाय जोन बीमार आवरी छोटा, काना, भएरा रेलाय। हायमन कोन कोन दक्के, हिंडके, सुनके या बोलके ना पारते रेलाय, आवरी यीशु हायमन के चंगा करला।

हातार अलावा, बहुत लोक यीशु लगे आनलाय जोन दुशतात्माएँ रेलाय। यीशु दूषतात्माओं मनके हायमनले निकालबा काचे आदेश देलाय। हाय दुष्टात्माएँ केबे केबे कोलार होयलाय, “तुय मापरूर बेटा आय!” भीड़ आनर लोकमन भोकवा रेलाय, आवरी हायमन मापरूर स्तुति करलाय।

पाचे यीशु बारा माने मनके बाचलाय जोनमनके हाके आपनार प्रेरित बोल्ला। हाय प्रेरितों मन संगे बुललाय आवरी शिक्षा पाय लाय।