27. दयालु सामरीर कतानी

गोटक दिन, यहूदी व्यवस्थार गोटक विशेषज्ञ यीशु लगे आयला। हाय सोबू के दखायबार चाहते रेला कि यीशु गला रीति ले शिक्षा देते रेलाय। हायकाचे हाय बोल्ला, “हे गुरु, अनंत जीवन पायबा काचे मुय काय करबी?” यीशु जवाब डेलाय, “मापरूर ब्यावस्था आने लिखला आचे?”

हाय माने बोल्ला की, “हाय बोलूयाय की आपनार मापरूर आफ्ना सारा मन, जीबोन, बोपू, आवरी बुद्धि ले प्रेम सोंगायला। आवरी आपनार पड़ोसी ले आपनार समान प्रे सोंगायला। “यीशु जवाब डेला, “तुय पूरा सही आय ! अगर तुय असन करबिस,तो तोके अनंत जीवन प्राप्त होयसी।

हाय माने बोल्ला, “हाय बोल्ला कि मातर हाय व्यवस्थार विशेषज्ञ गोकमन के दकायबार चाहते रेला की हातार जीवन जीनबार तरीका सई राए। हायकाचे हाय यीशु के पोचारला, “अच्छा आय, तो मोर पड़ौसी कौन आय ?

यीशु हाय व्यवस्थार विशेषज्ञ के गोटक कतानी साँगी करी जवाब डेला। “गोटक यहूदी व्यक्ति रये जोन गोटक सड़क ले होय करी येरूसलेम ले यारीहो जायते रेलाय।”

“मातर केतक डाकुमन हाके दक्लाय आवरी हातार उपरे हमला करलाय। हायमन हातार सोबुके धरलाय आवरी हाके ऊना पूरा मरबातक मारलाय। तेबे हाय मन गलाय।”

“हातार तुरंत बाद, गोटक यहूदी याजक हाय सड़क ले जायते रेलाय। हाय याजक हाय माने के सड़क आने पड़लार दखलाय। जेबे हाय दखलाय तो हाय सड़कर दूसरा बाटे जाई आगे बड़ी गलाय। हाय हाय माने के पूरा पूरी अनदेखा करी देलाय।

“हातार पाचे केतक समय जिबा के, गोटक लेवी हाय सड़क ने आयला। (लेवी यहूदी मनर गोटक गौत्र रेला जोन मंदिर आने याजक मन के सहायता करी रेलाय। ) हाय लेवी बी सड़कर दूसरा बाटे जाई आगे बड़ी गलाय। हाय बले हाय माने के अनदेखा करी देलाय।”

“आवरी गोटक जोन हाय सड़क आने आयलाय हाय सामरियार गोटक माने रये। (सामरी आवरी यहूदी गोटक दुसर के रिसा करबार आय। ) हाय सामरी सड़क आने हाय माने के दखला। हाय दखला की हाय यहूदी रेला, मातर पाचे बी हाय हातार उपरे बड़ा तरस खायलाय। अतः हाय हातार लगे गलाय आवरी हातार घावों आने पट्टीमन बांधलाय।”

“पाचे हाय सामरी हाय माने के आपनार गधा आने डालला आवरी हाके सड़क ले गोटक सराय ने नेला। जोनती हाय हाके देखभाल करबार जारी सोंगाय रेलाय।”

दूसरा दिन, हाय सामरी के आपनार यात्रा के जारी सोंगायबार आवश्यकता रेला। हाय हाय सरायार माने के केतक पैसा देलाय। हाय हाके बोलला, “ई मानेर देखभाल कर। अगर ई पैसा ले अलग तोर केतक आवरी पैसा खर्चा होयले मुय वापिस असि करी मुय तोर हाय खर्चा मनर भुगतान करी देबी।”

पाचे यीशु हाय व्यवस्थार विसेषज्ञ के पोचारला, “तुय काय बिचारबिस ? ई तीनों लोक मन ले कौन हाय मानेर पड़ोसी हाय जाके लुटलार आवरी मारार रेला ?” हाय उत्तर देलाय, “हाय जोन हातार उपरे जीव दुखला।” यीशु हाके बोलला, “तुय जा आवरी हायअसन कर।”