28. सकार जुआन शासक

गोटक दिन, गोटक सौकार शासक यीशुर लगे जायी करी हाके पोचारलाय, “हे उत्तम गुरु, अनंत जीवन पायबा काचे मोके काय करके पढ़ुयाय ?” यीशु हाके बोलला, “तुय मोके ‘उत्तम’ कायकाचे बोलूआस ? केवल गोटक उत्तम आचे आवरी हाय मापरू आय। मातर अगर तुय अनत जीवन पायबार चाएबिस तो मापरूर व्यवशता के पालन कर।”

“मोके कोन कोंटा आज्ञा मोनके पालन करबार आवश्यकता आचे ?” हाय पोचारलाय। यीशु उत्तर देलाय, “हत्या ना कर। व्यभिचार ना कर। चोरी ना कर। झूठ ना बोल। आपनार बाबा आवरी माँ र आदर कर, आवरी आपनार पड़ोसी संगे आपनार समान प्रेम कर।”

मातर हाय धांगड़ा बोलला, “मुय आपनार छोटे समय आने ई सोबू आज्ञाओं के पालन कार्बी आची। मोके सोबू दाय काचे जीव रेबाकाचे आवरी काय करबार आवश्यकता आचे ?” यीशु हाय आने दखला आवरी हाके प्रेम करला।

“यीशु उत्तर देलाय, “अगर तुय सिद्ध होयबार चाएबिस तो जायकरी आपनार सोबू बिकीदेस आवरी हाय पैसा गरीबमन आने बांटी देस, आवरी तोके सरग ने धन मिलसी। पाचे आसिकरी मोर पीछे आव।”

जॉन यीशु बोलला जेबे हाय धांगड़ा माने सुनला तो दुखी होई गला, कायकाचे हाय बहुत सौकार रेला आवरी हाय आपनार सोबू संपत्ति के देबा काचे ना चाएते रेला। हाय मुड़ी करी यीशु लेगले ऊटी गलाय।

तेबे यीशु आपनार चेला मनके बोलला, “मापरूर राज्य आने धनी लोकमान के प्रवेश करबार बहुत कठिन आय। हाँ, गोटक धनी मानेके मापरुर राज्य आने प्रवेश करबार तुलना ले काई ऊंटर सुई के नाकर ले होय करी निकरायबार आसान आय।”

जोन यीशु बोलला जेबे चेलामन सुनलाय तो भोकूआ रेलाय। हायमन बोललाय, “अगर असन आय तो मापरू काके बचायसी ?”

यीशु हातार चेला मनके देखला आवरी बोलला, “लोकमान काचे निजर उद्धार करबार असंभव हाय। मातर मापरू काचे काई बी करबार असंभव नुआय।”

पतरस यीशु के बोलला, “हामी चेलामन आपनार सोबू छाड़ी करी तोर पीछे आयलु। तो हामर पुरस्कार काय मिलसी ?”

यीशु उत्तर देलाय, “हर एक लोक जोन मोर काचे घर, भाई, भइनी, बाबा, माँ, पीला झिला, आवरी संपत्ति के छाड्ला आचेत, आवरी बहुत लोक जोन पिटी बाटे आचेत हायमन आगे होयबाय।”