30. यीशु पाँच हजार लोकमन के भोजन कराऊआय

यीशु आपनार प्रेरित मोनके परचार करबा काचे आवरी लोकमन के सिक्षा देबा काचे बहुत से अलग-अलग गाओं मन आने पोठायलाय। जेबे हायमन हाय लगे वापिस आयलाय जोनती जिशु रेलाय तो हायमन हाके सांगलाय कि हायमन काय करी रेलाय। तेबे यीशु हायमनके झीलर दूसरा बाटे हाय संगे गोटक साँटि जगह आने जाइकरी केतक समय बीसायबा काचे डाकलाय। अतः हाय गोटक डोंगा आने चेगलाय आवरी झीलर दूसरा बाटे चले गलाय।

मातर हायती बहुत असन लोकमन रेलाय जोन यीशु आवरी हातार चेला मन के डोंगा आने जिबाटा दकी रेलाय। ए लोकमन आगे झीलर दूसरा बाटे जिबा काचे झीलर छेदे – छेदे पोलायलाय। अतः यीशु आवरी चेलामन पहुंचलाय तो लोकमनर गोटक बड़े भीड़ तिकर प्रतीक्षा करी हायथाने पहले ले रेला।

हाय भीड़ आने बाएले आवरी पीला झिला के ना हिसाब करी 5,000 ले अधिक माने मन रेलाय। यीशु हाय लोकमन उपरे बड़ा तरस खायलाय। यीशु काचे हाय लोक बिना चरवाहार मेंड़ा पारा रलाय। हायकाचे हाय हायमन के सिक्षा रेलाय आवरी हायमनर बीचने लोकमन बीमार रेलाय हायमन के चंगा करलाय।

दिनर सरा सरी आने, चेलामन यीशु के बोललाय, “एबर देर होयला आवरी आली पालि काई नगर नियाय। ए लोकमन के जा बोल ताकि हायमन जाइकरी कायबा काचे काई धरत।”

मातर यीशु चेलामनके बोलला, “तोमी हायमनर खायबा काचे काई दिया !” हायमन उत्तर डेलाय, “हामी असन कसन करके सकु ? हामर लगे केवल पाँच रोटी आवरी दुई माछ आचे।”

यीशु आपनार चेलामन के बोलला कि हाय भीड़र लोकमन के घाँस आने पचास – पचासर समूह बनाय करी बोसबा काचे बोला।

तेबे यीशु पाँच रोटी आवरी दुई टा माछ के धरी सरग आने दखला, आवरी हाय भोजन काचे मापरू के धन्यवाद देलाय।

पाचे यीशु रोटी आवरी माचे के तुकड़ा आने तोडला। हाय लोकमन के देबा काचे आपनार चेलामन के हाय तुकड़ा देलाय। चेलामन हाय भोजन के बांटते रेलाय, आवरी हाय केबे ना सरला ! हाय सोबू लोक खाई करी तृप्त होयलाय।

हातार पाचे, चेलामन हाय भोजन के रुंडायलाय जोन खाया ना रेला आवरी हाय बारह टोकरी के भरबार काचे पर्याप्त रेला! हाय सोबू भोजन हाय पाँच रोटी आवरी दुई टा माचे ले आसी रेला।