41. मापरू यीशु के मरलाले जियायबाय

सैनिकमनर द्वारा यीशु के क्रूस आने चेगायलार पाचे, यहूदी अगुवामन पिलातूस के बोललाय, “हाय झुटा, यीशु बोली रये कि हाय तीन दिन पाचे मरला ले जीव उठसी। काकेय हो पक्का करबा काछे कबरर देख भाल करके लागसी कि हातार चेलामन हातार सरीर के चोरी करी ना नेओत। अगर हायमन आसान करबाय तो हायमन बोलबाय कि हाय मरलाले जीव उथला।”

पिलातूस बोललाय, “केतक सैनिकमन के धरी जाओ, आवरी जसन तोमी करके सकास आसान कबरर देख भाल करा।” हायकाछे हायमन हाय कब्र लगे परबेस बाटर पोकना आने गोटक चिना लगाय देलाय। हायमन ए निश्चित करबा काछे हायती सैनिकमन के बसाय देलाय कि कोनी बी हातार सरीर के ना चोर के सको।

यीशुर मरबार दूसरा दिन सब्तर दिन रेला। कोनी बी सब्तर दिने काम ना करके सकते रये, हायकाछे यीशुर कोनी बी संग कब्र आने ना असि रेलाय। मातर सब्तर पाचर दिने, सकाले बहुत कुकड़ाडाके, केतक बाएलेमन यीशुर कब्र आने जिबा काछे तियार होयलाय। हायमन हाटर सरीर आने आवरी बी मसाल मन के लगायबार चाएते रेलाय।

हाय बाएलेमनर खेतबार पएले, कब्र आने गोटक बड़े भूकंप होयला। हाय सरगदूत उजर पारा चमकते रेलाय। कब्र आने जोन सैनिकमन रेलाय हायमन हाके दखलाय। हायमन एतक डरी गलाय कि मरला लोकर पारा माती आने घसरी गलाय।

जेबे हाय बाएलेमन कब्र आने खेटलाय तो हाय सरगदूत हायमन के बोलला, “ना डरा। यीशु ए थाने नियाय। हाय मरला थानले जीव उठला आचे, जसन हाय बोली रेलाय कि हाय जीव उठसी ! कब्र आने डगराव आवरी दखा।” हाय बाएलेमन कब्रर भीतरे आवरी जोन लगे यीशुर सरीर सोंगाय रेलाय हायथाने डगरायलाय आवरी दखलाय कि हातार सरीर हायलगे ना रेला !

तेबे हाय सरगदूत हाय बाएलेमन के बोलला, “जायकरी हातार चेलामनके सांगा, ‘यीशु मरला थानले जीव उठला आचे आवरी हाय तोमर आगे-आगे गलील आने जायसी।”

हाय बाएलेमन भकुआ होयलाय आवरी बहुत सर्दा होयलाय। हायमन चेलामनके ए खुसखबर सुनायबा काछे पोलायलाय।

जेबे हाय बाएलेमन चेलामनके ए खुसखबर सांगबा काछे आपनार बाते रेलाय, तेबे यीशु हायमन के दर्शन देलाय। हायमन हातार गोड़े गिर पढ़लाय। तेबे यीशु बोलला, “ना डरा। जायकरी मोर चेलामनके गलील जीबा काछे बोला। हायमन मोके हायती दखबाय।”