48. यीशु आका किरिया करला मसीह आय

जेबे मापरू संसार के बनायलाय तेबे सबू कुछ अच्छा रेला। काय पाप ना रेला। आदम आवरी हवा आपना दुसर के प्रेम करते रेलाय, आवरी हायमन मापरू के प्रेम करबाराय। काय बीमारी आवरी मृत्यु ना रये। मापरू आसान ही संसार के चाएते रेलाय।

शैतान सांपर माध्यम ले बगीचा आने हवा ले कथा होयला, कायकाछे कि हाय हाके धोखा देबार चाएते रये। तेबे हवा आवरी आदम मापरूर विरुद्ध पाप कारलाय। कायकाछे कि हायमन पाप करी रेलाय हायकाछे पृथबी आने रेबा सबू लोक मरुयात।

कायकाछे कि आदम आवरी हवा पाप करी रेलाय, हायकाछे काय आवरी बी बुरा होयला। हायमन मापरूर दुश्मन बनी गलाय। हातार परिणाम स्वरूप, हाय दायले सबू गोटक लोक पाप कार्ला आचेत। सबू गोटक लोक जनम ले मापरूर दुश्मन आय। मापरू आवरी लोकमन आने शांति ना रये। मातर मापरू शांति इस्थापित कारबार चाएते रयेत।

मापरू किरिया करलाय कि हवार गोटक वंशज शैतानर मूँद के कुचलसी। हाय ए भी बोलला कि शैतान हातार लेड़ी ले टोकसी। दूसरा सबद आने, शैतान मसीह के मरते मारसी, मातर मापरू हाके आवरी ले जीवित कर देयसी। हातार पाचे, मसीह शैतानर शक्ति के सबूदाय काछे सराय देयसी। केतक बोरसर पाचे, मापरू परकट करलाय कि हाय मसीह यीशु आय।

मापरू हाय पूर ले आपनार परिवार के बचायलाय जाके हाय आनबार रेला। नूह के गोटक डोंगा बनायबा काछे बोललाय कि हाय ई परकार ले मापरू हाय लोकमान के बचायलाय जोन हातार उपरे विश्वास करते रेलाय। ई परकार, हाय सबू के सबू मापरूर द्वारा मरते मारा जिबार योग्य रेलाय कायकाछे कि हायमन पाप करी रेलाय। मातर मापरू हाय सबू के बचायबा काछे यीशु के पोथायलाय जोन हातार उपरे विश्वास करुयात।

बहुत बोरस तक, याजकमन मापरू काछे बलि चढ़ायते रेलाय। ए दखाऊ आय कि लोकमन पाप करी रेलाय, आवरी ए कि हायमन मापरूर द्वारा हायमनके दंड करबार योग्य रेलाय। मातर हाय बलि हायमनर पापमन के क्षमा ना करके सकलाय। यीशु सबूले बड़े महायाजक आय। हाय हाय करलाय जोन कोनी याजक ना करके सकी रेलाय। हाय हाय गोटक मात्र बलि होयबा काछे आपना के दी डेलाय जोन सबू लोकर पाप के लिबायके सकते रये। हाय स्वीकार करलाय कि मापरू सबूर पापमन काछे हाके दंड देओ। हाय लागि, यीशु सिद्ध महायाजक रेलाय।

मापरू अब्राहम के बोललाय, “मुय तोर द्वारा संसारर सबू कुलमन के आशीष देबी।” यीशु ई अब्राहमर वंशज रेलाय। मापरू अब्राहमर द्वारा सबू कुल के आशीष देऊ आय, कायकाछे कि जोन यीशु उपरे विश्वास करबाय मापरू हाय सबू के पाप ले बचायासी। जेबे ए लोकमन यीशु उपरे विश्वास करुयात, तेबे मापरू हायमनके अब्राहमर वंशज मानसी।

मापरू आभरमा के बोललाय कि हाय आपनार खुदर बेटा, हातार काछे बलि दी देस। मातर पाचे मापरू इसहाकर पालटा बलि करबा काछे गोटक मेंड़ी देलाय। हामी सबू आपनार पापमन काछे मरते मोरबार योग्य रेलु ! मातर मापरू हामर जागाय मरबा काछे यीशु के बलीर रूप आने देलाय। ई लागि हामी यीशु के मापरूर मेंडि बोलूयाय।

जेबे मापरू मिस्र आने आखिरी विपत्ति पोठायलाय तेबे हाय हर गोटक इसराएली परिवार ले बोलले कि हाय गोटक मेंडि के बलि करबाय। हाय मेंडि आने काय पाप ना रये। तेबे आपनार कोपाटर बाड़देओनार उपरे आवरी पालि-पालि हाके हातार खून के लगायबार रये। जेबे मापरू हाय खून के दखलाय तेबे हाय हाकर घर मनले आगे बढ़ी गलाय आवरी हाकर पईल बेटा के ना मारलाय। जेबे एटा होयला तो मापरू एके फसहर परब बोललाय।

यीशु फसहर परबर गोटक मेंडि असन आय। हाय केबे पाप ना करलाय, हायकाछे हातार आने काय बी गलत ना रेला। हाय फसहर परबर समय मरलाय। जेबे कोनी यीशु उपरे विश्वास करुयाय, तेबे यीशुर खून हाय मानेर पापमनर कीमत पूरा करुयाय। ए असन आय जसन कि मापरू हाय माने लगले आगे बढ़ी गलाय, कायकाछे कि हाय हाके दंड ना देबाय।

मापरू इसराएली लोकमन संगे गोटक किरिया करलाय, कायकाछे कि हाय लोकमन असन रलाय जोन मनके मापरू आपनार करबा काछे बाछी रेलाय। मातर मापरू एबार असन किरिया कार्ला आचे जोन कि सबू लोक काछे आय। अगर कोनी बी जारित कोनी बी लोक ई नुआ किरियार के मानसी, तेबे हाय मापरूर लोकमन आने गिना जायसी। हाय असन ए काछे करुयाय कायकाछे कि हाय यीशुर उपरे विश्वास करुयाय।

मूसा गोटक असन भविश्ववक्ता रये जोन मापरूर वचन के बड़े सामर्थ ले परचार करी रये। मातर सबू भविष्यवक्तामन आने सबूले बड़े आय। हाय मापरू आय, हायकाछे जोन सबू हाय करलाय आवरी बोललाय हायटा मापरूर काम आवरी वचन रये। हायकाछे पवित्र-शास्त्र यीशु के मापरूर वचन बालुयाय।

मापरू राजा दाऊद संगे किरिया करी रयेत कि राजार रूप आने हातार गोटक वंशज मापरूर लोकमन उपरे सबूदाय काछे शासन करबाय। यीशु मापरूर बेटा आवरी मसीह आय, हायकाछे हाय राजा दाउदर वंशज आय जोन सबूदाय काछे राज्य करके सके।

दाऊद तो इसराएलर राजा रये, मातर यीशु सबू संसारर राजा आय! हाय आवरी आयसी आवरी सबूदाय काछे न्याय आवरी शांति संगे आपनार राज्य आने शासन करसी।