11. फसह

प्रमात्मै मूसा अतै हारून जो फिरौन बलै एह बलनै ताई भैज्जू कि इस्राएली जो गाणा दे| तिन्यै तसियो चेतावनी दिती कि जे सो तिन्याजो ना गाणा दिला, ता प्रमात्मै मिस्र रै मणु रै अतै जानवरा रै सबी पहलोठै जो मारी दीणा| फिरैनै एह हुणी करी भी प्रमात्मै पुर विशवास करनै थऊै अतै तसेरी गल ना मनणै थऊँ इनकार करी दिता|

प्रमात्मै तैस पुर विशवास रखणै वाळै कसी रै भी पहलोठै पुत्र जो बचाणै ताई अक्क तरीकै रा प्रबंध करू| हर टबरा जो अक्क बेकसूर मेमने जो लेई करी तसेरा बध करना थू|

प्रमात्मै इस्राएली थऊँ तैस मेमने रै खुना जो लेईकरी अपणै घरा रै दारा पुर लाणै ताई बल्लू| तिन्याजो तसेरै मासा जो भुजणा थू अतै फिरी तिन्याजो अखमीरी रोट्टी सोगी फुर्ती सोगी खाणा थू| तिनी तैस खाण जो खाणै थऊँ बाद तिन्याजो तत्काल मिस्र जो छडणै जो भी तैयार रैहणै जो बल्लू|

जिंया करनै ताई प्रमात्मै इस्राएली जो आदेश दीतुरा थू तिन्यै तठेरै अनुसार सब कुछ करू| अधि राती मंज, प्रमात्मै हर अक्क पहलोठै पुत्रा जो मारंदै मिस्र रै बीचा थऊँ भूची करी गुजरू|

इस्राएली रैहर घरा रै दारा पुर खून लगुरा थू, ठेरैताई प्रमात्मै तिन्या घरा जो छड्डी दित्ता| तन्यारै अन्दरा रै सब मणु ठीक थीयै| सो मेमने रै खुना रै कारण बची गै थीयै|

पर मिस्रीयै प्रमात्मै पुर विशवास ना करू थू अतै तसेरै हुकमा जो ना मन्नू थू| ठेरैताई प्रमात्मै तयारै घरा जो ना छड्डु| प्रमात्मै मिस्री रै हर अक्क पहलोठै जो मारी दित्ता|

जेलखानै रै कैदी रै पहलोठै थऊँ लेईकरी, फिरौन तक, हर अक्क पहलोठा नर मरी गो| अपणी गैहरी वेदना रै कारण मिस्र रै मतै मणु रोऊ करदै थीयै अतै विलाप करू करदै थीयै|

तैसा राती, फिरौनै मुसा अतै हारून जो हद्दू अतै बल्लू, “ इस्रायली जो लेईकरी तुरंत ही मिस्र थऊँ निकळी गच्छा!” मिस्र रै मणुयै भी इस्रायली सितै तुर्स्न्त निकळी गाणै री बिनती करी|