25. शैतान यीशु री परीक्षा करन्दा हा

यीशु रा बपतिस्मा भूणै रै तुरन्त बाद ही, पवित्र आत्मा तैसियो बणा मंज लेई गो। यीशु तैठी चाळी दिन अतै चाळी रात थू। तैस टैमै तिनी उपवास करू, अतै शैतानै यीशु रै नेड़ै इचिकरी पाप करवाणै ताई तसेरी परीक्षा करी ।

पैहलै, शैतानै यीशु सितै बल्लू, "जे तू प्रमात्मै रा पुत्र हा ता इन्या नड़ा जो रोटी बणाई दे ताकि तू खाई सका!"

अपर यीशुयै शैतान सितै बल्लू, "प्रमात्मै रै वचना मंज एह लिखुरा हा, 'जिन्दै रैहणै ताई मणु जो केवल रोटी री जरूरत निया, अपर तिन्या हर तैसा गल्ला री जरूरत हा जेड़ी प्रमात्मै तिन्या सितै बलदा हा!'"

तैहणै शैतानै यीशु जो मंदरा रै सबी थऊँ ऊँचे सिरै पूर लेई गो। तिनी तैस सितै बल्लू, "जे तू प्रमात्मै रा पुत्र हा ता ऐठीया थऊँ थल्लै कूदी गा, क्योकि लिखूरा कि, 'प्रमात्मै तीजो चुकणै ताई अपणै स्वर्गदूता जो आज्ञा देला कि तेरै पैरा पूर नड़ा सितै ठेस ना लग्गा।'"

अपर यीशुयै सो ना करू जेड़ा शैतानै तैसियो करनै ताई बल्लू थू । ठेरै बजाए, तिनी बल्लू, "प्रमात्मै हर अक्की सितै बलदा हा, 'तू प्रभु अपणै प्रमात्मै री परीक्षा मत करदा।'"

फिरी शैतानै तैसियो संसार रै पुरै राज्य दसै। तिनी तैसीयो दसु कि सो कतनै शक्तिशाली थीयै, अतै सो कतनै पुरै थीयै। तिनी यीशु सितै बल्लू, "मुं तीजो एह सब दीणा जे तू घुटनै टेकी करी मेरी उपासना करा।"

यीशुयै जवाब दित्ता, "हे शैतान, मेरै नेड़ै थऊँ चली गा! प्रमात्मै रै वचन मंज सो मणु जो आदेश दिंदा हा, 'केवल अपनै प्रभु प्रमात्मै री आराधना करा। प्रमात्मै रै रूपा मंज केवल तसेरा ही आदर करा।'"

यीशुयै शैतान री परीक्षा थऊँ हार ना मन्नी, ठेरैताई शैतान तसेरै नेड़ै थऊँ चली गो। तैहणै स्वर्गदूतै इचिकरी यीशु री सेवा करना लगै।