10. दस परकोप

पिता परमेश्वर ल मूसा अर हारून तैं चेतावनी दींनि कि फिरौन ढीट बंणी जालो। जब उ फिरौन मा गैनी त ऊंल बोलि, "इस्राएल कु पिता परमेश्वर यु बुल्द, 'मेरा लुखुं तैं जांण द्या!'" पर फिरौन ल ऊंकी बात नि सूंणी अर इस्राएलियों तैं जांणु कु आजाद नि कैरी अर ऊं तैं और भि ज्यादा सतांण लगी गै।

फिरौन ऊं लुखुं तैं बार जांण से मना कनु रै, इलै पिता परमेश्वर ल मिस्र देश पर दस परकोप भिजिनि। यूं परकोप का द्वारा, पिता परमेश्वर ल फिरौन तैं दिखै कि उ फिरौन अर मिस्र देश का दिबतों बट्टी ज्यादा शक्तिशाली च।

पिता परमेश्वर ल नील गाड तैं ल्वे मा बदली दींनि, पर फिरौन ल तब भि इस्राएलियों तैं नि जांण दींनि।

पिता परमेश्वर ल सैरा मिस्र देश मा मिंढका भिजिनि। फिरौन ल मिंढकों तैं दूर कनु खुंणि मूसा बट्टी बिनती कैरी। पर सब मिंढका का मोरि जांण का बाद, फिरौन ल अपड़ा मं तैं ढीट कैरी अर इस्राएलियों तैं मिस्र देश बट्टी नि जांण दींनि।

इलै पिता परमेश्वर ल डांसों कु परकोप भेजि। फिरौन ल मूसा अर हारून तैं बुलै अर ऊं बट्टी बोलि कि जु उ ये परकोप तैं रोकि द्या त इस्राएली मिस्र तैं छोड़ी के जै सकदींनि। जब मूसा ल पिता परमेश्वर बट्टी प्रार्थना कैरी त पिता परमेश्वर ल मिस्र देश पर बट्टी डांसों तैं हटे दींनि। पर फिरौन ल अपड़ा मं तैं और भि ढीट कैरी अर ऊं लुखुं तैं आजाद ह्वे के जांण नि दींनि।

यांका बाद, पिता परमेश्वर ल मिस्रियों का सभि पालतू गोरूं तैं बिमार कैरी के मोरि जांण दींनि। पर फिरौन कु मं त ढीट ही हुंदी रै अर वे इस्राएलियों तैं जांण नि दींनि।

तब पिता परमेश्वर ल मूसा बट्टी फिरौन का समणी बथौं मा राखो ढुलणु कु बोलि। जब वेल इन कैरी त मिस्र देश का लुखुं की चमडी पर पिडा दींण वला फोड़ा निकलण लगी गैनी, पर इस्राएलियों तैं कुछ बि नि ह्वे। पिता परमेश्वर ल फिरौन का मं तैं ढीट कैरेले छो, अर फिरौन ल इस्राएलियों तैं आजाद हवे के जांण नि दींनि।

यांका बाद, पिता परमेश्वर ल ओला गिरेनि अर मिस्र देश की ज्यादा से ज्यादा फसल तैं खत्म कैरी दींनि अर जु कुई भि भैर निकली वे तैं खत्म कैरी दींनि। फिरौन ल मूसा अर हारून तैं बुलै अर ऊं बट्टी बोलि, "मिल पाप कैरी। तुम लोग जै सकदा छा।" तब मूसा ल पिता परमेश्वर बट्टी प्रार्थना कैरी, अर आसमान बट्टी ओला गिरण बंद ह्वे गैनी।

पर फिरौन ल फिर दुबरा पाप कैरी अर अपड़ा मन तैं ढीट कैरी। वेल इस्राएलियों तैं आजाद ह्वे के जांण नि दींनि।

तब पिता परमेश्वर ल मिस्र देश पर टिडिडयों का झुण्ड तैं आंण दींनि। यूं टिडिडयों ल ऊं सभि फसलों तैं खै दींनि जौ तैं ओलों ल खत्म नि कैरी छो।

फिर पिता परमेश्वर ल अंधेरो कैरी दींनि जु तीन दिनों तक बणयूं रै। यु इथग घोर छो कि मिस्री लोग अपड़ा घौर बट्टी नि निकली सकिनि। पर जख इस्राएली लोग रौंदा छा उख उज्यलो ही छो।

यूं नौ परकोपों का बाद, फिरौन ल इस्राएलियों तैं आजाद हवे के जांण से मना कैरी दींनि। किलैकि फिरौन ल नि सूंणी इलै पिता परमेश्वर ल एक आखरी परकोप तैं भिजणै कि योजना बंणै। यु फिरौन का मन तैं बदली दींनि।