11. फसह

पिता परमेश्वर ल मूसा अर हारुन तैं फिरौन म यु बुल्णु कु भेजि कि इस्राएलियों तैं जांण दे। ऊंल वे तैं चितै कि जु उ ऊं लुखुं तैं नि जांण दीलि, त पिता परमेश्वर मिस्र देश का लुखुं का अर जानवरों का पैला बच्चों तैं मारि दयालो। फिरौन ल यु सूंणि के भि पिता परमेश्वर पर विश्वास कन से अर ऊंकी बात मंनण से मना कैरी दींनि।

पिता परमेश्वर ल ऊं पर विश्वास कन वलों पर कैका भि पैला नौंनो तैं बचांणु कु एक योजना तैं बंणै। हर एक परिवार तैं एक निर्दोष चिनखा तैं ले के वे की बलि कन छै।

पिता परमेश्वर ल इस्राएलियों बट्टी वे चिनखा का ल्वे तैं ले के अपड़ा घौरों का द्वारों पर लगांणु कु बोलि। ऊंल वे चिनखा तैं भुनण छो अर फिर वे तैं अखमीरी रुठी का दगड़ी झट से खांण छो। ऊंल वे खांण तैं खांण का बाद ऊं तैं झट मिस्र देश तैं छुडणु कु भि तैयार रांणु कु बोलि।

जन कनु को पिता परमेश्वर ल इस्राएलियों तैं आज्ञा दये छै ऊंल वे हिसाब से सभि कुछ कैरी। अधा रात मा, पिता परमेश्वर हर एक पैला नौंना तैं मारि के मिस्र देश का बीच मा बट्टी ह्वे के गै।

इस्राएलियों का हर एक घौर का द्वारों पर ल्वे लगयूं छो, इलै पिता परमेश्वर ल ऊं घौरों तैं छोड़ी दींनि। ऊंका भितर रांण वला सभि लोग ठिक रौंनि। उ चिनखा का ल्वे का कारण बचि गैनी।

पर मिस्रियों ल पिता परमेश्वर पर विश्वास नि कैरी अर आज्ञा तैं नि मांणी छो। इलै पिता परमेश्वर ल ऊंका घौरों तैं नि छोड़ी। पिता परमेश्वर ल हर एक मिस्रियों का हर पैला नौंनॉन तैं मारि दींनि।

जेलखना का कैदियों का पैला नौंनो से ले के, हर एक पैलो नौंनो मोरि ग्ये। अपड़ी गहरी पिडा का कारण मिस्र का भौत सा लोग रूंणा छा अर दुखी छा।

वीं ही रात, फिरौन ल मूसा अर हारुन तैं बुलै और बोलि, "इस्राएलियों तैं ले के तुरंत ही मिस्र देश बट्टी निकली जावा!" मिश्र का लुखुं ल भि इस्राएलियों बट्टी तुरंत निकल जांण कि बिनती कैरी।