16. छुडोणवाळो

यहोशू का मुरण का बाद इस्राएलियों ल परमेश्वर कि आज्ञा नि माणि। ऊंला परमेश्वर का नियमों को पालन नि कैरी, अर ऊंला वे करार का मुल्क बट्टी बचायां कनानियों तैं भैर नि निकाली। इस्राएलियों ल अपड़ा सच्चा परमेश्वर यहोवा तैं छोडिके कनानियों का देवतों कि उपासना कन शुरू कैरी द्या। इस्राएलियों म कुई राजा नि छौ, इलै जैतैं जु ठीक लगी वेला उई कैरी।

परमेश्वर कि आज्ञा नि मानण का द्वारा इस्राएलियों ल एक पद्धति तैं शुरू कैरी द्या जैतैं कई बार दोरै गै छौ। यु नियम इनके चली: कुछ सालों तक इस्राएली परमेश्वर की आज्ञा नि माणला, तब उ ऊंतैं ऊंका दुश्मनों बट्टी हारण का द्वारा दंडित करला। यु दुश्मन इस्राएली बट्टी ऊंकी चीजों तैं लुटी द्याला, ऊंकी सम्पति तैं नाश कैरी द्या, अर ऊंमा बट्टी भौंतों तैं मारी द्याला। फिर जब इस्राएलियों का दुश्मन ऊं पर कई सालों तक अत्याचार करला, वेका बाद इस्राएली परमेश्वर अपड़ा पापों कु पश्चताप करला अर परमेश्वर बट्टी ऊंतैं बचाणो खुणि प्रार्थना करला।

हरेक बार जब इस्राएली पश्चताप करला त परमेश्वर ऊंतैं बचालो। उ एक छुडणवला का बदोलत इन करलो- एक इन जन जु ऊंका दुश्मनों का खिलाप लड़लो अर ऊं तैं हरै द्यालु। तब मुल्क माँ शांति होलि अर उ छुड़ाणवळो ऊं पर अच्छे से शासन करलो। परमेश्वर ल ऊं लोगों तैं बचाणो खुणि भोत सा छुड़ाणवलों तैं भेजि। परमेश्वर ल सामणी का एक दुश्मन जाति, मिद्यानियों का द्वारा इस्राएलियों तैं हराण वलो का बदोलत फिर इन कैरी।

मिद्यानियों ल सात सालों तक इस्राएलियों कि फसलों तैं लुटी। इस्राएली लोग भौत डैरी गै छा, उ एक उड्यार म लुकी गैनी ताकि मिद्यानी लोग ऊंतैं खुजै नि सकुनु। आखिरकार, ऊंतैं बचाणु खूणि ऊंला परमेश्वर तैं पुकारी।

गिदोन म का एक इस्राएली आदिम छौ। एक दिन, उ एक गुप्त जगह मु गेहूँ झाड़नु छौ ताकि मिद्यानी लोग वे तैं चुरै नि पौ। यहोवा का स्वर्गदूत ल गिदोन म ऐकि दौं बोलि, "हे बलवान सूरमा, परमेश्वर त्वे दगड़ी च। जु औरि इस्राएलियों तैं मिद्यानियों बट्टी बचायी।"

गिदोन का बुब्बा का सामणी मूर्ति कु समर्पित एक वेदी छै। सब बट्टी पैली बात जु परमेश्वर ल गिदोन तें कनो खुणि बोलि उ वीं वेदी तैं तूण छौ। पर गिदोन लोगों बट्टी डैरदो छौ, इलैकी वेला रात हूंणै कि इंतजार कैरी तब वेला वीं वेदी तैं तोड़िके क़तर- क़तर कैरी दिनी। ऊंला परमेश्वर खूणि एक नई वेदी तैं बणै अर वे पर परमेश्वर खुणि बलि चढ़ै।

भोळ सुबेर लोगों ल देखि कि कैला वेदी तैं तोड़िके क़तर-क़तर कैरी दीनि, उ भौत गुस्सा ह्वैनी। उ गिदोन तैं मरणो खुणि वेका घौर गैनी, पर गिदोन का बुब्बा ल बोलि, "तुम किलै अपड़ा देवतों कि मदद कनो कु कोशिश कना छां? अगर उ देवता छीनि त उंतैं अपड़ी रक्षा खुद कन द्या!" किलैकी वेला इन बोलि इलै लोगों ल गिदोन तैं नि मारी।

तब इस्राएलियों तैं लुटणो खुणि मिद्यानी लोग फिर से ऐनि। उ इथगा सैरा लोग छा कि ऊंकी गिणती भी नि करै जै सकदी छै। गिदोन ल ऊंका खिलाप लड़णो खुणि इस्राएलियों तैं एक दौं बुलै। गिदोन ल परमेश्वर बट्टी दुई चिनों की मांग कैरी ताकि वेतैं विश्वास ह्वै जो कि परमेश्वर सच म वेतैं इस्राएल तैं बचाणो खुणि बुलोणु च।

पैली निशाण खुणि, गिदोन ल ढिबरों की ऊन तैं भूमि पर राखि कै परमेश्वर बट्टी बोलि कि सुबेरो कु पाळो सिर्फ डिबरों कु वे ऊन पर पोड़ु अर भूमि पर नि पोड़ु। परमेश्वर ल इन ही कैरी। भोळ राति, वेला परमेश्वर बट्टी बोलि कि भूमि गिली ह्वै जो पर डिबरों कु ऊन सुखिं रौ। परमेश्वर ल इन भी कैरी। यूं दुई निशाण का कारण, गिदोन ल विश्वास कैरी कि परमेश्वर सच म चांदों च कि उ इस्राएलियों तैं मिद्यानियों बट्टी बचालो।

तब गिदोन ल सिपैयुं तैं आफ मु बुलै अर 32,000 आदिम ऐनि। पर परमेश्वर ल वे बट्टी बोलि कि यु भौत जादा च। अतः गिदोन ल ऊं सभि 22,000 तैं घौर भेजि द्या जु लड़ै बट्टी डरदा छा। परमेश्वर ल गिदोन बट्टी बोलि कि यि आदिम अभी भी भौत जादा छीन। इलै गिदोन ल 300 सिपैयुं तैं छोडिके ऊं सभियुं तैं घौर भेजि दिनी।

वीं राति परमेश्वर ल गिदोन बट्टी बोलि, "मिद्यानियों को डेरा म ज अर उंतैं बात करदा सुण। जब तू सुणली कि उ कि बात करदा छीन त तू ऊं पर हमला कन से नि डैरी।" इलै वीं राति, गिदोन मुड़ी ऊंका डेरा म गै अर वेला एक मिद्यानी सिपै तैं अपड़ा द्ग्डिया तैं उ बात बतांद सुणि जु वेला सुपन्या म देखि छौ। वे आदिम का द्ग्डिया ल बोलि, ये सुपन्या को मतलब च कि गिदोन कि सेना हम मिद्यानी सेना तैं हारै देली!" जब गिदोन ल यु सुणि त वेला परमेश्वर कि बड़ै कैरी।

तब गिदोन अपड़ा सिपैयों म लौटि अर वेमा बट्टी हरेक तैं एक-एक नरसिंगा,एक माटा को भाण्डो, अर एक मिशाल द्या। ऊंला वे डेरा तैं घेरी यालि जख मिद्यानी सिपै सीणा छा। गिदोन का 300 सिपैयों ल अपड़ी मिशालों तैं भाण्डों बट्टी ढकायां छा इलै मिद्यानी लोग उं मिशालों कु ऊज्याळा तैं नि देखि साका छा।

तब गिदोन का सभि सिपैयों ल अपड़ा माटा भाण्डों तैं एक ही बगत पर तोड़िके अचणचक मिशालों कि आग तैं प्रकट कैरी द्या। ऊंला अपड़ा नरसिंगा फुंकिनी अर चिलैनि, अर गिदोन की तलवार!" "यहोवा की

परमेश्वर ल मिद्यानियों तैं डराई द्या, इलै उ एक दूसर तैं मारण-काटण लगिनि। जल्दी ही, गिदोन उ रैबारियों तैं भौत सी औरि इस्राएलियों तैं मिद्यानियों को पिछा कन म ऊंकी मदद कनो कु बुलाणु खुणि भेजि। ऊंला ऊं बट्टी भौतों तैं मारी दिनी अर बाकियों कु पिछनै कैरिके इस्राएल मुल्क बट्टी भैर निकली गैनी। वे दिन 1,20,000 मिद्यानी मारै गै छा। ये तरों परमेश्वर ल इस्राएल तैं बचायी

उ लोग गिदोन तैं अपड़ो राजा बणाण चांदा छा, पर गिदोन ल ऊं तैं इन नि कन द्या, बल्कि वेला वे तैं उ सोना का गैणा मांगि जु ऊंमा बट्टी हरेक ल मिद्यानियों बट्टी लूटि ल्यायी छा। ऊं लोगों ल भौत जादा गिदोन तैं सोनु द्ये।

तब गिदोन ल वे सोना बट्टी एक खास कपड़ा बणैनि जन महायाजक पैरदो छौ। पर लोगों ल वेकि उपासना कन शुरू कैरी द्या जन कि उ एक मूर्ति हो। तब परमेश्वर ल फिर से इस्राएल तैं दंड द्या किलैकी ऊंल मूर्ति कि उपासना कैरी छै। परमेश्वर ल ऊंका दुश्मनों तैं हराण म मजबूत कैरी। आखिरकार ऊंला फिर से परमेश्वर बट्टी मदद कनो खुणि प्रार्थना कैरी, अर परमेश्वर ल ऊंमा ऊंतैं बचाणो खुणि एक ओरि छुड़ाणवळा तैं भेजि।

या बात कई बार हूंणि रैनि: इस्राएली लोग पाप करला, परमेश्वर ऊंतैं दंड द्येलो, उ पश्चताप करला, अर परमेश्वर ऊंतैं छुडाणु खुणि कै तैं भिजलो। कई सालों तक, परमेश्वर ल भौत सा छुड़ाणवाळों तैं भेजि जौंला इस्राएलियों तैं ऊंका दुश्मनों बट्टी बचै।

आखिरकार, ऊं लोगों ल औरि मुल्कों का जन परमेश्वर बट्टी आफ खुणि एक राजा कि मांग कैरी। उ एक इन राजा चांदा छा जु लम्बो अर शक्तिशाली हो, अर जु लड़ै म ऊंकी अगवे कैरी सको। परमेश्वर तैं या विनती पसंद नि ऐ। पर परमेश्वर ऊंतैं ऊंनि राजा द्या जन ऊंला मांगि छौ।