19. भविष्यवक्ता

पिता परमेश्वर हमेशा इस्राएलियों मा भविष्यवक्ता तैं भिजणु रौंदो छो।भविष्यवक्ता पिता परमेश्वर बट्टी रैबार सुणदा छा अर फिर वे तैं लुखुं तैं बतौंदा छा।

जब अहाब इस्राएल राज्य पर राजा छो त वे बगत एलिय्याह भविष्यवक्ता छो। अहब एल बुरो आदिम छो। वेल झूठा बाल दिबता की आराधना कनु कु लुखुं तैं मजबूर कैरी छो। इलै एलिय्याह ल अहाब बट्टी बोलि कि पिता परमेश्वर ऊं लुखुं तैं दंड दींण जांणु च। वेल अहाब बट्टी बोलि, "जब तक मि फिर बरखा हूंण कु नि बोलु तब तक इस्राएल का राज्य मा न बरखा होली अर न ही ओस पुडली।" ईं बात ल अहाब तैं इथग गुस्सा कैरी दींनि कि वेल एलिय्याह तैं मरणो कु विचार कैरी।

इलै पिता परमेश्वर ल एलिय्याह बट्टी बोलि कि उ जंगल मा जै के अहाब बट्टी छिपी के रौ।एलिय्याह जंगल मा वे स्रोत का समणी गै जख जांणु कु पिता परमेश्वर ल वे तैं बतै छो। हर सुबेर अर हर शाम, चलखुडा एलिय्याह कु रुठी अर मांस ले के आंदा छा। ये पूरा बगत मा, अहाब अर वेका सिपै एलिय्याह की ढुंड करदी रैनी, पर उ वे तैं ढुंड नि सकीनि।

बरखा नि हूंणा का कुछ बगत का बाद उ स्रोत सूखी गै। इलै एलिय्याह समणी ही का एक देश मा चलि गै। वे देश मा एक गरीब विधवा छै जींको एक नौंनो छो। वीं मा खांणु लगभग खत्म ही हवे गै छो किलैकि उख कुई फसल नि हवे छै। पर फिर भि, वीं जनन ल एलिय्याह की देखभाल कैरी, इलै पिता परमेश्वर ल वीं कि अर वीं का नौंना की जरूरतों तैं पूरो कैरी, इलै वींको आटो कु भांडो अर तेल की बोतल कभि खतम नि हवे। वे पूरा अकाल का बगत वीं मा खांणु छो। एलिय्याह कुछ सैलून तक उख ही रै।

साढे तीन सालों का बाद, पिता परमेश्वर ल एलिय्याह बट्टी बोलि कि उ फिर बरखा करलो। वेल एलिय्याह बट्टी वापस इस्राएल का राज्य मा जै के अहाब बट्टी बात कनु कु बोलि। इलै एलिय्याह अहाब मा गै। जब अहाब ल वे तैं देखि त वेल बोलि, "अच्चा तू छै,मुसीबत पैदा कन वला!" एलिय्याह ल जवाब दये, "मुसीबत पैदा कन वलो त तू छै! तिल यहोवा तैं छोड़ी दये। उ ही सच्चो पिता परमेश्वर च, पर तू बल की आराधना कनी छै। अब त्वे तैं इस्राएल राज्य का सभि लुखुं तैं कमेल डांडा पर ले के आंण।"

तब सभि लोग कमेल का डांडा पर गैनी। उ आदिम भि ऐनी जु बुल्दा छा कि उ बाल का रैबार तैं बुल्दा छा। यु बाल का भविष्यवक्ता छा। उ सभि 450 छा। एलिय्याह ल लुखुं बट्टी बोलि, "कब तक तुम अपड़ा मनों तैं ढीट करीला ? जु यहोवा परमेश्वर च त वेकी आराधना कैरा! जु बाल परमेश्वर च त वेकी आराधना कैरा!"

तब एलिय्याह ल बाल का भविष्यवक्ता बट्टी बोलि, "एक बल्द तैं बलि कैरी के वेका मांस तैं बलिदान हूंण कु एक वेदी पर रखा, पर आग नि लगयां। वेका बाद मि भि उन ही करुलु, अर एक अलग वेदी पर मि वे मांस तैं रखुलु। तब जु पिता परमेश्वर वेदी पर आग गिरालो त तुम जांणी लीला कि उ सच्चो पिता परमेश्वर च।" तब बाल का भविष्यवक्ताओं ल एक बलि तैं तैयार कैरी पर आग नि लगै।

तब बाल का भविष्यवक्ताओं ल बाल बट्टी प्रार्थना कैरी, "हे बाल, हमारी सूंणा!" पूरा दिन ऊंल प्रार्थना कैरी ऐ चिलै अर इख तक कि अफ तैं चकु ल काटी दींनि, पर बाल ल जवाब नि दींनि, अर वेल कुई आग नि गिरै।

बाल का भविष्यवक्ताओं ल बाल बट्टी प्रार्थना कन मा लगभग पूरा दिन काटी दींनि। आखिर मा ऊंल प्रार्थना कन बंद कैरी दींनि। तब एलिय्याह ल दुसरा बल्दों का मांस तैं पिता परमेश्वर की वेदी पर रख दींनि। वेका बाद, ऊं लुखुं बट्टी पांणी का विशाल भांडो तैं वे बलिदान पर तब तक खंणैणु कु बोलि जब तक कि मांस, लखडा, अर इख तक कि वेदी का समणी की धरती पूरा ढंग से गिली नि हवे गै।

तब एलिय्याह ल प्रार्थना कैरी, "हे यहोवा, अब्राहम, इसाहक, अर याकूब का पिता परमेश्वर, हम तैं दिखौ कि तु इस्राएल का परमेश्वर छै अर यु कि मि तेरु नौकर छो। मि तैं जवाब द्या कि यु लोग जांणी जाला कि तु ही सच्चो परमेश्वर छै।"

तब झट ही, आसमान बट्टी आग गिरी अर वे मा मांस, लखडा, पौड़, माटो अर इख तक कि वेदी का अमणी-समणी का पांणी तैं भि जलै दींनि। जब लुखुं ल यु देखि, उ धरती पर गिर गैनी अर बोलि, "यहोवा ही परमेश्वर च! यहोवा ही परमेश्वर च!"

तब एलिय्याह ल बोलि, "बाल का एक भि भविष्यवक्ता बचि के नि जै साका!" इलै लुखुं ल बाल का भविष्यवक्ताओं तैं पकड़ी दींनि अर ऊं तैं उख बट्टी अलग मा ली गैनी अर ऊं तैं मारि दींनि।

तब एलिय्याह ल अहाब राजा बट्टी बोलि, "जल्दी अपड़ा घुर भागी जा, किलैकि बरखा आंण वली च।" जल्द ही बदल घन्ना हवे गैनी, अर भौत बरखा शुरू हवे गै। यहोवा वे सूखा तैं खत्म कनु छो। यां बट्टी पता चलि कि यहोवा ही सच्चो परमेश्वर च।

जब एलिय्याह ल अपड़ा काम तैं खत्म कैरी दींनि, त पिता परमेश्वर ल एलीशा नौ का एक आदिम तैं अपड़ो भविष्यवक्ता हूंण कु चुंणि। पिता परमेश्वर ल एलीशा का द्वारा भौर सी चमत्कार करीनि। एक चमत्कार नामान का दगड़ी हवे। उ एक दुश्मन की सेना कु सरदार छो, पर वे तैं खलड़ी को बुरो रोग हवे गै छो। नामान ल एलीशा का बारा मा सूंणि छो, इलै उ एलीशा मा ऐ अर वे बट्टी इलै उ एलीशा मा ऐ अर वे बट्टी वे तैं ठिक कनु कु बिनती कैरी। एलीशा ल नामान बट्टी बोलि कि जै के यरदन गाड का पांणी मा सात बार डुबकी लगौ।

नामान गुस्सा हवे गै। वेल इन कन से मना कैरी दींनि, किलैकि यु वे तैं एक मूर्खता वलो काम लगदु छो। पर बाद मा वेल अपड़ा मं दबली दींनि अर जै के यरदन गाड का पांणी मा सात बार डुबकी लगै। जब आखिरी बार उ पांणी बट्टी भैर निकली त पिता परमेश्वर ल वे तैं ठिक कैर दींनि।

पिता परमेश्वर ल इस्राएल का लुखुं मा हैंका भौत सा भविष्यवक्ताओं तैं भेजि। ऊं सभियूं ल लुखुं बट्टी मूर्तियों की आराधना कन बंद कैरी दींणु कु बोलि। ऊं तैं एक-दुसरा का दगड़ी न्यायपूर्वक बरतौ कन चयणु च अर एक दुसरा पर दया कन चयणी च। ऊं भविष्यवक्ताओं ल लुखुं तैं चितै दींनि कि ऊं तैं बुरो कामों तैं बंद कैरी दींनि अर यांका बदला पिता परमेश्वर की बातों कु पालन कन च। जु ऊं लुखुं ल इन नि कैरी त पिता परमेश्वर ऊं तैं दोषी मांणी के ऊंको न्याय करलो, अर ऊं तैं दंड दयालो। " ज्यादतर बगत, ऊं लुखुं ल पिता परमेश्वर की आज्ञा कु पालन नि कैरी। ज्यादातर ऊंल भविष्यवक्ताओं का दगड़ी बुरो बरतौ कैरी अर इख तक कि इख तक कि कभि-कभि ऊं तैं मारि दींनि। एक बार, ऊंल यिर्मयाह भविष्यवक्ता तैं सूखा कुआं मा डाली दींनि अर वे तैं उख मरणु कु छोड़ी दींनि। उख कुआं का मूड़ी मा कीचड मा धंस गै। पर तब राजा तैं वे पर दया ऐ अर वेल अपड़ा सिपैयूं तैं आज्ञा दींनि कि यिर्मयाह का मुरण से पैली वे तैं कुआं बट्टी भैर खींच ले । "

भविष्यवक्ताओं ल पिता परमेश्वर की तरपां बट्टी बुल्ण नि छोड़ी भले ही लुखुं ल ऊं बट्टी खार खै। ऊंल लुखुं तैं चितै कि जु ऊंल पश्चताप नि कैरी त पिता परमेश्वर ऊं तैं नाश कैरी दयालो। ऊंल लुखुं तैं यु भि याद करै कि पिता परमेश्वर ल ऊं मा मसीह तैं भिजण कु वादा कैरी।