27. मयलदु सामरी की कथा

एक दिन, मूसा की व्यवस्था कु एक जांणकार यीशु मा ऐ।उ सभियूं तैं यु दिखांण चांदु छो कि यीशु गलत ढंग ल सिखांणु च। इलै वेल बोलि, "हे गुरु जी, हमेशा कु जीवन पांणु कु मि क्य कैरु?" यीशु ल जवाब दींनि, "पिता परमेश्वर की व्यवस्था मा क्य लिख्युं च?"

वे आदिम ल बोलि, " व्यवस्था मा इन बुलै गै कि अपड़ा परमेश्वर बट्टी अपड़ा सैरा मन,प्राण, सामर्थ, अर बुद्धि बट्टी प्रेम कैर। अर अपड़ा पड़ोसी बट्टी अफ जन प्रेम कैर। "यीशु ल जवाब दींनि, "तू बिल्कुछ सै बुल्णी छै! जु तु इन कैर त त्वे तैं हमेशा कु जीवन मिललो।"

पर उ व्यवस्था कु जांणकार लुखुं तैं दिखांण चांदु छो कि वेको जीवन जींण को ढंग सै च। इलै वेल यीशु बट्टी पूछि, "ठिक च, त मेरु पड़ोसी कु च?"

यीशु ल वे व्यवस्था कु जांणकार तैं एक कथा बतै के जवाब दींनि। "एक यहूदी आदिम छो जु एक सड़क बट्टी हवे के यरूशलेम शहर बट्टी यरीहो शहर कु जांणु छो।"

"पर कुछ डाकूओं ल वे देखि अर वे पर हमला कैरी दींनि। ऊंल वेको सभि कुछ ले लींनि अर वे तैं मुरण तक मरणा पिटणा रैनी। तब उ चलि गैनी।"

"कुछ देर बाद, एक यहूदी याजक वीं सड़क बट्टी हवे के गुजरी। वे याजक ल वे आदिम तैं सड़क पर पुडयूं देखि। जब वेल, वे तैं देखि त उ सदका की दुसरी और जै के अगनै बढी गै। वेल वे घायल आदिम तैं पूरा ढंग से अनदेखा कैरी दींनि।"

"यांका बाद कुछ बगत बितण का बाद, एक लेवी वीं सड़क पर ऐ। (लेवी यहूदियों’ का एक गोत्र छो जौल मन्दिर मा याजकों की मदद कैरी छै।) उ लेवी भि सड़क की दुसरी तरपां बट्टी निकली गै। वेल भि वे घायल आदिम तैं देखि के अनदेखा कैरी दींनि।"

"हैको आदिम जु वीं सड़क पर ऐ उ सामरिया कु एक आदिम छो। (सामरी अर यहूदी एक दुसरा बट्टी नफरत करदा छा।) वे सामरी ल सड़क पर वे घायल आदिम तैं देखि। वेल देखि कि उ यहूदी छो, पर फिर भि वेल वे घायल पर बड़ो तरस खै। तब उ वेमा गै अर वेल वेका घावों पर पट्टी बांधि।"

"फिर वे सामरी ल वे आदिम तैं अपड़ा गधा पर रखि अर वे तैं सड़क का रस्ता एक सराय मा लीगी। जख उ वेकी देखभाल कनु रै।"

हैंका दिन, वे सामरी तैं अपड़ी यात्रा मा जांण जरूरी छो। वेल वीं सराय का प्रभारी आदिम तैं कुछ रूप्या दींनि। वेल बोलि, "ये आदिम की देखभाल कैरी। जु यूं रुय्यों का अलावा तेरु कुछ और रुप्प्या लगुनु त वापस आंण पर मि वे तैं भोरी दयुलु।"

फिर यीशु ल मा मूसा की व्यवस्था का जांणकार बट्टी पूछि, "तुम क्य सुचदयां? यूं तीन लुखुं मा बट्टी कु वे आदिम कु पड़ोसी च जै तैं लूटी अर पीटी छो?" वेल जवाब दये, "उ ही जु वे पर दयालु हवे।" यीशु ल वे बट्टी बोलि, "तू जै के इन ही कैर।"