44. पतरस अर यूहन्ना एक भिखारी तैं खूब करद

एक दिन, पतरस अर यूहन्ना मन्दिर मा गैनी। एक लंगड़ो आदिम भीख मंगणु कु फाटक पर बैठयूं छो।

पतरस ल वे लंगड़ा आदिम की तरपां देखि अर बोलि, "मि मा त्वे तैं दींणु कु पैसा त नि छिनी। पर जु मि म च उ मि त्वे तैं दींदु। यीशु का नौं से, उठ अर चल-फिर!"

तुरंत ही, पिता परमेश्वर ल वे लंगड़ा आदिम तैं खूब कैरी दींनि। वेल इनै-उनै चलण अर उछलण, अर पिता परमेश्वर की स्तुति कन शुरू कैरी दींनि। मन्दिर का आंगन मा मौजूद लोग हैरान छा।

जल्द ही लुखुं की एक भीड़ वे आदिम तैं दिखण कु ऐ जु खूब हवे गै छो। पतरस ल ऊं बट्टी बोलि, "यु मनिख ठिक च, पर ईं बात पर हैरान नि हुवा। हम ल ये आदिम तैं अपड़ी तागत ल खूब नि कैरी, या इलै न कि हम पिता परमेश्वर कु आदर करदा। बल्कि, उ यीशु च जैल ये आदिम तैं अपड़ी तागत ल खूब कैरी, किलैकि हम यीशु पर विश्वास करदा।"

"उ तुम ही छा जौल वे रोमी राज्यपाल तैं यीशु तैं मरणु कु बोलि छो। तुम ल वे तैं मारि दींनि जु सभि तैं जीवन दींनि। पर पिता परमेश्वर ल वे तैं मुर्दों मा बट्टी ज्यूंदो कैरी। तुम ल नि समझी कि तुम क्य कना छा, पर जब तुम ऊं कामों तैं कना छा, जु भविष्यवक्ताओं ल बोलि छो उ पूरो हवे। ऊंल बोलि छो कि मसीह दुःख उठालो अर मोरि जालो। पिता परमेश्वर ल इन हूंण दींनि। इलै अब, पश्चताप कैरा अर पिता परमेश्वर कि तरपां फिरा, कि उ तुम्हरा पापों तैं द्वे के साफ कैरी दींनि।"

जब मन्दिर का अगवों ल पतरस अर यूहन्ना तैं सूंणि, त उ भौत घबरै गैनी। इलै ऊंल वे तैं गिरफ्तार कैरी के जेलखना मा डाली दींनि। पर जु पतरस ल बोलि छो वे पर भौत सा लुखुं ल विश्वास कैरी। यीशु पर विश्वास कन वलों की गिणती बढ़ी के लगभग 5,000 हवे गै।

हैंका दिन, उ यहूदी अगवा पतरस अर यूहन्ना तैं महायाजक अर अन्य धार्मिक अगवों का समणी ले के ऐ। उ वे आदिम तैं भि ले के ऐ जु लंगडो छो। ऊंल पतरस अर यूहन्ना बट्टी पूछि, "कै अधिकार से तुम ल वे लंगडा आदिम तैं खूब कैरी?"

पतरस ल जवाब दये, "यु आदिम जु तुम्हरा समणी खड़ो च वे तैं यीशु मसीह की सामर्थ का द्वारा खूब किये गै। तुम ल यीशु तैं सूली पर चढ़ै दींनि, पर पिता परमेश्वर ल वे तैं फिर से ज्यूंदो कैरी दींनि! तुम ल वे तैं स्वीकार नि कैरी, पर यीशु का सामर्थ का माध्यम का अलावा उद्धार पांणु को कुई दुसरो रस्ता नि च!"

उ अगवा हैरान छा कि पतरस अर यूहन्ना ल भौत साहस का दगड़ी बात कैरी । ऊंल देखि कि यु साधारण आदिम च जु कि अनपढ़ छा। पर ऊं तैं याद ऐ कि यु आदिम यीशु का दगड़ी रै छा । इलै ऊंल ऊं बट्टी बोलि, "हम तुम कु भौत ज्यादा दंड द्यौला जु तुम ये आदिम यीशु का बारा मा लुखुं तैं कुई और संदेश दींद।" इन भौत सी बातों तैं बुल्णा का बाद, ऊंल पतरस अर यूहन्ना तैं जांण दींनि।