46. पौलुस मसीही विश्वासी बंणि जांद

शाऊल नौं कु एक आदिम छो जैल यीशु पर विश्वास कैरी छो। जब उ जवान छो, तब वेल स्त्तिफनुस तैं मरण वला लुखुं का कपड़ों की देखभाल कैरी छै। बाद मा, वेल विश्वासियों तैं सतै छो। वेल यरूशलेम मा घौर-घौर जै के आदिम अर जननों द्वीयूं तैं गिरफ्तार कैरी के जेलखना मा डालेली छो। तब महायाजक ल शाऊल तैं दमिश्क नगर मा जांणै की इजाजत दींनि। वेल उख का मसीहियों तैं गिरफ्तार कन अर ऊं तैं वापस यरूशलेम ले के आंणु कु शाऊल कु बोलि।

तब शाऊल ल दमिशक जांणु कु यात्रा शुरू कैरी। वे नगर पौंछण बट्टी थोड़ा पैली, वेका चौतरपां आसमान बट्टी एक उज्ज्वल उज्यलो देखि, अर उ धरती पर लमडी गै। शाऊल ल कै तैं बुल्द सूंणि, "हे शाऊल! हे शाऊल! तु मि तैं किलै सतांणी छै?" शाऊल ल पूछि, "हे प्रभु, तु कु छै?" यीशु ल वे तैं जवाब दये, "मि यीशु छो। तु मि तैं सतांणी छै!"

जब शाऊल उठी त उ देखि नि साकी। तब वेका दगड़िया वे तैं दमिशक मा ले के गैनी। शाऊल ल तीन दिन तक कुछ भि खै अर पये भी नि च।

दमिश्क मा हनन्याह नौं कु एक चेला छो। पिता परमेश्वर ल वे बट्टी बोलि, "वे घौर जा जख शाऊल ठैरयूं च। अपड़ा हथों तैं वे पर रख कि उ फिर से दिखण लगि जौ।" पर हनन्याह ल बोलि, "हे प्रभु, मिल सूंणि कि ये आदिम ल विश्वासियों तैं कन सतै।" पिता परमेश्वर ल वे तैं जवाब दये, "ज! मिल वे तैं यहूदियों मा अर दुसरी जातियों का लुखुं मा मेरु नौं कु प्रचार कनु कु चुणयूं च। उ मेरा नौं कु भौत दुखों तैं सालो।"

तब हनन्याह शाऊल मा गै, अपड़ा हथों तैं वे पर रख, अर बोल, "यीशु ल, जु इख आंण वला रस्ता मा त्वे पर प्रगट हवे छो, मि तैं त्वे मा भेजि कि तु फिर से दिखण लग, अर पवित्र आत्मा त्वे तैं भोरि द्यालू।" तब शाऊल फिर तुरंत ही दिखण लगि गै, अर हनन्याह ल वे तैं बपतिस्मा दये। तब शाऊल ल खांणु खै अर फिर से तागत पै।

तब बट्टी, शाऊल ल दमिशक मा रांण वला यहूदियों मा प्रचार कन शुरू कैरी दींनि। वेल बोलि, "यीशु ही पिता परमेश्वर कु नौंनो च!" यहूदी लोग हैरान छा, किलैकि शाऊल ल त विश्वासियों तैं मरणै की कोशिश कैरी छै,पर अब वेल यीशु पर विश्वास कैरी छो। शाऊल ल यहूदियों का दगड़ी वाद-विवाद कैरी। वेल दिखै कि यीशु ही मसीह छो।

भौत दिनों का बाद, यहूदियों ल शाऊल तैं मरणै कि योजना बंणै। ऊंल वे तैं मरणु कु नगर का फाटक पर लुखुं तैं भेजि। कि वेकी देखरेख करा पर शाऊल ल वीं योजना का बारा मा सूंणि लियेले, अर वेका दगड़ियों ल बचि के निकलण मा वेकी मदद कैरी। एक रात वेल ठुपरा मा बैठी के नगर की दीवार बट्टी मूड़ी निकली दींनि। दमिशक बट्टी बचि के निकलण का बाद शाऊल ल यीशु का बारा मा प्रचार कनु रै।

शाऊल प्रेरितों बट्टी मिलणु कु यरूशलेम गै, पर उ वे बट्टी डरदा छा। तब बरनबास नौं कु एक विश्वासी शाऊल तैं प्रेरितों मा ली गै। वेल ऊं तैं बतै कि शाऊल ल कन कै साहसी हवे के दमिशक मा प्रचार कैरी छो। वेका बाद, प्रेरितों ल शाऊल तैं स्वीकार कैरी दींनि।

कुछ विश्वासी जु यरूशलेम का सताव् बट्टी भगणा छा उ दूर अंताकिया नगर मा चलि गै छा अर यीशु का बारा मा प्रचार करदा छा। अंताकिया मा रांण वला लोग ज्यादातर यहूदी नि छा, पर पैली बार, ऊंमा बट्टी भौत सा लोग विश्वासी बंणी गै छा। बरनबास अर शाऊल यूं नया विश्वासियों तैं यीशु का बारा मा अर और ज्यादा सिखणु कु उख गैनी अर मंडलि तैं मजबूत कैरी। यीशु पर विश्वास कन वला पैली बार अंताकिया मा ही "मसीही" कहलैनि।

एक दिन, अंताकिया का मसीही लोग उपवास का दगड़ी प्रार्थना कना छा। पवित्र आत्मा ल ऊं बट्टी बोलि, "मि कु बरनबास अर शाऊल तैं वे काम कनु कु अलग कैरी द्या जै तैं कनु कु मिल ऊं तैं बुलै।" इलै अन्ताकिया की मंडलि ल बरनबास अर शाऊल कु प्रार्थना कैरी अर ऊं पर अपड़ा हथों तैं रखि। तब ऊंल ऊं तैं हैंका भौत सी जगहों पर यीशु का बारा मा शुभ संदेश कु प्रचार कनु कु भेजि दींनि। बरनबॉस अर शाऊल ल अलग-अलग जातियों का लुखुं तैं शिक्षा दींनि, अर भौत सी लुखुं ल यीशु पर भरोसो कैरी।