48. यीशु ही वादा कियुं मसीह च

जब पिता परमेश्वर ल दुनिया तैं बंणै त सब कुछ अच्छो छो। कुई पाप नि छो। आदम अर हव्वा एक दूसरा बट्टी प्रेम करदा छा, अर उ पिता परमेश्वर बट्टी प्रेम करदा छा। कुई बीमारी अर मौत नि छै। पिता परमेश्वर इन ही दुनिया तैं चांदु छो।

शैतान ल गुरो का द्वारा बगीचा मा हव्वा का दगड़ी बात कैरी, किलैकि उ वीं तैं धोखा दींण चांदु छा। तब हव्वा अर आदम ल पिता परमेश्वर का विरूद्ध मा पाप कैरी। किलैकि ऊंल पाप कैरी छो इलै धरती पर रांण वला सभि चीज मोरि जंदींनि।

किलैकि आदम अर हव्वा ल पाप कैरी छो, इलै कुछ और भि ज्यादा बुरो हवे। उ पिता परमेश्वर का दुश्मन बंणि गैनी। ज्यांका बदला, तब बट्टी हर आदिम पाप कनु च। हर एक आदिम जन्म का बगत बट्टी ही पिता परमेश्वर कु दुश्मन च। पिता परमेश्वर अर लुखुं का बीच मा शांन्ति नि छै। पर फिर भि पिता परमेश्वर शान्ति चांदु छो।

पिता परमेश्वर ल एक वादा कैरी छो कि हव्वा कु एक वंशज शैतान का मुंड तैं कुचली दयालो। वेल यु भि बोलि कि शैतान वीं की एडी तैं डसलो। दूसरा शब्दों मा, शैतान तैं मारि डललो, पर पिता परमेश्वर वे तैं फिर से ज्यूंदो कैरी दयालो। यांका का बाद, मसीह शैतान की तागत तैं हमेशा कु खत्म कैरी दयालो। कुछ सालों का बाद, पिता परमेश्वर ल यु प्रगट कैरी दींनि कि उ मसीह यीशु च।

पिता परमेश्वर ल वीं बाढ़ बट्टी अपड़ा परिवार तैं बचै जै तैं उ लांण वलो छो। नूह बट्टी एक नाव तैं बनांणु कु बुलै गै अर पिता परमेश्वर ल ऊं लुखुं तैं बचै जु वे पर विश्वास करदा छा। इन के ही, उ सभि का सभि पिता परमेश्वर का द्वारा मरै जांण का योग्य छा किलैकि ऊंल पाप कैरी छो। पर पिता परमेश्वर ल ऊं सभियूं तैं बचांणु कु यीशु तैं भेजि जु वे पर विश्वास करदा छा।

कई सालों तक, याजक पिता परमेश्वर कु बलिदान चढ़ाणा रैनि। यु बतांद कि लुखुं ल पाप कैरी, अर यु कि उ पिता परमेश्वर का द्वारा ऊं तैं दंड दिये जांण का योग्य छा। पर उ बलिदान ऊंका पापों तैं माफ नि कैरी सकद। यीशु ही सबसे बड़ों महायाजक च। वेल उ कैरी जु कुई याजक नि कैरी सकद। वेल उ एकमात्र बलिदान हूंणु कु अफ तैं दे दींनि जु हर कैका पापों तैं मिटै सकद। वेल स्वीकार कैरी के पिता परमेश्वर ऊं सभि पापो कु वे तैं दंड दयो। इलै, यीशु सिद्ध महायाजक छो। " पिता परमेश्वर ल अब्राहम बट्टी बोलि, ""मि तेरा द्वारा दुनिया का सभि कुलों तैं आशीष दयुलु।"" यीशु ये ही अब्राहम कु वंशज छो। पिता परमेश्वर अब्राहम का माध्यम बट्टी सभि कुलों तैं आशीष दयालो, किलैकि जु यीशु पर विश्वास करदींनि पिता परमेश्वर ऊं सभियूं तैं पाप बट्टी बचांद। जब यु लोग यीशु पर विश्वास करद, त पिता परमेश्वर ऊं तैं अब्राहम कु वंशज मंणद।"

पिता परमेश्वर ल अब्राहम बट्टी बोलि कि उ अपड़ो एकलौतो नौंना तैं बलिदान कैरी द्यो। पर फिर पिता परमेश्वर ल इसाहाक का बदला मा बलि कनु कु एक चिनखो दये। हम सभि अपड़ा पापों कु मरै जांण का लैक छा! पर पिता परमेश्वर ल हमारी जगह पर मुरणु कु यीशु तैं बलिदान का रूप मा दये। इलै हम यीशु तैं पिता परमेश्वर कु चिनखो बुल्दीयां।

जब पिता परमेश्वर ल मिस्र पर आखिरी विपत्ति भेजि त वेल हर एक इस्राएली परिवार बट्टी बोलि कि उ एक चिनखै की बलि कैरा। वे चिनखा मा कुई भि दोष नि हूंण चयणु च। तब अपड़ा दरवाजा की चौखट का मथी अर अगल-बगल मा ऊं तैं वेक ल्वे तैं लगांण होलो। जब पिता परमेश्वर ल वे ल्वे तैं देखि त उ ऊं घौरों तैं छोड़ी के अगनै चलि गै अर ऊंका पैला नौंनों तैं नि मारि। जब यु हवे त पिता परमेश्वर ल ये तैं फसल कु त्यौहार बोलि।

यीशु त्यौहार का एक चिनखा का जन च। वेल कभि भि पाप नि कैरी, इलै वे मा कुछ भि गलत नि च। उ त्यौहार का ही बगत पर ही मोरि। जब कुई यीशु पर विश्वास करद, तब यीशु कु ल्वे वे आदिम का पापों की कीमत तैं चुकांद। यु इन च जन कि पिता परमेश्वर वे आदिम मा बट्टी अगनै चली गै, किलैकि उ वे तैं दंड नि दींद।

पिता परमेश्वर ल इस्राएली लुखुं’ का दगड़ी एक वादा कैरी, किलैकि उ इन लोग छा जौं तैं पिता परमेश्वर ल अपड़ा लोग हूंणु कु चुंणि छो। पर अब पिता परमेश्वर ल एक इन वादा तैं कैरी जु कि सभियूं कु च। जु कै भि जाति कु कुई भि आदिम ये नया वादा तैं स्वीकार करद, त उ पिता परमेश्वर का लुखुं मा शामिल हवे जांद। उ इन इलै ही करद किलैकि उ यीशु पर विश्वास करद।

मूसा एक इन भविष्यवक्ता छो जैल पिता परमेश्वर का वचन तैं बड़ी सामर्थ का दगड़ी प्रचार कैरी छो। पर यीशु सभि भविष्यवक्ताओं मा सबसे बड़ो च। उ परमेश्वर च, इलै जु कुछ भि वेल कैरी अर बोलि उ परमेश्वर का काम अर वचन छा। इलै पवित्र-शास्त्र यीशु तैं पिता परमेश्वर का वचन बुल्द।

पिता परमेश्वर ल राजा दाऊद बट्टी वादा कैरी छो कि राजा का रूप मा वेको एक वंशज पिता परमेश्वर का लुखुं पर हमेशा कु राज्य करलो। यीशु पिता परमेश्वर कु नौंनो अर मसीह च, इलै उ राजा दाऊद कु वंशज च जु हमेशा कु राज्य कैरी सकदु च।

दाऊद त इस्राएल कु राजा छो, पर यीशु सैरी दुनिया कु राजा च! उ फिर से आलो अर हमेशा कु न्याय अर शान्ति का दगड़ी अपड़ा राज्य पर शासन करलो।