6. पिता परमेश्वर इसाहक कु इन्तेजाम करद

जब अब्राहम भौत बुढिया हवे गै छो तब वेको नौंनो इसाहक एक आदिम की उम्र कु हवे गै छो। इलै अब्राहम ल अपड़ा एक नौंकर तैं वे देश कु भेजि जख वेका रिश्तेदार रौंदा छा, कि उ अपड़ा नौंना इसाहक कु एक जनन लै साको।

एक भौत बड़ी यात्रा कना का बाद, अब्राहम कु नौकर वे देश जना गै, जख वेका रिश्तेदार रौंदा छा वे देश जने जांणु कु पिता परमेश्वर ल वे नौकर की अगवाई कैरी, कि उ रिबका बट्टी मिलो, वा अब्राहम की भये की नत्येण छै

रिबका अपड़ा परिवार तैं छोड़ीं के वे नौकर का दगड़ी वापस जांणु कु मांणी ग्ये। जन ही रिबका उख पौंछिनि इसाहक ल वीं दगड़ी ब्यो कैरी।

भौत बगत का बाद, अब्राहम मोरि ग्ये। तब पिता परमेश्वर ल अब्राहम का नौंना इसाहक तैं, आशीष दींनि किलैकि पिता परमेश्वर ल अब्राहम दगड़ी वादों करयूं छो। वीं वाचा मा पिता परमेश्वर कु वादा करयूं छो कि अब्राहम का बिज्यां वंशज होला। पर इसाहक की जनन रिबका की संतान पैदा नि ह्वे।

इसाहक ल रिबका कु प्रार्थना कैरी, अर परमेश्वर ल वीं तैं जोंल्या बच्चों कु गर्भ धारण कने की शक्ति द्ये। जीं बगत उ बच्चा रिबका का गर्भ मा छा उ आपस मा लड़ण लगि गैनी, इलै कु कुछ हूंणु छो उ रिबका ल पिता परमेश्वर तैं बतै।

पिता परमेश्वर ल रिबका कु बोलि, "तू द्वी नौंनो तैं जन्म दींलि। ऊंका वंशज द्वी अलग-अलग जातियों तैं बणांला। उ एक दूसरा बट्टी लड़ला। पर बड़ा नौंनो बट्टी पैदा हूंण वली जाति तैं छुटा नौंना बट्टी आंण वली जाति की आज्ञा मंनण पुडेली।"

जब रिबका का नौंनो कु जन्म ह्वे, त बड़ो नौंनो लाल अर रुवांदार छो, अर ऊंल वेको नौं एसाव रखी। तब छुटो नौंनो एसाव की एडी तैं पकड़ी के पैदा ह्वे, अर ऊंल वेको नौ याकूब रखि।