7. पिता परमेश्वर याकूब तैं आशीष दींद

जब उ बच्चा बड़ा हविनि त याकूब तैं अपड़ा घौर मा रौंण अच्छो लगदु छो, पर एसाव तैं जानवरों कु शिकार कन अच्छो लगदु छो। रिकबा याकूब तैं खूब मंण दी छै, पर इसाहक एसाव तैं खूब मंणदु छो।

एक दिन, जब एसाव शिकार कैरी के वापस ऐ त वे तैं भौत भूख लगि। एसाव ल याकूब कु बोलि, "जु तेरु पक्यूं च वांमा बट्टी थोड़ सी मि तैं दे दी।" याकूब ल जवाब दये, "पैली मि बट्टी वादा कैर कि पैलो नौंनो हूंण का कारण से हर एक चीज जु त्वे तैं मिलण चयणी च, उ सभि मि तैं दीलि।" तब एसाव ल ऊं सभि चीजों तैं याकूब तैं दींणो कु वादा कैरी दींनि। तब याकूब ल वे तैं थोड़ा सी खांणु दींनि।

इसाहक एसाव तैं आशीष दींण चांदु छो। पर यांसे पैली की उ इन करदु, रिबका अर याकूब ल याकूब कु एसाव हूंण कु ढोंग कैरी के वे दगड़ी धोखा कैरी। इसाहक बुढिया छो अर देखि नि सकदु छो। इलै याकूबब ल एसाव का कपड़ा पैरिनि अर बखरा का खलडा तैं अपड़ा गौला अर हाथों पर लपेटी दींनि।

याकूब इसाहक का समणी ऐ अर बोलि, "मि एसाव छो।मि इलै अयूं छो कि तू मि तैं आशीष दे।" जब इसाहक ल बखरा का खलडा तैं महसूस कैरी अर कपड़ों तैं सूंगी,त वेल सोचि कि उ एसाव च अर वे तैं आशीष दींनि।

एसाव ल याकूब दगड़ी जलन रखि किलैकि याकूब ल वेका पैला नौंना का अधिकार तैं अर दगड़ा मा वेकी आशीषों तैं भि चोरेले छो। तब वेल अपड़ा बुबा का मुरणा का बाद याकूब तैं मरणै की योजना बंणै।

पर रिबका ल एसाव की योजना तैं सूंणी दींनि। इलै वेल अर इसाहक ल याकूब तैं वेका रिश्तेदारों का दगड़ी रौंणु कु भौत दूर भेजि।

याकूब भौत सालों तक रिबका का रिश्तेदारों का दगड़ी रे। वे बगत वेल ब्यो कैरी अर बारह नौंनो तैं अर एक नौंनि तैं पैदा कैरी। पिता परमेश्वर ल वे तैं भौत अमीर बंणै।

बीस सालों तक कनान देश मा अपड़ा घौर बट्टी दूर रौंणा का बाद, याकूब अपड़ा परिवार, अपड़ा नौकरों, अर अपड़ा जानवरों का सैरा झुंडों का दगड़ी उख वापस लौटी।

याकूब इलै भौत डरयूं छो किलैकि वेल सोचि कि एसाव अभि भि याकूब तैं मरण चांणु छो। इलै वेल तौफा मा जानवरों का झुण्ड एसाव मा भेजि। जु नौकर ऊं झुंडों तैं ले के ग्यूं छो ऊंल बोलि, "तेरु दास याकूब, यूं जानवरों तैं त्वे तैं दीं। उ जल्दी ही आंणु च।"

पर अब एसाव अब याकूब तैं नुकसान नि पौंछांण चांदु छो। यांका बाद, उ वे तैं एक बार फिर से देखि के भौत खुश हवे। वांका बाद याकूब कनान मा खुश हवे के रै। तब इसाहक मोरि ग्ये अर याकूब अर एसाव ल वे तैं दफनै। वाचा कु वादा जु पिता परमेश्वर ल अब्राहम बट्टी कैरी छै उ अब एसाव अर याकूब पर ऐ गै छै।