8. पिता परमेश्वर यूसूफ अर वेका परिवार तैं बचांद

याकूब का कनान देश मा रांद भौत सालों हवे ग्ये छा, जब याकूब बुढिया हवे, त वेल अपड़ा प्रिय नौंना यूसूफ तैं वेका भयों कु हाल-चाल पुछणु कु भेजि वेका भै जानवरों का झुण्ड की देखभाल करना छा।

यूसूफ का भये वे बट्टी जलन करदा छा किलैकि वेको बुबा वे बट्टी भौत प्रेम करदु छो अर इलै भि कि यूसूफ ल सुप्न्यो देखि छो कि उ, ऊं सभि कु शासक ह्वे गै। जब यूसूफ अपने भयों मा ऐ त ऊंल वे तैं बंधक बंणै दींनि अर वे तैं नौकरों को व्यापार कन वलो मा बेचि दींनि।

घर वापस लौटण से पैली यूसूफ का भयों ल यूसूफ का कपड़ों तैं फाडी दींनि अर बखरा का ल्वे मा भिगे दींनि। फिर ऊंल उ कपड़ा अपड़ा बुबा तैं दिखै कि उ यु सुचलो कि कै जंगली जानवर ल यूसूफ तैं मारि होलो। याकूब भौत उदास छो।

नौकरों कु व्यापार कन वला उ लोग यूसूफ तैं मिस्र देश ली गैनी। नील गाड का छाला पर बस्यूं मिस्र एक बडो अर शक्तिशाली देश छो। ऊं नौकरों का व्यापार कन वलोल यूसूफ तैं एक अमीर सरकारी अधिकारी तैं नौकर का रूप मा बेचि दींनि। यूसूफ ल अपड़ा स्वामी की भौत अच्छा ढंग ल सेवा कैरी, अर पिता परमेश्वर ल यूसूफ तैं आशीष दींनि।

वेक स्वामी की जनन ल यूसूफ का दगड़ी स्यूंणै की कोशिश कैरी,पर यूसूफ ल परमेश्वर का विरूद्ध मा पाप कन से मना कैरी दींनि। वा गुस्सा हवे अर वीं ल यूसूफ पर झूटो आरोप लगै दींनि, इलै वे तैं गिरफ्तार कैरी के जेलखना मा भेजि दींनि। ईख तक की जेलखना मा भि, यूसूफ पिता परमेश्वर का प्रति सच्चो रै, अर पिता परमेश्वर ल वे तैं आशीष दींनि।

द्वी साल का बाद, निर्दोष हूंण पर भि यूसूफ अभि भि जेलखना मा ही छो, जब की उ छो। एक रात, फिरौन, जन कि मिस्री लोग अपड़ा राजाओं तैं पुकरदा छा, वेल द्वी स्वीपना दिखिनि जों स्वीपनो ल वे तैं भौत परेशान कैरी दींनि। वेको कुई भि सला दींण वलो वे तैं ऊं स्वीपनो कु मतलब नि बतै साकी।

पिता परमेश्वर ल यूसूफ तैं स्वीपना को मतलब बतांण की क्षमता प्रदान कैरी, इलै फिरौन ल यूसूफ तैं जेलखना बट्टी अफ म बुलै। यूसूफ ल वे तैं ऊं स्वीपनो कु मतलब बतै अर बोलि, "पिता परमेश्वर भरपूरी की फसलों वला सात सालों का बाद अकाल का सात सालों तैं भिजण वलो च।"

फिरौन यूसूफ बट्टी भौत खुश ह्वे कि वेल यूसूफ तैं मिस्र कु दुसरो सबसे शक्तिशाली आदिम बंणै।

यूसूफ ल लुखुं बट्टी अच्छी फसलों वला सात सालों का दौरान बड़ी मात्रा मा खांणु तैं जमा कनु कु बोलि। जब सात सालों कु आकाल ऐ तब यूसूफ ल लुखुं तैं उ खांणु बेचि कि ऊं मा खांणु पूरो हो।

उ अकाल बस मिस्र देश मा ही न पर कनान देश मा भि खतरनाक छो जख याकूब अर वेको परिवार रौंदु छो।

इलै याकूब ल अपड़ा सबसे बड़ा नौंना तैं खांणु खरीदणु कु मिस्र देश भेजि। जब उ खांणु खरीदणु कु यूसूफ का समणी खड़ो ह्वे त ऊं भयों ल यूसूफ तैं नि पैछांणी। पर यूसूफ ल ऊं तैं पैछांण दींनि।

यू मालूम कनु कु कि क्य उ बदली गैनी ऊंकी जांच कना का बाद, यूसूफ ल बोलि, "मि तेरु भये यीशु छो! नि डैरा। जब तुम ल मि तैं नौकर का रूप मा बेचि छो त तुम ल बुरै कैरी छै, पर पिता परमेश्वर ल वीं बुरै तैं भले कु इस्तेमाल कैरी! आवा अर मिस्र मा रा कि मि तेरा अर तेरा परिवारों कु खांणु कु इन्तेजाम कैरी साकु।"

जब यूसूफ का भये घौर वापस ऐनी अर अपड़ा बुबा यूसूफ तैं बतै कि यूसूफ अभि भि ज्यूंदो च त उ भौत खुश छो।

जब कि याकूब एक बुढिया आदिम छो तब भि उ अपड़ा पूरा परिवार का दगड़ी मिस्र देश कु चलि गै, अर उ उख बसी गैनी। याकूब का मुरण से पैली, वेल अपड़ा हर एक नौंना तैं आशीर्वाद दींनि।

वाचा कु उ वादा जु पिता परमेश्वर ल अब्राहम बट्टी कैरी छै उ इसाहक अर अर वेका बाद याकूब, अर वेका बाद वेका बारह नौंनो अर वेका परिवारों पर ऐ गै छै। ऊं बारह नौंनो का वंशज इस्राएल का बारह गोत्र बणि गैनी।