10. परमेश्वर मिस्र देशा पुटि दश संकटो बिज़ना असे
परमेश्वरे मूसाओर हारूनर चेतावनी दिता कि फिरौन ढीठ भूई गाल। ज़ेखेए तेने फिरौना कच़ा गे त तेने बोलिया, “इस्राएला परमेश्वर एरा बोलना असे, ‘मेरे मऊंओर गईब दे!’” पर फिरौने तेनो की न शुंयां होरेक इस्राएलिउर गईबेओनि अज़ाद करिबे मुंह्दे तेनी तेनोर होरक डरोंआ मेहनत करिबेओनि मजबूर किया।
फिरौन तेनो मऊंओर गईब दिबेंञ लगातार मना करला बेठा, तेरे परमेश्वरे मिस्रा पुटि दश डरोंआ डरईब ज़ोगे संकटो बिदेन। इने संकटो द्वारे, परमेश्वरे फिरौनर हैरालिया कि से फिरौनओर मिस्रा कि देउओंञ मस्स तागतवर असे।
परमेश्वरे नील नेई कि पाईंर रता ठो बणंईं बिदा, पर फिरौने एबैईं भि इस्राएलिउर गईब नेता।
परमेश्वरे बदे मिस्रंञ मेंढको बिदे। फिरौने मेंढकोर दूरे करिबेओनि मूसेर ज़ी शबस किया। पर बदे मेंढको की मरि गई पिच़ंञ, फिरौने अपें सेमर मोड़ा करि बिदा होरक इस्राएलिउर मिस्रंञ निसिब नेता।
तेरे परमेश्वरे च़च्ड़ो कि संकट बिदा। तेस पिच़ंञ तेनी माछ़िउ कि संकट बिदा। फिरौने मूसा होरेक हारूनर बुलाया होरेक तेनोसा बोलिया कि अगर तेने तेस संकटर रोकी बिज़ेले त इस्राएली मिस्रर छोड़ि कर गई बटेले। ज़ेखेए मूसे प्रार्थना किया त परमेश्वरे मिस्रा पुटिंञ माछ़िउर घिरई बिदा। पर फिरौने अपें सेमर मोड़ा करी बिदा होरेक तेने मऊंओर अज़ाद भूईकर गईबनेता।
इसींञ अगरीं, परमेश्वरे मिस्त्रियो कि बदे जाओरे जानवरोर दुखिकर मरि गईब दिता। पर फिरौना सेम मोड़ा भूई गिउरा थिया होरेक तेनी इस्राएलिउर गईब नेता।
च़ा परमेश्वरे मूसेसा फिरौना समटे बालूंन पठा फटईबेओनि बोलिया। ज़ेखेए तेनी एरा किया त मिस्रा मऊंओ कि त्रपी पुटि झ़केउंआं फोलो निसी आये, पर इस्राएलिउर खीं नूआं। परमेश्वरे फिरौना सेमर मोड़ा करि बिदा, होरेक फिरौने इस्राएलिउर अज़ाद भूईकर गईब नेता।
इस पिच़ंञ, परमेश्वरे शरू झ़वाये होरेक मिस्रा कि मस्तज़ेंञ फसलोर नाश करि बिदा होरेक ज़ऊं कउंआं भि भईरों निथा तेसर मारि बिदा। फिरौने मूसाओर हारुनर बुलाया होरेक तेनोर बोलिया, “मेईं पाप किउरा असे। तुप्सीं गई बटोले।” तेरे मूसे प्रार्थना किया, होरक सरगंञ शरू झ़ईबा रूकि गिया।
पर फिरौने फिरी पाप किया होरक अपें सेमर मोड़ा करि बिदा। तेनी इस्राएलिउर अज़ाद भूईकर गईब नेता।
तेरे परमेश्वरे मिस्रा पुटि टिट्टो कि छुंडोर अईब दिता। इने टिट्टे तेने बदे फसलर खई बिदा ज़ेने फसलो शरूअंञ बच़ि गिउरा थिया।
च़ा परमेश्वरे अनारा करि बिदा ज़े त्राई दियो च़ेक छ़ुटा। इ एतोक डरईब ज़ोगा थिया कि मिस्रि मऊं अपें घरेंञ निसी नोटेन। पर ज़ेटी इस्राएली मऊं बेशने थिये तेटी प्रागा थिया।
इने नऊं संकटों पिच़ंञ भि, फिरौने इस्राएलिउर अज़ाद भूईकर गईबदिबेंञ मना करि बिदा। किसबोलि फिरौने न शुंयाति तेरे परमेश्वरे एक आखरी संकटर बिज़िबे योजना बणांया। इ फिरौना सेमर लेख्फि करि बिज़ल।
निर्गमन पाठ 5-10 बाइबला कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।