9. परमेश्वर मूसेर अई बोलना असे
यूसुफा मरिबे पिच़ंञ तेसी बदे नाति मिस्रन बसीगे। तेने होरेक तेनोकि बंशजो एस्सी बरियो च़ेक मिस्रनए बेठे होरेक तेने मस्स औलादो जाइये। तेने इस्राएली गणुंएं।
केतिबा शऊ बरियो पिच़ंञ, इस्राएलिउ की मऊं मस्स बढ़ी गिउरे थिये। होरेक मिस्रा मऊं हेबे इने गप्पेयोर बिस्रुई गिउरे थिये कि तेनो साथि करिबेओनी यूसुफे मस्स खीं किउरा थिया। तेने इस्राएलिउंञ डरी गे किसबोली तेने मऊं तेनोंञ मस्स ज़ेंञ थिये। तेरे तेस मुके मिस्रा पुटि शासन करने फिरौने इस्राएलिउर मिस्रियो की परगर बणंईं बिदा।
मिस्री इस्राएलिउर मस्स मोड़े इमारतो होरेक इटि च़ेक कि कई नगरिर बणंईबे ओनि मजबूर किया। तेस खरा क्रष्टे तेनोकि ज़िंदगीर मस्स दु:खी बणंईं बिदा, पर परमेश्वरे तेनोर आशीष दिता होरेक मस्स संतानों जाये।
फिरौने कईया कि इस्राएलिउंञ मस्स संतानों भोनेति, तेरे तेनी अपें मऊंओर इस्राइलिउ की बदे मुषुड्ल मठेओर नील नेईन फटई कर मारि बिज़िबे कि हुकम दिता।
एक ख़ास इस्राएली ज़लऊवीं एक मुषुड्ल मठेर जाया। तेनी होरक तेसी घ्याते ज़ेतेक तेनोंञ भूई बटिया तेस मठेर यूंकई थैया।
ज़ेखेए तेस मठे की या-बाए तेसर होरक मस्स यूंकई नोटिया त, तेने तेसर मारिबेञ बच़ईबे ओनि एक तारी देनाठो बल्लीन नील नेई मुखा पुटि पांईं घा बीच़ा थैई बिदा। तेसी मोड़ी भैंईं-इ इ हैरिबेओनी तेसी निगरानी किया कि तेस्सा खि भोल।
फिरौना कूई तेस बड्लिर हैरिकर तेस अंदर झांकिया। ज़ेखेए तेनी एक मठेर कईया त तेनी अपें मठे की रुपंञ लेई बिदा। तेनी एक इस्राएली ज़लऊंर तेसर दूध पिलईबेओनि कमन थैई बिदा, इ ज़ाईंब मेतेए कि से तेस मठे की असली या थी। ज़ेखेए से मठा एतोक मोड़ा भूई गिया कि हेबे तेसर अपीं या कि दूदा ज़रूरत नोथा, च़ा तेनी फिरौना कूई कच़ा तेसर पलाटेरी बिदा, तेसी नाऊं मूसा थैया।
एक झा, ज़ेखेए मूसा मोड़ा भूई गिउरा थिया, च़ा तेनी कईया कि एक मिस्री एक इस्राएलिर कूटना। मूसे अपें साथि इस्राएलिर बच़ईबे कोशिश किया।
ज़ेखेए मूसे च़ेता कि तेसर कन्नूई न हेरल त तेनी तेस मिस्रिर मारि बिदा होरेक तेसी फुकर पथि बिदा। पर मूसे ज़े कियाति तेसर केनियां कई बिदाति।
फिरौनर पता लगि गिया कि मूसे खि किउरा असे। तेनी तेसर मारि बिज़िबे कोशिश किया, पर मूसा मिस्रंञ बणांरि नशि गिया। फिरौना सिपाहिए तेसर तेटि लोई नोटिया।
मूसा मिस्र देशंञ एस्सी दूरे एक मिद्यान देशन बेशिब ठारुआ। तेटि तेनी एक मठी सा ब्याह करि बिदा होरेक दूई मठे जाये।
मूसा अपें शोरे की पेरूओ कि छुंडो देखभाल करना थिया। एक झा, तेनी एक ज़न्ना छ़ोव्कर कया ज़े त्रईब मेतेए ज़न्नाति। तेसर हैरिबओनि से तेस छ़ोव्का कच़ा गिया। ज़ेखेए से तेसी मस्स कच़ा थिया त परमेश्वरे तेस सा गप्पा किया। परमेश्वरे बोलिया, “हे मूसा, तेपें बूटोर खोई बिज़। तु एक शुच़्चे ठारीन खा असे।”
परमेश्वरे बोलिया, “मेईं मेपें मऊंओं की दु:खोर काओरा भो। हऊं तपींर फिरौना कच़ा बिज़ू ताकि तपीं इस्राएलिउर मिस्रा कि परगर भूईबे कमंञ भईरों खनी अणे। हऊं तेनोर कनान देश देऊं, से देश ज़ेसी मैईं अब्राहम, इसहाकोर याकूबा सा वाईदा किउरा असे।”
मूसे पूछ़िया, “अगर मऊंवी ज़ाईंबा चाहिया कि मूर केनी बिदोरा भो त हऊं खि बोलू?” परमेश्वरे बोलिया, “ज़े हऊं भोऊं से हऊं भोऊं। तेनोर बोलो, ‘परमेश्वरे मूर तुप्सेयों कच़ा बिदोरा भो।’ तेनोसा इ भि बोलो, ‘हऊं तुप्सेयों पूर्वजो अब्राहम, इसहाक-ओ याकूबा परमेश्वर यहोवा भोऊं।’ मेरा इ नाऊं हमेशा कि भो।”
मूसा डरना थिया होरेक फिरौना कच़ा गईबा न चाहनाति किसबोलि तेनी च़ेता कि से रूठू बोलि नोटल, तेरे परमेश्वरे मूसे भाई, हारूनर, तेसर साथि करिबे ओनि बिदा।
निर्गमन पाठ 1-4 एक बाइबला कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।