11. फसह कि त्योहार
परमेश्वरे मूसा ओ हारूनर फिरौना कच़ा इ बोलिबेर बिदा कि इस्त्राएलिओर गईब दे। तेने तेसर चिताया कि अगर तपीं एनोर गईब न देल त, परमेश्वर मिस्त्रा कि मऊंओर होरेक जानवरो कि मुंहड्क्वां मठेओर मारि बिज़ल। फिरौने इ शुंईकर भि परमेश्वरा पुटि विश्वास करिबेर-ओ परमेश्वरा गप्पा मनिबेंञ इन्कार करि बिदा।
परमेश्वरे तेस पुटि विश्वास करनेओ ओनि तेनोर बच़इबे ओनि एक योजना बणांया। हर परिवारंञ एकिर निष्पाप उर्नू लेई तेस मारिबा या बलि दीबा थिया।
परमेश्वरे इस्राएलिउर तेस उर्नू कि रतर मेपां-मेपां घरे लवईबेर बोलिया। तेनोर उर्नू मांसा त्राईबा थिया होरेक अखमीरी रोटि सा बल्ज़ि करि खईबा थिया। परमेश्वरे तेस बगतर खई पिच़ंञ तेरी मिस्र छोड़िबे ओनि तैयार बेशिबेर बोलिया।
ज़ेरा करिबेर परमेश्वरे इस्राएलिउर आज्ञा दितोरा थिया तेने तेस हिसाबे बदे-दिर किया। आद राति परमेश्वर मुंहड्क्वां कोएर मारला मिस्र देशा बिच़ंञ भुई गिया।
इस्राएलिउ कि बदेओ द्वारन रत लगोरा थिया, तेरे परमेश्वरे तेनो घरेर छोड़ि बिदा। तेत अण्डीं कि बदे मऊं बच़ोरे थिये। तेने उर्नू रता बजेहे बच़ि गेति।
पर मिस्री संञ परमेश्वरा गप्पे पूटी भरोसा किउरा नोथा होरेक तेसिकी हुकुमोर न मनियाति। तेरे परमेश्वरे तेनो घरोर न छोड़िया। परमेश्वरे मिस्रिउ कि हर एक मुहंड्क्वें कोओर मारि बिदा।
जेला ढप्योरे केदिओंञ दी, फिरौना मुहंड्क्वां मठेओ च़ेक, बदे मुंहड्क्वां मुशुल मठा मरि गिया। एम्फा गहरा दुखा बजेह मिस्रा मऊं डरोंआ रोलने थिये।
तेस्से राति, फिरौने मूसा ओ हारूनर अई बोलि बोलिया, “इस्राएलिउर लेई इस्से मुके मिस्रंञ निसि गाओ!” मिस्री मऊंवीं भि इस्राएलिउर तेस्से मुके निसि गईबेर बोलिया।
निर्गमन पाठ 11:1-12:32 अंञ एक बाइबला कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।