18. इस्राएला दुई हिस्सेन बण्णुईबा
दाऊद रज्ज़े दुई बी बरि च़ेक राज किया। च़े से मरि गिया, होरेक तेसी कोआ सुलैमाने इस्राएला पूटी राज करिबा च़ुख्फि किया। परमेश्वरे सुलैमाना सा गप्पा किया होरेक तेसिंञ पुच्छ़िया कि से बदेओंञ जादा खि चाहना कि परमेश्वरे तेसी ओनि किउरा लोई। सुलैमाने परमेश्वरंञ गेठा कि परमेश्वरे तेसर मस्स बुद्धि दितोरा लोई। इनि गप्पे परमेश्वरर खुश किया, तेरे परमेश्वरे सुलैमानर संसाराकि बदेओंञ बुद्धिमान मुषुल्ला बणंई बिदा। सुलैमान-ए मस्त गप्पयोर शिख्रिया होरेक से एक बुद्धिमान रज़्जा बणिया। परमेश्वरे तेसर मस्स टंगेटा बी बणंईं बिदोरा थिया।
यरूशलेमन सुलैमाने तेस मंदरर बणांया ज़ेसी ओनि तेसी बा-ए योजना बणांओरा थिया होरेक समानर ठोक्कन किउरा थिया। हेबे मऊं मेल-मिलापा तंबू बजाए मंदरन परमेश्वरा अराधना करने थिये होरेक तेठा ओनि बलि च़ढ़ाने थिये। परमेश्वर अइकर मंदरा बेशना थिया, होरेक अपें मऊंओं सा बेशना थिया।
पर सुलैमान-ए अयक देशाकि ज़लऊंओं सा दा थैया। तेनी मस्ह ज़ेंञ, लगभग हजार ज़लऊंओं सा ब्या करि परमेश्वरा कि आज्ञा त्रोया! इनो बिच़ंञ मस्ह ज़ेंञ ज़लऊं पराये देशंञ आये होरेक एम्फ्यों सा एम्फें देउओर लेई आये होरेक तेनो अराधना करिबा जारी थेईया। ज़ेखेंई सुलैमान बूउवी गिया त तेनी भि तेनो देउओ कि अराधना किया।
इ बजहे परमेश्वर सुलैमाना सा रोषेओरा थिया। परमेश्वरे लाई कि इस्राएल देशर दुई राज्यन बण्णिं-कर सज़ा देऊं। परमेश्वर सुलैमाना कि मरिबे पिच़ंञ एरा करल।
सुलैमाना कि मरिबे पिच़ंञ, तेसी तीसरा कोआ रहबाम रज़्जा बणिंया। इस्राएला बदे मऊं तेसर एम्फां रज़्जा मनिबे ओनी साथे ठोक्कन भुए। तेने रहबामा सा इ शिकायत किया कि सुलैमाने तेनोंञ मस्ह खरी कम किवाओरा थिया होरेक मस्ह कर लेओरा थिया। तेने रहबामर शबस करि बोलिया कि तेनोंञ थोड़ा कम करवाओ।
पर रहबामे तेनोर बेकूफी सा जुवाब दिता, “तुसे बोलनूं कि मेरा बा सुलैमाने तुसोंञ खरी कम किवाया। पर हऊं तुसोंञ तेसींञ भि मस्स खरी कम करवऊं, होरेक हऊं तुसोर तेसिंञ भि जादा बर्दो देऊं।”
ज़ेखेंई मऊंवी तेसर एरा बोलिब शुंईंया त तेनो बिच़ंञ केतिबा ज़ेईं तेसी विरोधन लड़ाई किया। दश गोत्रे तेसर छोड़ि बिदा; तेस सा हेबे सिर्फ दुईये ज़ाति छुटे। इने दुई ज़ाति एम्फ्योर यहूदा कि राज्य बोलिया।
बाकि दश गोत्रे यरोबाम नाऊंआंकि एक मुषुल्डेर एम्फां रज़्जा बणंई बिदा। इनो ज़ाति मऊं उत्तर-पूर्वी लाके ठारि थिये। तेने एम्फ्योर इस्त्राएला राज्य बोलिया।
पर यरोबामे परमेश्वरा विरोधन लड़ाई किया होरेक मऊंओंञ पाप किवाया। तेनी अपें मऊंओं द्वारे अराधना करिबे ओनि दुई दुई मूर्तिओर बणांया। हेबे तेने यहूदा कि राज्यन यरुशलेमन परमेश्वरा कि मंदरा तेसी अराधना करिबे ओनि न गे।
यहूदा ओ इस्त्राएला कि राज्य बइरी बणिं गे होरेक खास एम्फ्यों बिच़ा द्रड़ुईब ठारुए।
इस्त्राएला कि खर्का राज्यन, बदे रज़्जे मदम थिये। इनो बिच़ंञ कई रज़्जा तेनो ठारि रज़्जा बणिंबे हीट थेण्णें तेने होरेक इस्त्राएलिओ द्वारा मारि बिदोरे थिये।
इस्राएल राज्य कि बदे रज़्जे होरेक मस्ह मऊंईं मूर्तिओ कि अराधना किया। ज़ेखेईं तेने एरा किया, च़े तेने खास झ़केंवीं ज़लऊं सा ढेश किये होरक इटि च़ेक कि केई फेरा मूर्तिओ अगरीं मठेओर बलि भि किया।
यहूदा राज्य कि रज्ज़ा, दाऊदा कि वंशज थिये। इनो रज़्जेओ बिच़ंञ केतेक्बा ज़ेंञ रूठ मऊं थिये ज़ेने न्याया अनुसार राज किया होरेक परमेश्वरा अराधना किया। पर यहूदा कि मस्ह ज़ेंञ रज़्जे मदम थिये। तेने मदम तरीके सा राज किया, होरेक मूर्तिओ कि अराधना किया। इटि च़ेक कि इनो बिच़ंञ मिन रज़्जे हफ्सी कि देउओ अगरीं एम्फें मठेओर बलि करि बिदा। यहूदा कि मस्ह मऊंवी भि परमेश्वरा विरोधन लड़ाई किया होरेक बिक्रे देउओ कि अराधना किया।
1 राजा पाठ 1-6; 11-12 च़ेक एक बाइबला कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।