4. अब्रामा सा परमेश्वरा वाचा
डढ़ा केतेबा बरिओ पिच़ंञ, दुनियेन केतेक्बा मऊं बेशने थिये, होरेक तेने फिरि परमेश्वरा-ओ एम्फ्यो बिरोधन पाप किया। किसबोलि तेने एक्के भाषा बोलने थिये, तेरे तेने बदे ज़ेञं ठोक्कन भुए होरेक संसारन भरूई गईबे आदेशा बजाये एक नगर बणांया।
तेने डरोआं मोड़ेओरे थिये, होरेक तेनोर केरा घाटे ज़िन्दगी ज़ीब लोई इस बारेन परमेश्वरा भाषे करिबा न चाहनेति। इटि च़ेक कि तेने एक एरा घाटे मीनार बणईंबा शुरू किया ज़े स्वर्गा च़ेक अपरल। परमेश्वरे कईया कि अगर एने बदे ज़ेंञ ठोक्कन भुई मदम-मदम करला बेशले, त केतेबा पाप-आ कमों करि बटेले।
तेरे परमेश्वरे तेनो भाषेर केतेबा भाषेओ सा लेख्फी करि बिदा होरेक तेनो मऊंओर पूरा संसारन अपरई बिदा। ज़ेस नगरिर तेने बणंईब च़ुख्फी कियाति से बाबेल गणुआं, ज़ेसी मतलब भो “गड़बड़ी”।
केतिबा शऊ बरिऊ पिच़ंञ, परमेश्वरे अब्राम नाऊं-आ कि एक मऊं सा गप्पा किया। परमेश्वरे तेसर बोलिया, “तेपें देश ओ नातियोर छोड़ि कर तेस देशारि उठि ग ज़े देश हऊं तूर हेरालू। हऊं तूर आशीष देऊं होरेक तूञं एक मोड़ा जाति बणऊं। हऊं तेरा नाऊं मोड़ा करू। ज़े तूर आशीष देल हऊं तेसर आशीष देऊं, होरक ज़े तूर श्राप देल तेसर हऊं श्राप देऊं। तेरा कारणें दुनिये बदे कुल आशीष लेई बटेले।”
च़े अब्रामे परमेश्वरा गप्पा मनिया। तेनी अपें बदे परगरोर जायदाद-ओ अपीं घर्न सारैर लेई तेस देशारि कनानारि उठि गिया ज़े परमेश्वरे तेसर हेरालोरा थिया।
ज़ेखैईं अब्राम कनान अपरिया त परमेश्वरे तेसर बोलिया, “तेपां च़ोउरो फेरे हेर। हऊं तूर इ बदे देश देऊं होरेक तेरा वंश हमेशा कि ओनि इस पुटि अधिकार थेले।” च़े अब्राम तेस देशा बसि गिया।
मलिकिसिदक नाऊंआं कि एक मुषुड्ला थिया ज़े बदेओंञ महान परमेश्वरा कि यहूदी पुजारी थिया। एक झा ज़ेखेए अब्राम लड़ाई करि अइना थिया त से-ओ अब्राम हतुए। मलिकिसिदके अब्रामर आशीष दी बोलिया, “बदेओंञ महान परमेश्वर ज़े सर्गो दुनिये कि मालिक भो से तूर आशीष देल।” च़े अब्राम-ए लड़ाईन डक्शी किउरे चीजो कि दसवांश मलिकिसिदकर दिता।
केत्तिया वर्ष भुई गिया, पर एबेईं च़ेक अब्राम-ओ सारैंञ कोई मठे नोथे। परमेश्वरे अब्रामा सा गप्पा किया होरेक फिरी वाईदा किया कि तेसर एक कोआ ज़मल ज़ेरा सर्गा तारे असुन तेरी तेसी मस्स बंशजो भोले। अब्रामे परमेश्वरा कि वाईदे पुटि विश्वास किया। परमेश्वरे घोषणा किया कि अब्राम एक धर्मी मऊं थिया किसबोलि तेनी परमेश्वराकि वाईदे पुटि विश्वास कियाति।
च़े परमेश्वरे अब्रामर एक वाचा किया। आमतौरंञ, एक वाचा दुई झुंडा बिच़ा एम्फ्यो ओनि कमोर करिबे ओनि समझौता भुईबा। परमेश्वरे अब्रामा सा से वाईदा तेखेईं कियाति ज़ेखेए अब्राम सर्सुत निन्दरा थिया, पर से तेखेंई भि परमेश्वरर शुंईं बटना थिया। परमेश्वरे बोलिया, “हऊं तेरी घर्न सारैंञ तेरा ओनि कोए आशीष देऊं। हऊं तेरे वंशोर इ कनान देश देनूं।” पर अयता च़ेक अब्रामा कि कोई कोआ नोथा।
उत्पत्ति पाठ 11-15 च़ेक एक बाइबला कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।