45. स्तिफनुस ओ फिलिप्पुस
मुहंड्क्वां मसीही परधानों बिच़न स्तिफिनुस नाउवां एक मुशुल्ला थिया। बदे मऊं तेसी आदर करनेति। पवित्र आत्मे तेस मस्स तागतोर बुद्धि दितोरा थिया। स्तिफिनुसे केतेक्बा चमत्कारो कमो किएति। ज़ेखैंईं तेनी यीशु पुटि भरोसा करिवे बारेन तेनोर शिक्षा दिता त मस्स ज़ेंञ मऊंएं तेस पुटि विश्वास किया।
एक झा, स्तिफिनुस यीशु बारेन शिक्षा देनाति, होरेक मिन ज़ेञ एरे यहूदी आयेन ज़ेने यीशु पुटि विश्वास न कियाति होरक तेस्सा बहस करिबा शुरु करि बिदा। तेने मस्स रोशूई गे, तेरे तेने धार्मिक परधानों कच़ा गे होरक तेसी बारेन हफ्सी लाई। तेने लाई, “असे स्तिफनुसर मूसाओ परमेश्वरा बारेन मदम गप्पे बोलिब शुंया!” तेरे धार्मिक परधाने स्तिफिनुसर प्रई बिदा होरक तेस मोड़े-पुजारिओ यहूदियो की अईक परधानों सामटे लेई आये। होरेक बी हफ्साटू ग्वाह आये होरक तेने स्तिफनुसा बारेन हफ्सी बोलिया।
मोड़े यहूदी पुजारी स्तिफनुसर पुछ़िया, “खि इने मऊं तू बारेन छ़ेछ़ैंईं बोलनेना?” स्तिफनुसे मोड़े यहूदी पुजारीर जुवाब दीबोनी मस्स गप्पेओर बोलिबा च़ुक्फि करि बिदा। तेने लाई अब्राहमा धियाड़ेञदी यीशु धियाड़े च़ेक परमेश्वरे इस्राएला मऊंओओनी मस्ते अनोखे कमो किउरे असुन। पर मऊंवे हमेशा परमेश्वराकी भाषे न कियाति। स्तिफनुसे लाई, “तुप्सीं परमेश्वरा खिलाफन ज़िद्दीओ खूनखराब करनेठो भोऊ। तुप्सें हमेशा पवित्र आत्मेर न धिजिआ, ज़ेरा कि हईपे पूरशोईए हमेशा पवित्र आत्मेर न धिजियाति होरक हमेशा तेसी परमेश्वरा तरफे बोलनेओर मारि बिदाति। पर ज़े तेने कियाति तेसी मुकाबले तुसे होरेक बी मदम किउरा असे! तुप्सें मसीहर मारी बिदा!”
ज़ेखैईं तेने धार्मिक परधाने इ शुंया, त तेने एतेक रोशूई गे कि तेने एम्फा कनोर बंद करि बिदा होरक उथा शा खनि हउशुए। तेने स्तिफनुसर ध्रीकर नगरिंञ भईंरो लेई गे होरक तेसर मारि बिज़िबेओनी तेसर रुणें बवाया।
ज़ेखैंईं स्तिफनुस मरनाति, से हउशुआ, “हे यीशु, मेरे आत्मेर अपना!” च़ से अपें ज़ानुओ बले अई फिरी ज़ोरे बोलिब ठारुआ, “हे प्रभु, इ पाप तेनो पुटि म लवाओ।” च़ा से मरि गिया।
तेस दिया, यरुशलेमन बेश्ने तेने मस्स ज़े मऊंए यीशु की च़ेल्लेओर सतईबा च़ुख्फि करि बिदा, तेरे विश्वासी मऊं होरक ठारीआरी नशि गे। पर इसी बावजूद बी, ज़ेस लाके बी तेने गे तेने यीशु बारेन प्रचार किया।
फिलिप्पुस नाउवां यीशु कि एक विश्वासी थिया। ज़ेरा कि होरेक मस्सज़ेञ विश्वासिये कियाति से बी यरुशलेमञ नशी गिया। से सामरिया की देशन उठि गिया। तेटि तेनी मऊंओर यीशु बारेन प्रचार किया। मस्स ज़ेञ मऊंए यीशु पुटि विश्वास किया होरक मुक्ति हतेरिया। एक झा, फिलिप्पुसा कच़ा परमेश्वरा तरफे एक स्वर्गदूत आया होरक तेस्सा बणां गईबोनी, होरक एक बता पुटि हड़ीबोनी लाई। फिलिप्पुस तेटि उठि गिया। ज़ेखैंईं से तेस्सा बता पुटि हण्नाति, त तेनी एक मऊंर अपें रथन गईब कया। इ मऊं कूश देशा की एक मोड़ा अधिकारी थिया। पवित्र आत्मे फिलिप्पुसा सा लाई कि गईकर तेस मऊं की साथे-साथे हण।
तेरे फिलिप्पुस रथा कच़ा गिया। तेनी शुंया कि से कूशी परमेश्वरा वचनर पढ़नाति। ज़े यशायाह परमेश्वरा तरफे बोलने लिखोरा थिया से तेस पढ़नाति। से पढ़नाति, “तेने तेसर मारिबे तियार पेरुठो लेई गे, होरक ज़ेरा एक छ़ेड्ल्लू शान्त भोना, तेनी एक शब्द बी न लाई। तेने तेस सा रुठ व्यवहार च़ेक न किया होरक आदर बी न किया। तेने तेसीकि जाह्न लेई बिदा।”
फिलिप्पुसे तेस कूशीर पुछ़िया, “ज़े तु पढ़ला असे खि तु तेसर शुंञमि बी करना-आ?” तेनी कूशी जुवाब दिता, “न। ज़ेखैंईं च़ेक कऊंआ मूर इ शुंञमि करई न दे, तेखैईं च़ेक हऊं इ शुंञमि करि नोटु। शबस करि मूं कच़ा अई बेश। यशायाह इ अपां पाठि लिखनाति या केसोआ होरकिउ पाठि?”
फिलिप्पुस रथा पुटि चढ़िकर बेशि गिया। च़े तेनी कूशी मऊंवे से बताया ज़े यशायाहे यीशु बारेन लिखोरा थिया। फिलिप्पुसे परमेश्वरा वचना बारेन होरेक बी मस्स चर्चा किया। एरा करि, तेनी तेस मऊंर यीशु बारेन रुठ खबर शुणांया।
फिलिप्पुसो से कूशी हणला पाईं कच़ा आये। तेनी कूशी बोलिया, “हेर! इटि पाईं असे!” खि हऊं बपतिस्मा लेई बटुआ?” च़े तेनी रथ च़लानेर रथ चपि करिबोनी बोलिया।
च़े तेने पाईंन उठि गे, फिलिप्पुसे तेस कूशिर बपतिस्मा दिता। ज़ेरी तेने पाईंञ भइलिर निथे, तेरी पवित्रात्मा अचानके फिलिप्पुसर उछ़ूई अयक ठारिआर लेई गिया। तेटि फिलिप्पुसे मऊंओर यीशु बारेन बतईबा जारि थैया।
तेनी कूशी अपें घरेआरी गईबा जारी थैया। से तुठोरा थिया कि से हेबे यीशुर ज़ाण्णाति।
प्रेरितो की कम 6:8-8:5; 8:26-40 च़ेक एक बाइबला कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।