6. परमेश्वर इसहाकाओनि इन्‍तज़ाम करना असे

ज़ेखेए अब्राहम ऐस्‍सी बूउई गिउरा थिया च़ा तेसी कोआ, इसहाक, छ़ोकरा भूई गिउरा थिया। तेरे अब्राहम अपें एक परगरर अपें कोए इसहाका ओनि तेस देशंञ एक घर्न अणिबोनी बिदा ज़ेटी तेसी नाति बेशने थिये।

ज़ेटी अब्राहमा नाति बेशने थिये तेस देशा गईबेर एक मस्‍स लमे सफरा पिचंञ परमेश्‍वरे तेस परगरा कि रिबकेसा गप्‍पा किवाया । से अब्राहमा भाई की पोत्री थी।

रिबका अपें टबरर छोड़िकर तेस परगरा सा घरेआर पलाटुई गईबेओनि ईछ़ि गेयी। ज़ेरीई तेने घरे अपरे इसहाके तेस्‍सा ब्‍याह करि बिदा।

केतोक्‍बा धियाड़े पिचंञ, अब्राहम मरि गिया। च़ा परमेश्‍वरे अब्राहमा कोआ इसहाकर, अब्राहमा सा किउरा वाचे बजे आशीष दिता। तेस वाचेंञ परमेश्‍वरा एक वायदा थिया कि अब्राहमा गणिब मेत्‍तेंईंठो औलादो भोले। पर इसहाका घर्न रिबके मठे नूए।

इसहाके रिबके ओनि प्रार्थना किया, होरेक परमेश्‍वरे तेसर जोंडु बई भूईबेर आशीष दिता। ज़ेस मुके तेने बई रिबके पेटंञए थिये तेने एन्‍फेओ बीच़ा द्रड़ुईब ठारुए, तेरे ज़े भि भूईब लगोरा थिया रिबके से परमेश्‍वरर शप्‍पी करि बिदा।

परमेश्‍वरे रिबकेर बोलिया, “तु दूई कोओर जालि। तेनो औलादोंञ दूई बिक्रे-बिक्रे ज़ाति बणेंले। तेने एन्‍फेयो बिच़ा द्रड़ेओले। पर ज़ेठे कोएंञ ज़मना ज़ातिर केंठे कोएंञ अईने ज़ाति की भाषे करिब पड़ल।”

ज़ेखेंए रिबके कि बई ज़मे, त ज़ेठा कोआ रक्‍था-ओ शिकाला थिया, होरेक तेने तेसी नाऊं एसाव थैया। तेखेंए मठा कोआ एसावा थुरिर प्रई ज़मिया, होरेक तेने तेसी नाऊं याकूब थैया।