۴۴- پطرس ؤ يوحنا ايتأ گدايأ شفا ديهيد
ايتأ رۊز پطرس ؤ يوحنا پرستشگاه طرف شؤنديبيد. دروازه ورجأ، ايتأ چولاق مرداکأ بيده ئيد کي گدایی کودی.
پطرس هۊ چولاق^مردأکأ فندرست ؤ بۊگوفت: «من هيچ پولي نأرم کي ترأ فأدم. اما اؤنچي دأرمأ ،ترأ فأدم. عیسایه^مسیح ،نام مرأ ويريز ؤ راه بۊشۊ! »
خۊداؤند فوري هۊ مردأکأ شفا بدأ ؤ اۊن شروع بۊکۊد راه شؤن ؤ اؤشان دور خوشحالی کودی ؤ خۊدایأ شوکرگزاري کودی.مردۊمي کي پرستشگاه حياط ايسأبيد، قاق بوبوستید.
خیلی آدمأن جمعأ بۊستيد ؤ هۊ مردأکأ کي شفا بيأفته بۊيأ بيدينيد. پطرس هۊ جماعتأ بۊگوفت: «چره جه هأ مردأک شفا يأفتن انقدر قاق نیبید. امأن خۊدمان دينداري یا قدرت مرأ اونأ شفا ندائيم. بلکی عيسی قدرت ؤ ايماني کي عيسی عطا بۊکۊده بۊاۊنأ شفا بدأ،چونکی امان اون باور و ایمان داریم. »
«شۊمان کسائي ايسيد کي رومي^فرماندارأ بخأستيد عيسايأ بۊکۊشه. شۊمان اونی کی همکس زنده کودی بۊکۊشتيد، اما خۊدا اۊنأ جا موردیان زندأ کۊد .گرچی شۊمان نأنستيد چي کوداندرید،خۊدا جه شيمي کار استفاده بۊکۊد کی کیتاب مقدس پيشگۊئيأ عملي بۊکۊنه کي بۊگفته بۊ مسيح وأسي عذاب بکشه ؤ بيميره. پس هسأ تۊبه بۊکۊنيد ؤ خۊدا ور وأگرديد کی شيمي گؤناه پاکأ به. »
وختی پرستشگاه پیلتران پطرس ؤ يوحنا گب بشتاوسیدی خشمگينأ بۊستيد. بزین اؤشأنأ بيگيفتيد ؤ زندان تأودأئيد. اما خيلي جه أۊشأن کي پطرس پيغامأ بيشنأوسته بيد، ايمان بأورديد ؤ ايمانداران تعداد ۵۰۰۰ نفر فأرسه.
رۊز بعد ،يهۊد^سران ،پطرس ؤ يوحنايأ پيله کاهن ؤ أني همکاران ويرجأ بأورديد. اؤشأن پطرس ؤ يۊحنايأ وأوۊرسه ئيد: « چي قدرتي مرأ چولاق مردأکأ شفا بدأئيد؟»
پطرس جواب بدأ: « هأ مرد عيسا^مسيح قدرت مرأ شفا بيأفت ؤ شيمي جؤلؤ ايسأ. شۊما عيسايأ بصليب فأکشید، اما خۊدا اؤنأ دوواره زندأ کۊد! شۊمان اؤنأ قوبیل نۊکۊديد ،اما راه ديگه ئي رستگار بؤستن ره وجود نأره، بغیرز عيسی قدرت! »
پیله رهبران مذهبی جا نترسی پطرس و یوحنا مات ؤ مبهؤت بمأنستيد، چون دئيد کي اؤشأن افراد بيسواد ؤ معمولي ايسيد. بزين بخاطر أورديد کي هأ مردأکأن عيسی مرأ بيد. بزین اوشأن بگفتید: «اگر دواره در مورد عیسی مردوم رع گب بزین بدجوری شمره زنیم .»بعد أنکي پطرس ؤ يوحنايأ بترسانید،آزادأ کۊديد.
کتاب اعمال رسولان فصل ۳ و فصل ۴ آیه ۲۲
رایگان برای استفاده، اقتباس و اشتراکگذاری تحت مجوز باز (CC BY-SA 4.0).