۴۷- پولس ؤ سيلاس شهر فيليپي دۊرۊن
سولس وختي کي سرتاسر روم امپراتوري دۊرۊن مؤسافرت کۊدي، تصميم بيگيفت کي جه خۊ رومي نام کي پولس بؤ، استفاده بۊکۊنه. ايتأ رۊز ،پولس ؤ أني رفیق سيلاس فأرسئید شهر فيليپي کی خۊشأ خبرأ درواره عيسايأ اؤيأ مردۊمانأ اعلان بوکونید. اؤشأن ايتأ جيگا رۊخان کنار بيرون شهر بۊشۊئيد. ؤ اؤيأ مردۊم دؤعا ؤ نيايش ره جمعأ بؤستيد. اؤيأ ايتأ زناي ليديه نام مرأ آشنا بۊبۊست کي تاجر بو. اؤن خۊدايأ دوست دأشتي ؤ پرستئي.
خۊدا ليديه قوت فاده کی عيسی ایمان باوره. پولس و سیلاس اؤن ؤ أني خانواده تعميد بدایید. بزين اؤن، پولس ؤ سيلاسأ دعوت بۊکۊد کی أوني خانه بئسيد واؤشانم هۊ خانواده ويرجأ بئسأئيد.
پولس ؤ سيلاس ویشتر جای کی یهودیان دؤعاکودید ،مردم دیدن شوید. هر رۊز کي اؤيأ شۊئيد کنيزي کي روح ناپاکأ اسير بۊ اؤشأن دۊنبال سر راه دکفتي، ؤ روح پليد کمک مرأ، آينده يأ مردۊم ره پيشگۊئي کۊدي ؤ هتو مثلِ ايتأ غيبگۊ، سود کلاني خۊ اربابأن نصيب کۊدي.
هۊ کنيز^ وختي کي اؤشان راه دکفتيد، صداي بولند مرأ گفتي: « هأ آقايان خۊداي متعال خدمتگزاريدي. ؤ بأمۊئيد کی راه نجاتأ شۊمارأ نيشان بديد! » اؤن خيلي رۊزأن هأ کارأ بۊکۊد تا أنکي پولس صبر بسر بأمۊ.
عاقبت ايتأ رۊز وختي کي کنیزایجگر زئي ،پولس اؤنی ور وأگردست ؤ روح ناپاکي اؤنی دروون نهأ بؤ بۊگفت: «بنام عيسی جه هأ دختر بيرون بيأ. » هۊ وقت ناپاک^روح جه اؤن بيرون بأمو.
وختي کنيز اربابأن بيئيد چي اتفاقي دکفته ،خيلي عصباني بۊبۊستيد. چون بفهمستيد کي بدون هۊ ديو،کنيز دٔ نتأنستي مردۊم آينده يأ پيشگۊئي بۊکۊنه ؤ أون هتو بۊ کي مردۊم هۊ دخترکه^ اربابانأ پول فاندأئيد کي اؤشانأ بگه اؤشان ره چي اتفاق دکفه .
هن وأسي هۊ کنيز اربابأن، پولس ؤ سيلاسأ موقامات رومي ويرجأ ببرديد. ؤ اؤشأن أشانأ چوب بزئيد ؤ زندان تاودأئيد.
اؤشأن پولس ؤ سيلاسأ جای جا زندان کی، ویشترین نگهبان داشتی تاودأئيد .ؤ أشان لنگأنأ پیله کونده داره دوستيد. با احال اؤشأن نيمه هاي شب، سرودهائي در ستايش ؤ خۊدا پرستش خؤانديد.
ايدفأ، زمين دلرز شديدي رخ بدأ! ؤ زندان تۊمام درأن وازأ بۊست ؤ زنجيرأن تومأم زندايانيأن دس ؤ لنگ جا فووست.
بزین زندانبان ويريشت ؤ وختي بيده کي زندان درأن وازأ بؤسته .هراسانأ بۊست. اؤن فکر بۊکۊد کي تۊمام زندانيأن بوگروختیدأ، بزین تصميم بيگيفت خۊرأ بوکوشه. اؤن دأنستي کي اگه زندانيأن فرار بۊکۊنيدأ موقامات رومي اؤنأ کۊشيدي. اما پولس اؤنأ بيده ؤ ایجگره بزئه : «ترأ صدمه نزن! أمئن همه هأيأ ايسائيم. »
زندانبان ترس ؤ لرز مرأ پولس ؤ سيلاس ويرجأ بأمو ؤ واوۊرسه : «چي بۊکۊنم کی نیجات بيأفم؟. » پولس جواب بدأ : « عيسایه خۊداؤندأ ،ايمان بأور. بزین تو ؤ تي خانواده نیجات يأفيد. »بزين زندانبان ،پولس ؤ سيلاسأ خؤ خانه ببرد ؤ أشأن زخمانأ بۊشست. پولس عيسیخۊش خبرأ همه اوشأنی کي خانه دۊرۊن ايسأبيد، مۊعظه بۊکۊد.
هۊ زندانبان ؤ تۊمام أني اعضاي خانواده عيسایأ ايمان بأورديد ؤپولس و سیلاس اوشان تعميد بدایید. بزين زندانبان پولس ؤ سيلاسأ غذا بدأ ؤ اؤشأن ايجائي جشن بيگيفتيد.
بعده ایروز ،شهر رهبرأ پولس ؤ سيلاسأ جه زندان آزادأ کۊديد ؤ اؤشأن جأ بخأستيد کی شهرأفپیلپی ترکأ کؤنيد، پولس ؤ سيلاس بوشوید ليديه ؤ چندتأ جه خؤشأن رفقیأنِ ویرجأ بزين شهرأ ترکأ کۊديد. خوش خبرأ درواره عيسی هتو گسترش بيأفت ؤ کليسا رشد بۊکۊد.
پولس ؤ ديگه مسيحي رهبرأن شهران زيادي سفر بۊکۊديد. ؤ تعليم ؤ مۊعظه درواره عيسی خۊش خبرأ بدائیدی. اؤشأن هتو کاغذأن زيادي بينويشتيد کی ايماندارانأ کليسايأن دۊرۊن تعليم بديد ؤ تشويق بۊکۊنيد. بعضی جه هأ نامه يأن کیتاب موقدس بۊبۊست.
کتاب اعمال رسولان فصل ۱۶ آیه های ۱۱ تا ۴۰
رایگان برای استفاده، اقتباس و اشتراکگذاری تحت مجوز باز (CC BY-SA 4.0).