۵۰- عيسا وأگرده

نزدیک ۲۰۰۰ سال ايسه کي آدمان ويشتر، ؤ ويشتري مسيح^عيسا^انجيل^خوش^خبرأ ايشتأويد. ؤ کليسا رشد کودأن دره. عيسی بۊگوفت کي آخر زمان وأگرده. اگه چي عيسیهنو نأمؤ، اما خؤ وعده یأ وفا کؤنه.

خۊدا أمي جأ خأيه کي مسيح وأگردستن رافا بئیسیم، هوجور زندگي بۊکۊنيم کي موقدس بيبيم ؤ اؤنأ احترأم بۊکۊنيم. اؤن هتو أمي جأ خأيه کي درواره اؤن^پادشاهي ديگران مرأ گب بزنیم. وقتي کي مسيح زمين سر ايسأ بؤ ،هأتۊ بفرماست: «آخر سر وقتي خۊدا ملکوت خوش^خبر، مي شاگردأن جأ دۊنيا گوش فأرسه. ده آخرسر فأرسه. »

قومأن زيادي أيسيد کي هنو درواره عيسی هيچي نيشنأوستيد. قبل أنکي مسيح آسمان جور بشه، اؤن مسيحيانأ بۊگوفت کي انجيل^خوش^خبرا اوشأنی کي اؤنأ نيشنأوستيديأ اعلان بۊکۊنيد. عيسی بفرماست: «بيشيد ؤ همه ملتأنأ مي شاگرد بوکونید،چون قلبهای زیادی مزرعه يانا منستان درو رٔ حاضرأ کۊنيد.

عيسی أنم بۊگوفت کي: « خادم جه خو آقا بوجورتر نیه. دروست هؤتۊ کي هأ دۊنيا اربأبأن مي جأ نفرت دأشتيد ،شمره مي وأسي عذاب دیئیدی ؤ کؤشيدي هأ دۊنيا دۊرۊن عذاب کشيد، اما شمی دیل قوی ببه ؛ چونکی من، شيطانأ کي هأ دۊنيا حاکم ايسه شکست بدأم. اگر تا آخر سر مرأ وفادار بئسيد، بزين خۊدا شؤمارأ نیجات دئهه!»

عيسی خۊ شاگردان ره ايتأ نقل بوگوفته ،کی اؤشانأ واشکاوانه کی آخر دونيا چي مردۊم سر أيه.اؤن بفرماست: «ايتأ مردأي خؤ مزرعه دۊرۊن خرم بذر کأشتي. وختي کي بخؤفته بؤ، اؤني دوشمن بأمۊ لا به لاي گندم بذر، هرز^علف^تخمأ بکاشت ؤ بؤشۊ.

وختي کي بذرأن زپه بزئيد، کارگران خؤشأن ارباب جأ وأوۊرسه ئيد: «آقا، شؤمأن خرم بذر زمين دۊرۊن بکأشتيد! چره هرز علف اشأن ميأن بۊجۊر بأمو؟» اومردای جواب بدأ: « هاکار فقط می دوشمند کاره کی تنه اشان بکار.ایتا می دوشمنان ها کارا بوکوده.»

کارگران خؤشأن اربابأ جواب بدأئید: «علفانأ بيچينيم؟»ارباب جواب بدأ: «نه.اگه هأ کارأ بۊکۊنيد، بعضي جه گندۊمأن اؤشأنأ مرأ بيرون فأکشيد. کی واسی تا درو موقع دس بدأريد ؤ بزين علفأنأ جمعأ کؤنيد ؤ بۊسجأنيد، اما گندمأنأ مي انبار میأن بأوريد. »

شاگردان هأ نقلأ متوجأ نۊبۊستيد ؤ جأ مسيح بخأستيد کی هأ نقلأ أشان ره واشکأفأنه. عيسی بۊگوفت: «هو مردي کي خرم بذر بکأشت، مسيح ايسه. زمين هأ دۊنيايه و خرم بذر خۊدا پادشاهي زأکأنيد. »

هرز^علف اوشأنی ايسيد کي به شیطان تعلق دأريد.،یعنی اوشریر ایسه. کسي کي هرز^علفانأ بکاشت ابليس ايسه. درو^فصل، آخر زمانأن ايسه، ؤ فریشته يأن اوشأنی ايسيد کی درو کونیدی.

آخرأن دۊنيا، فریشته يأن آدمأنی ایسیدی کی ابليس شينیدی، جه تۊمام دؤنيا جمعأ کۊنيد ؤدریاچه آتش میأن تأوديد. جائي کي اؤشان وحشتناک^عذاب مرأ گريه کؤنيد ؤ گاز ايژگره کۊنيد. بزين عادلأن ؤ پارسايأن خۊرشيد منستأن خؤشأن پئر پادشاهي ميان، خۊدا درخشيدي.

عيسی هتو بۊگوفت کي جه قبل انکی دۊنيا تۊمامأ ببه اَ زمين سر وأگرده. اؤن وأگرده ؤ هؤتو کي زمينأ ترکأ کۊد، مثلِ ايتأ فيزيکي جأنأ داره ؤ آسمان ابرأن سر اَیه. وختي کي عيسی وأگرده، مسيحياني کي بمرديدي ،ويريزيد ؤ اؤني مرأ آسمان دۊرۊن مولاقات کۊنيد.

بزين مسيحياني کي هوي زنده ئيد ،آسمان جور شیدی ؤ الباقي مسيحيان ايضافأ بيد کي مؤرده يأن جه ويريشتيد. همه اؤشأن عيسی مرأ اؤيأ ايسيد. بزین عيسی تا ابد خۊ قۊم مرأ صلح ؤ اتحاد مرأ زندگي کۊنه.

عيسی وعده بدأ کي هرکی اؤنأ ايمان دأره، ايتأ تاج فأده. اؤشأن خۊدا مرأ تا ابد صلح کامل دۊرۊن زندگي ؤ حکۊمت کۊنيد.

ولی خۊدا اوشأنی کي عيسایأ ايمان نأورديدی ،داوري کۊنه. اؤن اؤشأنأ جهنم دروون تأوده.اویه جائي کي اؤشأن تا ابد غم ؤ اندوه ميان گريه کۊنيد ؤ گاز ايژگره کۊنيد. آتشي کي هرگز خامۊشأ نيبه اؤشأنأ سوجأنه ؤ کلمأن جه اؤشان خۊردن خسته نيبيد.

وقتي کي عيسی وأگرده، شيطان ؤ أني حکومتأ کاملا جه بین بوره. اؤن شيطانأ جهنم دروون تأوده جائي کي تا ابد سوزه، و همه تأن جه اوشانی کی بجایی انکی خودای ایطاعت بوکونید، اونأ پیروی کودید.

آدم ؤ حوا نافرماني وأسي ؤ انکی گۊناه یأ هأ دۊنيا میأن باوردید، خۊدا دۊنيايأ لعنت بۊکۊد ؤ تصميم بیگیفت کی اونأ نابودأ کونه. اما ايتأ رۊز خۊدا آسمان ؤ زمين تازه ئي چأکۊنه کي کامل خأيه بۊستن.

عيسی ؤ اۊني قۊم تازه زمين دۊرۊن زندگي کۊنيد، ؤ اؤن تا ابد هر چيزيأ کي وجود دأره سلطنت کۊنه. اۊن هر آرسوی پاکأ کۊنه ؤ دٔ جه مرگ ؤ غم ؤ گريه ؤ درد ؤ رنج خبري نخأيه بۊستن،دع هیکس ناخوشا نیبه و نمیره.وهیچ بدی اویه جا نهایه گیفتن و عيسا صلح ؤ پادشاهي مرأ پادشاهي کۊنه ؤ تا ابد خؤ قۊم مرأ ايسأ.