11. फसह
परमेश्वर नी मूसा एठा हारून के फिरौन गा मेरान इनी मंडी गा घल्जी कुल्केकिंज कि इस्राएली कुरकू के सेन डाए। दिकुनी डीचके चेतावनी जीके कि अगर दिकुके सेन डाए बाने टासो, मेटे परमेश्वर मिस्र गा कुरकू गा एठा जानवरकु गा सेबाई पेला कोणकु टेके गोच्कूवा। फिरौन नी इनी आजुम्टे भी परमेश्वर लिंजेन विश्वास दडा टे एठा दियागा बातो ममानातिंजटे बान मेंके।
परमेश्वर नी दिया लिंजेन विश्वास दडामिंकू जेका गाभी पेला कोणके बबाचातिंज गा घल्जी म्या उपाय गा सोए डाके। हर परिवार के म्या बिना दागो गा मेंडा कोंटे के साटे डीचके घोगेज होना डा।
परमेश्वर नी इस्राएली कुरकू टे डी मेंडा कोंटे गा पचना के साटे आपना उरा गा दरोजो लिंजेन येंडा गा घल्जी मंडीके। दिकुन दियागा जिलु के रोंरोंगो होना डा एठा डाबोलटे दिकुन अखमिरी सोकळा गा सेंग्गोन डीके सलाटे जोम होना डा। डीचनी डी आटा के जोम गा बादोन दिकुके टाऊलगी मिस्र के आरा घल्जी भी तैयार थंदळ गा घल्जी मंडीके।
जैसा दडा गा घल्जी परमेश्वर नी इस्राएली कुरकू के आदेश जीके डा दिकुनी डेगा रोंगो सेबाईका डाके। अदि राटोन गेन, परमेश्वर हर म्या पेला कोण के घोगेच लठ्ठाका मिस्र गा तालाबीचो टे ओले।
इस्राएली कुरकू गा हर म्या उरा गा दरोजो लिंजेन पचना येंडाके मेना डा, इनिघल्जी परमेश्वर नी डी उरानौर के आराके। डेगा ताला गा सेबाई कुरकू सजाका डा। दिकु मेंडा कोंटे गा पचना गा वाजाटे बचातिंजे डा।
मिस्रीकु नी परमेश्वर लिंजेन विश्वास बान दडुका डा एठा दियागा आदेशनौर के बान मनातिंजडुका डा। इनिघल्जी परमेश्वर नी दिकुगा उरानौर के बान आराडुका। परमेश्वर नी मिस्रीकु गा हर म्या पेला कोण के घोच्केकु।
जेल गा कैदीकु गा पेला कोणकु टे साटे, फिरौन गा पेला कोण टाएन, हर म्या पेला कोण पोट्टा गोएन मेना डाआपना गहरा खीजो गा वाजाटे मिस्र गा घोनेचका कुरकू जाम लाक्के डा एठा जाम लक्के डा।
डीका राटो, फिरौन नी मूसा एठा हारून के हकोलेकिंज एठा मंडीके, “इस्राएली कुरकू साटे तुरूटो का मिस्र टे ओटजू!” मिस्र गा कुरकू भी नी इस्राएली कुरकू टे तुरूटो ओटगा निवेदान डाके।
निर्गम अध्याय ११:-१२:३२ टे बाईबल गा कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।