12. निर्गमन

इस्राएली कुरकू मिस्र टे ओटजेडो भेबाव कुशो के डा। दिकु नका भाग्य बाऊ डा, एठा दिकु वायदा गा देशोन चेल्के डा! जो चोच्काभी इस्राएली कुरकू नी आसिवे, मिस्रीकु नी दिकुके डी सेबाईका जीके, येटे टाएन कि सोना एठा चांदी एठा अलग्गो कीमती चीजोनौर। दूसरा देशो गा अदा कुरकू नी परमेश्वर लिंजेन विश्वास डाके एठा जब इस्राएली कुरकू मिस्र टे ओटजे मेटे दिकु दिकुगा सेंग्गोन ओले।

दिन गा टेमोन बादळा गा म्या खाट खम्भा दियागा सम्मा-सम्मा ओले। एठा राटो गा टेमो इनी सिंगेल गा खम्भा आरोएन। परमेश्वर जो कि डी बादळा गा खम्भा गेन एठा सिंगेल गा खम्भा गेन डा, हमेशा दिकुगा सेंग्गोन डा एठा डीचनी सेंदरा टेमो दिकुगा अगुवाई डाके। दिकुके बस येटोका दडा होना डा कि दियागा टाऊटे सेंद्राए।

थोडा टेमो गा बादोन, फिरौन एठा दियागा कुरकू नी इकुगा मन के बदलाके। दिकु इस्राएली कुरकू के डाबोलटे इकुगा भाग्य आरू चाहता डा। इनिघल्जी दिकुनी इस्राएली कुरकू गा टाऊ आराडुका। इनीज परमेश्वर का डा डीचनी दिकुगा मननौर के बदलाके डा। डीचनी येनोगो इनिघल्जी डाके चोयाकी डीच चाहता डा। कि हर जेका इनी चिनाया कि फिरौन टे एठा मिस्रीकु गा सेबाई गोमेचकु टे डीच, यहोवा, येठाभी शक्तिशाली होय।

जब इस्राएली कुरकू नी मिस्र गा सेना के हेजे टे डोके मेटे दिकुन मालूमजे कि दिकु फिरौन गा सेना एठा राटा समुद्र गा तालान फासाएन। दिकु भेबाव हिघराएन एठा जाम लज्जे, “आलेनी मिस्र के चोया आराके? आले गुजू मिंकू होय!”

मूसा नी इस्राएली कुरकू टे मंडीके, “हिघरा बंदोए! परमेश्वर टाइंज आपेगा घल्जी लडाईवा एठा आपेके बचातिंजकोम्बा।” मेटे परमेश्वर नी मूसा टे मंडीके, “इनी कुरकू टे राटा समुद्र गा कोनेन सम्मान बळातिंजू गा घल्जी मंडीके।”

मेटे परमेश्वर नी डी बदळा गा खम्भा के साटे इस्राएली कुरकू एठा मिस्रीकु गा तालान डोके ताकि मिस्री कुरकू इस्राएली कुरकू के दोडो बाकी होना। कुरकू के दोडो बाकी होना।

परमेश्वर नी मूसा टे समुद्र लिंजेन हेजा टी बबाळातिंज गा घल्जी मंडीके। डाबोलटे परमेश्वर नी कोयो टे समुद्र गा डा के डाखुरी एठा जेवना कोनेनके, देटे कि समुद्र टे तालाटे म्या कोरा आरुके।

इस्राएली कुरकू इकुगा बारी भी कोनेन डा गा दिवाल गा सेंग्गोन लोखोळ ओटे लिंजेन समुद्र टे ओलेडो सम्मान ओले।

मेटे परमेश्वर नी डी कोरो टे बदळा के टूलजे ताकि मिस्री कुरकू इस्राएली कुरकू के बचातिंजटे सेने लठ्ठाका डोके। मिस्रीकु नी दिकुके उठा गा घल्जी दिकुगा पिछा दडा गा निर्णय सावे।

इनिघल्जी दिकुनी समुद्र गा माध्यम टे डी कोरान इस्राएली कुरकू गा पिछा डावे, पेनो परमेश्वर नी मिस्रीकु के घबरातिंज्केकु एठा दिकुगा रथ के आटकाके। दिकु चिल्लातिंजू लज्जे, “ सळुबे! इस्राएली कुरकू गा कोनेटे परमेश्वर लड़ाई लक्के होय!”

सेबाई इस्राएली कुरकू समुद्र गा दूसरा कोनेन आदिरजे। मेटे परमेश्वर नी मूसा टे मंडीके कि डीच डाबोलटे डा लिंजेन टी बळातिंजे। जब मूसा नी येनोगो डाके, मेटे डा मिस्री सेनाकु लिंजेन हेन एठा इकुगा कास हाल गेन डाएन। सेबाई मिस्री सेना नमोएन।

जब इस्राएली कुरकू नी डोके कि मिस्रीकु गोएन मेटे दिकुनी परमेश्वर लिंजेन विश्वास डाके। दिकुनी विश्वास डाके कि मूसा परमेश्वर गा कोनेटे मंडी मिठाच डा।

इस्राएली कुरकू इनिघल्जी भेबाव कुशोके डा चोयाकी परमेश्वर नी दिकुके घोगेज टे भाग्य आरुटे बचातिंज्केकु डा। नका दिकु परमेश्वर गा आराधना दडा एठा दियागा हुकूम गा पालन दडा गा घल्जी आझाद डा। इस्राएली कुरकू नी इकुगा आझादी गा तिवार ममानातिंज गा घल्जी एठा परमेश्वर गा बढाई दडा गा घल्जी चोटोका गणा के सिरिंज्के चोयाकी डीचनी दिकुके मिस्रीकु गा सेना टे बचातिंज्केकु डा।

परमेश्वर नी इस्राएली कुरकू के हर साल म्या तिवार ममानातिंज गा हुकूम जीके यादो जिऊ गा घल्जी कि टोनोगो परमेश्वर नी मिस्रीकु के हरातिंज्केकु एठा दिकुके भाग्य आरुटे आझादकेकु। इनी हगाम गा तिवार मेंबा डा। येनेन दिकुके येनेगा तिवार ममानातिंज गा घल्जी सजा मेंडा कोंटे के बलि दडा डा, डीके रिरीफिज डा, एठा डीके बिना खमीर मिनी सोकळा गा सेंग्गोन जोम डा।