13. इस्राएल गा सेंग्गोन परमेश्वर गा वादा
इस्राएली कुरकू के राटा समुद्र टे हुधेळेन साटे सेने गा बादोन, परमेश्वर दिकुके डोंगोर टे साटे सीनै मंडी मिनी टुक्की गा कोनेन साटे ओले। इनी डीका टुक्की डा देटेन मूसा नी जुलू मिनी झाळी के डोके डा। डी कुरकू नी डी टुक्की गा इटान इकुगा डेरा के येंडाके मेना।
परमेश्वर नी मूसा टे एठा इस्राएल गा सेबाई कुरकू टे मंडीके, “ आपेके हमेशा इंजा के ममानातिंज होना होय एठा जो वादा इंज आपेगा सेंग्गोन टोलेवा मेना डीके आरुका दोडो होना होय। अगर आपे येनोगो दडावा होय, मेटे आपे इंजा इनाम किमती धन, याजककु गा राज्य, एठा म्या पवित्र जाटो ठहरातिंजुवा।”
परमेश्वर द्वारा दिकुगा मेरान हेजे गा घल्जी कुरकू नी आफाई दिन टाएन इकुके का तैयारके। मेटे परमेश्वर सीनै टुक्की गा चुटी लिंजटे इटान आगुरुके। जब डीच मेटे भुक्म्पा डाएन, बिजलीनौर चमकातिंजे, धुंजा बिटजे, एठा पिंगीनौर गा जोरदार आवाज हेन। मेटे मूसा खुद मठान टुक्की लिंजेन पेळेन।
मेटे परमेश्वर नी कुरकू गा सेंग्गोन म्या वादा टोल्के। डीचनी मंडीके, “इंज आपेगा परमेश्वर, यहोवा मेना। इंज्का मेना डीचनी आपेके मिस्र गा गुलामी टे आराकेमी। तुनिका अलग्गो घोमेच गा आराधना बाकी दडा।”
मूर्तिनौर बाकी आरु एठा दिकुगा आराधना बाकी दडा, चोयाकी इंज, यहोवा, आपेगा म्याका परमेश्वर मेना। अलग्गो रिती टे इंजा जीमू गा उपयोग बाकी दडा।हफ्त गा दिन के पवित्र ममानातिंज गा घल्जी यादो डोकी। दूसरा शब्द गेन, तुरुई दिननौर गेन आपना सेबाई कामय डाए, याई दिन आपेगा घल्जी आराम्बो दडा एठा इंज्के यादो दडा गा दिन होय।”
“आपना आंटे एठा बाटे गा आदर डाए। घोगेच बाकी। चुरी बाकी दडा। आपना मेराकू गा जापाए, दियागा उरा, या दियागा तुनिकाभी चीजो के सा ससा गा इच्छा बाकी दडा।
मेटे परमेश्वर नी इनी गेल हुकूमनौर के घोटा गा बारी पाटीनौर लिंजेन ओल्टे मूसा के जीके। परमेश्वर नी पालन दडा गा घल्जी कुरकू के अलग्गो घोनेच का नियमनौर जीके। अगर दिकुनी इनी नियमनौर गा पालन डाके मेटे परमेश्वर नी डी कुरकू के आशीष जिऊ गा एठा दिकुगा सुरक्षा दडा गा वायदा डाके। पेनो डीचनी मंडीके कि अगर दिकुनी येनेगा पालन बान दडुका मेटे डीच दिकुके नंगा साब होळाकेकु।
परमेश्वर नी इस्राएली कुरकू टे म्या खाट डेरा आरुगा गा घल्जी भी मंडीके-मिलातिंजू मिनी डेरा। डीचनी दिकुके सही-सही घल्के कि इनी डेरा के टोनोगो आरू होना, एठा डेगा तालन तुनि चीजोनौर के दोडो होना होय। डीचनी दिकुके डी डेरा के बारी खुली गेन खाकाटींज गा घल्जी म्या खाट पर्द के आरुगा घल्जी मंडीके। परमेश्वर डी पर्द गा टाऊ मिनी खुली गेन हेजेवा देटेन थंदळवा देटेन परमेश्वर डा डी खुलीन सेने गा हुकूम बस महायाजक गेन डा।
डी कुरकू के डी मिलातिंजू मिनी डेरा गा सम्मान म्या वेदी के आरू होना। जेकाभी जो परमेश्वर गा नियम गा खिलाफ डाएवा डीच डी वेदी लिंजेन म्या जानवर के साटे हेजे। मेटे याजक डीचके बलि जेवा एठा वेदी लिंजेन परमेश्वर गा घल्जी बलि गा रुपो गेन जुलेवा। परमेश्वर नी मंडीके कि डी जानवर गा पचना डी कोरो गा पापोनौर के उगुरेवा। इनी रिती टे, नका परमेश्वर डी पापो के बान दोडो। डी कोरो परमेश्वर गा नजर गेन “चोखरा” ठहरातिंजुवा। परमेश्वर नी मूसा गा डाईटे हारून के एठा हारून गा पिढी के आपना याजक आरुगा घल्जी कलामकेनेच।
परमेश्वर नी डी कुरकू के जो नियम जीके डा दिकु डेगा पालन दडा गा घल्जी राजीके मेना। दिकु बस परमेश्वर गा कुरकू आरुगा घल्जी एठा बस दियागा आराधना दडा गा घल्जी राजीके मेना।
चोटोका दिननौर टाएन, मूसा सीनै टुक्की गा चुटी लिंजेन का थंदळके। डीच परमेश्वर टे बातो लक्के डा। पेनो कुरकू दिकुगा मेरान डाबोलटे हिरा गा राह दोडो लोकोम्जे। इनिघल्जी दिकु हारून गा मेरान सोना साटे हेन एठा देटे म्या मूर्ति आरुगा घल्जी मंडीके ताकि दिकु परमेश्वर गा बाजाए दियागा आराधना डाकि होना। इनी रिती टे, दिकुनी भयानक रुपो टे परमेश्वर गा खिलाफ बेन पापो डावे।
हारून नी गई गा कोंटे गा आकार गेन सोना गा म्या मूर्ति आरुके। डी कुरकू नी गा आराधना दडा सुरुके मेना एठा डीचके बलि पेळेचके! दिकुगा पापो गा वाजाटे परमेश्वर दिकुटे भेबाव खीजोके डा। डीच दिकुके नशो दडा चाहता डा। पेनो मूसा नी दिकुके बाकी घोगेच गा परमेश्वर टे अनुरोध डाके। परमेश्वर नी दियागा अनुरोध के आजुम्के एठा दिकुके बान नशोडुका।
आखरीन मूसा सीनै टुक्की टे इटान आगुरुके। डीच डी बारी घोटा गा पटीनौर के सावे मेना डा डे लिंजेन परमेश्वर नी गेल हुकूमनौर के ओल्के डा। डाबोलटे डीचनी डी मूर्ति के डोके। डीच ठायका खीजोएन मेना कि डीचनी डी पटीनौर के चुराके।
डाबोलटे मूसा नी डी मूर्ति के जाटीटे डेगा चुरा आरुके, एठा डी चुराके डा गेन बेल्लाटे डी कुरकू के डी डा आनुके। परमेश्वर नी डी कुरकू लिंजेन म्या सिनी कुल्के दिकु तालाटे घोनेच कुरकू गोएन।
जो पटीनौर के मूसा नी टुक्काके डा डेगा जगा सगा घल्जी मूसा नी डी गेल हुकूमनौर गा गोटा गा उनाई पटीनौर के आरुके। मेटे दिकु डाबोलटे टुक्की लिंजेन पेळेचके एठा प्रार्थना डाके कि परमेश्वर डी कुरकू के मापोकेकु। परमेश्वर नी मूसा गा आजुम्के एठा दिकुके मापोकेकु। उनाई पटीनौर लिंजेन गेल हुकूमनौर के साटे मूसा टुक्की टे इटान अगुरुके। मेटे परमेश्वर नी सीनै टुक्की टे साटे वायदा गा देशो टाएन इस्राएली कुरकू गा अगुवाई डाके
गमन अध्याय १९-३४ टे म्या बाईबल गा कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।