14. डोंगोंरेन भटकातिंजू

परमेश्वर नी इस्राएली कुरकू के डी नियमनौर के घागल स्याके डेगा दिकुके टोल्के मिनी दियागा वादा गा वाजाटे पालन दडा होना होय। डाबोलटे डीचनी सीनै टुक्की टे सम्मान दिकुगा अगुवाई डाके। डीच दिकुके वायदा गा देशो गेन सा चाहता डा। इनी देशो कनान भी मेंबा मेना डा। परमेश्वर बादळा गा खम्भा गेन दिकुगा सम्मा-सम्मा सेंदराके, एठा दिकु डेगा टाऊ-टाऊ ओले।

परमेश्वर नी अब्राहम, इसहाक एठा याकूब टे वादा डावे डा कि डी वादा डी देशो दिकुगा पिढी के जेवा पेनो इनी टेमो देटे जागान घोनेच्का जाटो थंदळके डा। दिकु कनानी कुरकू परमेश्वर गा अराधना बान दडा डा एठा दियागा हुकूमनौर के बान ममानातिंज डा। दिकु लबाळ घोमेच्कु गा अराधना दडा लक्कू डा एठा घोनेच्का बुरा कामय दडा डा।

परमेश्वर नी इस्राएली कुरकू टे मंडीके, “जब आपे डी वादा गा देशो गेन सेनेवा मेटे देटे गा सेबाई कनानीकु टे आरायु। दिकुगा सेंग्गोन बेल्लाऊ बाकी एठा दिकुटे ब्याह बाकी दडा। आपेके दिकुगा सेबाई मूर्तिनौर के पूरा खिजाटे नशो डाकी होना होय। अगर आपे इंजा हुकूम बान आजुम टासो, मेटे इंजा बाजाए दिकुगा घोमेच्कू गा अराधना डाए चालेवा।

जब इस्राएली कुरकू कनान गा धुर लिंजेन आदिरजे, मूसा नी इस्राएल गा हारेक कोणकु तालाटे म्या-म्याखोमटे बारह कोरोकुके कलाम्जेकु। डीचनी दिकुके ओलेडो डी देशो गा भेदो सा गा निर्देश डाके डोके कि डीच टोनोगो देशो होय। दिकुके डी कनानीकु गा भेदो भी सगा डा डोके कि दिकु ताखातदार डा या कमजोर डा।

डी बारह कोरोकु नी पूरा कनान टे डाऊ लठ्ठाका चालीसो दिन गा सेंदरा गा एठा डाबोलटे दिकु हिराके। दिकुनी कुरकू के घाल्के, “डी देशो घोनेच पीके होय एठा अनोजो घोनेच्का डाके होय!” पेनो गेल भेदीकु नी मंडीके, “दिकुगा पूरा पक्का होय एठा डी कुरकू लम्बा-चावळा होय! अगर आले दिकु लिंजेन हामला दडावा होय, मेटे पक्का रुपोटे दिकु आलेके हरातिंजकोम्बा एठा आलेके घोच्कोम्बा।”

तुरुटो का कालेब एठा यहोशू एठा अलग्गो बारी भेदियाकु मंडीके, “इनी सच्चो होय कि कनान गा कुरकू लम्बा एठा ताखातदार होय, पेनो पक्का रुपोटे आले दिकुके हरातिंजकुवा होय! परमेश्वर आलेगा घल्जी लडाईवा।!”

पेनो कुरकू नी कालेब एठा यहोशू गा बान आजुम डुका। दिकु मूसा एठा हारून लिंजेन खीजोएन एठा मंडीके, “आपे आलेके इनी भयानक जागन चोया सालेमी होय? आलेके मिस्र गेन का थंदळ होना डा। अगर आले डी देशो गेन सेनेवा होय मेटे आले लड़ाई गेन गोयुवा, एठा कनान गा कुरकू आलेगा जापाएकु एठा चाफ्निकू के भाग्य आरुयाकुवा।” डी कुरकू दिकुके डाबोलटे मिस्र गेन साटे सेने गा घल्जी अलग्गो अगुवाकु के ककालाम चाहता डा।

जब डी कुरकू नी येनोगो मंडीके मेटे परमेश्वर भेबाव खीजोएन मेना डा। दिकु मिलातिंजू मिनी डेरा गेन हेन एठा मंडीके, “आपेनी इंजा खिलाफ बेन झगडावे होय, इनिघल्जी आपे सेबाईकु के डोंगेंरेन भटकातिंजू होनाफ हर म्या कोरोकु जो इसा साल या देटे जादा साल गा होय देटेन गुजूवा एठा चोलाकाभी डी देशो गेन बान डाऊ जो इंज आपेके जेवा मेना। बस कालेब एठा यहोशू डेन मुवा।”

जब कुरकू नी परमेश्वर के येनोगो मंडीटे आजुम्के, मेटे डीच दुखेन चोयाकी दिकुनी पापो डाके डा। इनिघल्जी दिकुनी कनान गा कुरकू लिंजेन हामला दडा गा निर्णय डाके। मूसा नी दिकुके बान सेने गा घल्जी चेतावनी जीके चोयाकी परमेश्वर दिकुके सेंग्गोन बान सेने, पेनो दिकुनी दियागा बान आजुमडुका।

परमेश्वर इनी लड़ाई गेन दिकुगा सेंग्गोन बान सेंडुका डा, इनिघल्जी कनानीकु नी दिकुके हरातिंजकेकु एठा दिकु तालाटे घोनेचकूके का घोचकेकु। मेटे इस्राएली कुरकू कनान टे डाबोलटे हिराके। हेजे चालीसो साल टाएन, दिकु डोंगोंरेन इंगन-हुगन भटकातिंजूवा।

इस्राएली कुरकू द्वारा डोंगोंरेन भटकातिंजू गा चालीसो साल गा दौरान, परमेश्वर नी दिकुगा जरुरी के पूरा डाके। डीचनी दिकुके स्वर्ग टे “मन्ना” मंडी मिनी सोकळा जीके। डीचनी कखाटिंज गा घोंजा भी (जो कि ताला आकार गा भूरी डाऊवा होय) दिकुगा पेळा गा जगा गेन कुल्केकु ताकि दिकुगा मेरान जोम्गा घल्जी जिलु होना। डी पूरा टेमो, परमेश्वर नी दिकुगा कपळे एठा बुट्टा के टयागुटे बचातिंजका डोकी।

येटे टाएन कि परमेश्वर नी दिकुके नुनू गा घल्जी चमत्कार रुपो टे पाटा तालाटे ओटके। पेनो इनी सेबाई गा बादोन भी, इस्राएली कुरकू नी परमेश्वर गा खिलाफ एठा मूसा गा खिलाफ शिकायत डाके एठा कुरुकुरूके। तोभी, परमेश्वर विश्वास लायको डा। डीचनी जो हुकूम डाके डा कि डीच अब्राहम, इसहाक, एठा याकूब गा पिढी गा घल्जी डाएवा डीचनी डी डाके।

म्या एठा टेमो जब डी कुरकू गा मेरान डा बाऊ डा, परमेश्वर नी मूसा टे मंडीके, “पाटा टे बातोए, एठा देटे डा ओटबा।” पेनो मूसा नी पाटा टे बान दडुका। बजाए येनेगा, डीचनी चडी टे पाटा लिंजेन बारी बार गोएन। इनी रिती टे डीचनी परमेश्वर गा निरादर डाके। सेबाईकु गा घल्जी पाटा तालाटे डा मेटे ओटके, पेनो परमेश्वर मूसा टे खीजोएन मेना। डीचनी मंडीके, “चोयाकी आमनी येनोगो डाके होय, इनिघल्जी आम वायदा गा देशो गेन मु बान साकता।”

जब इस्राएली कुरकू चालीसो साल टाएन डोंगोंर गेन भटकातिंजे डा. मेटे दिकुनी परमेश्वर गा खिलाफ आनोवा डाके डा दिकु सेबाईकु गोएन डा। मेटे परमेश्वर डी कुरकू के डाबोलटे डी वायदा गा देशो गा धुरा टाएन साईय्येकु। नका मूसा भेबाव बुड्डाएन मेना डा, इनिघल्जी परमेश्वर नी कुरकू गा अगुवाई दडा गेन दियागा मदत गा घल्जी यहोशू के कलाम्जेनेच। परमेश्वर नी मूसा टे इनी वायदा डाके डा कि म्या दिन डी कुरकू गा मेरान मूसा गा खिजा म्या परमेश्वर गा कोनेटे मंडीमिठाच के कुलेच्बा।

मेटे परमेश्वर नी मूसा के म्या टुक्की लिंजेन सेने गा घल्जी मंडीके ताकि डी वायदा गा देशो के डोकी होना। मूसा नी डी वायदा गा देशो के डोके पेनो परमेश्वर नी डीचके डेन मुगा हुकूम बान जिडूका। मेटे मूसा गोएन, एठा इस्राएली कुरकू नी तीसो दिन टाएन जामबे। यहोशू दिकुगा उनाई अगुवा आरोएन। यहोशू म्या अच्छा अगुवा डा चोयाकी डीचनी परमेश्वर लिंजेन भरोसा डाके एठा दियागा बातो के मनातिंज्के।