19. परमेश्वर गा कोनेटे मंडी मिठाच
परमेश्वर हमेशा इस्राएली कुरकू गा मेरान परमेश्वर गा कोंटे मंडी मिठाच के कुलेच लक्के डा। परमेश्वर गा कोनेटे मंडी मिठाच परमेश्वर टे खाबोर के आजुम डा एठा डाबोलटे डीके कुरकू के घाले डा।
जब अहाब इस्राएल गा राज्य लिंजेन राजा डा मेटे डी टेमो एलिय्याह परमेश्वर कोनेटे मंडी मिठाच डा। अहाब म्या बुरा कोरो डा। डीचनी लाबाळ मंडी गोमेच गा आराधना दडा गा घल्जी कुरकू के मजबूरके कु डा। इनिघल्जी एलिय्याह नी अहा बटे मंडीके कि परमेश्वर डी कुरकू के नंगा साब होळाकु लक्के डा। डीचनी दियाटे मंडीके, “जब टाएन इंज डाबोलटे डा घामा घल्जी बान मंडी मेटे टाएन इस्राएल गा राज्य गेन डा बान हेजे एठा न ओसो बोचोवा।” इनी बातो नी अहाब के येटो खीजोकेनेच डा कि डीचनी एलियाह के घोगेच गा निर्णय डाके।
इनिघल्जी परमेश्वर नी एलिय्याह टे मंडीके कि डीच डोंगोरेन ओलेडो अहाब टे उखुयू होना। एलियाह डोंगोंर गेन डी पाजेर गा मेरान ओले देटेन सेने गा घल्जी परमेश्वर नी डीचके घाल्के डा। हरेक फेजेर एठा हरेक सिंगुरूप, भुरिकू एलिय्याह गा घल्जी सोकळा एठा जिलु साटे हेजे डा। इनी पूरा टेमो, अहाब एठा दियागा सेना एलिय्याह के घागटा लक्के डा, पेनो दिकु डीचके घाटाडुका।
डा बान घामा टे अदा टेमो गा बादोन डी पाजेर लोखोळजे। इनिघल्जी एलिय्याह मेरान गा का म्या देशो गेन ओले मेना। डी देशो गेन म्या गिरबो विधवा डा दियागा म्या कोंटे डा। दियागा मेरान आटा अंदजोटे स्यान मेना डा चोयाकी देटेन तुनिका बान दडुका डा। पेनो फिरभी, डी जापाए नी एलिय्याह गा देखभाल डाके, इनिघल्जी परमेश्वर नी दियागा एठा दियागा कोंटे गा जरूरतनौर के पूरा डाके, इनी वाजाटे दियागा आटा गा पात्र एठा दियागा सुनूम गा कुप्पी चोला\कभी खलीडुका बाने। डी पूरा अकाल गा दौरान दिकुगा मेरान आटा डा। एलिय्याह चोटोका साल टाएन देटेन थंदळके।
साळे आफाई साल गा बादोन, परमेश्वर नी एलिय्याह टे मंडीके कि डीच डाबोलटे डा घामेवा। डीचनी एलिय्याह टे डाबोलटे इस्राएल गा राज्य गेन ओलेडो अहा बटे बातो दडा गा घल्जी मंडीके। इनिघल्जी अहाब गा मेरान ओले। जब अहा बनी डीचके डोकेनेच मेटे डीचनी मंडीके, “अच्छा आम होय, मुसीबत पैदा दडा मिठाच!” एलिय्याह नी जवाब जीके, “मुसीबत दडा मिठाच मेटे आमका होय! आमनी यहोवा के आराकेनेच होय। डीचका सच्चो परमेश्वर होय, लेकिन आम ताखात गा आराधना दडा लक्के होय। नका आमके इस्राएल राज्य गा सेबाई कुरकू के कर्मेल टुक्की लिंजेन साटे हेजे होना होय।”
इनिघल्जिन सेबाई कुरकू कर्मेल टुक्कीन ओले। डी कोरो भी हेन जो मंडी डा कि दिकु ताखात गा खाबोर के मंडीवा होय। इनी ताखात परमेश्वर गा कोनेटे मंडी मिठाच डा। दिकु सेबाईकु ४५० डा। एलियाह नी कुरकू टे मंडीके, “चोटों टाएन आपे आपेगा मननौर के इखाटका डोएवा? अगर यहोवा परमेश्वर होय मेटे दियागा आराधना डाए! अगर ताखात परमेश्वर होय मेटे दियागा आराधना डाए!”
मेटे एलिय्याह नी ताखात गा परमेश्वर गा कोनेटे मंडी मिठाच मंडीके, “म्या डोबा के बलि डाटे दियागा जिलु के बलिदान जिउ के म्या वेदी लिंजेन डोके, पेनो सिंगेल बाकी येंडा। डेगा बादोन इंज भी डेनोगोका डाएवा, एठा म्या अलग्गो वेदी लिंजेन इंज डी जिलु के डोएवा। मेटे अगर परमेश्वर गा वेदी लिंजेन सिंगेल बोबोचोवा होय मेटे आपे चिनायावा कि डीच सच्चो परमेश्वर होय।” मेटे ताखात गा परमेश्वर गा कोनेटे मंडी मिठाच नी म्या बलि के तैयार के पेनो सिंगेल बान येंडा डुका।
मेटे ताखात गा परमेश्वर गा कोनेटे मंडी मिठाच नी ताखात टे प्रार्थना डाके, “हे ताखात, आलेगा आजुमे!” पूरा दिन दिकुनी प्रार्थना डाके एठा चिल्लातिंज्के एठा येटे टाएन कि खुद के चाकुटे गेटके, पेनो ताखा तनी जवाब बान जीडुका, एठा डीचनी तुनिका सिंगेल बान बोचोडुका।
ताखात गा परमेश्वर गा कोनेटे मंडी मिठाच नी ताखात टे प्रार्थना दडा गेन अंदजोटे पूरा दिन बितातिंज्के। इनिघल्जी दिकुनी प्रार्थना दडा बंदोकेनेच। मेटे एलिय्याह नी दूसरा डोबा गा जिलु के परमेश्वर गा वेदी लिंजेन डोके मेना। डेगा बादोन, डीचनी कुरकू टे डा गा खाट बर्तननौर के डी बलिदान लिंजेन मेटे टाएन उखीळि गा घल्जी मंडीके जब टाएन कि जिलु, चखाननौर, एठा येटे टाएन कि वेदी गा आसोपासो गा ओटे पूरा खिजाटे ओलायु बाकी होना।
मेटे एलिय्याह नी प्रार्थना डाके, “हे यहोवा, अब्राहम, इसहाक, एठा याकूब गा परमेश्वर, आलेके घाले कि आपे इस्राएल गा परमेश्वर होय एठा इनी कि इंज आमगा भाग्य मेना। इंज्के जवाब सेगे देटे कि इनी कुरकू चिनायावा कि आमका सच्चो परमेश्वर होय।”
तुरुटोका, बादळा टे सिंगेल बोचोके एठा डीचनी जिलु, चखाननौर, पट्टानौर, कासा, एठा येटे टाएन कि वेदी गा आसोपासो गा डा के भी जुलके। जब कुरकू नी इनी डोके, दिकु भी ओटे लिंजेन बोचोके एठा मंडीके, “यहोवा का परमेश्वर होय! यहोवा का परमेश्वर होय!”
मेटे एलिय्याह नी मंडीके, “ताखात गा म्या भी परमेश्वर गा कोनेटे मंडी मिठाच बचातिंजटे सेंजू बाकी होना!” इनिघल्जी कुरकू नी ताखात गा परमेश्वर गा कोनेटे मंडी मिंकू के उठाकेकु एठा दिकुके देटे अलग्गो साईंय्येकु एठा दिकुके गोच्केकु।
मेटे एलिय्याह नी अहाब राजा टे मंडीके, “झल्लोका आपना उरा गेन सळुपजू, चोयाकी डा घामावा होय।” झल्लोका बादळा केंडेन, एठा ठायका डा गा घामा सुरुके। यहोवा डी लोखोळ के स्यागे लक्के डा। येने टे ओटजे कि यहोवा का सच्चो परमेश्वर होय।
जब एलिय्याह नी हेजा कामय के स्याके मेना, मेटे परमेश्वर नी एलिशा जीमू गा म्या कोरो के हेजा परमेश्वर गा कोनेटे मंडी मिठाच आरुगा घल्जी कलमके नेच। परमेश्वर नी एलिशा गा तालाटे चमत्कार डाके। म्या चमत्कार नामान गा सेंग्गोन डाएन। डीच म्या दुश्मण गा सेना गा सरदार डा, पेनो डीचके चेहरा गा बुरा रोगो डाएन डा। नामान नी एलिशा गा बारेन आजुम्के डा, इनिघल्जी डीच एलिशा गा मेरान हेन एठा दियाटे डीचके सही दडा गा घल्जी अनुरोध डाके। एलिशा नी नामा नटे मंडीके कि सेनेडो यरदन गडा गा डा गेन याई बार नामुजे।
नामान खीजोएन मेना। डीचनी येनोगो दडा टे बान मेंके, चोयाकी इनी डीचके मुर्खता गा कामय लगातिंजू डा। पेनो बादोन डीचनी हेजा मन बदलाके एठा ओलेडो यरदन गडा गा डा गेन याई बार नामुज्के। जब आखरी बार डीच डाट े बल्लान ओटके मेटे परमेश्वर नी डीचके सजाकेनेच।
परमेश्वर नी इस्राएल गा कुरकू गा मेरान अलग्गो घोनेच्का परमेश्वर गा कोनेटे मंडी मिंकू के कुल्केकु। दिकु सेबाईकु नी कुरकू टे मूर्तिनौर गा आराधना दडा बंदोकी घल्जी मंडीके। येनेगा बाजाए, दिकुके इनिज-दियागा सेंग्गोन न्यायपूरा व्यवहार दडा होना एठा इनिज-दियागा लिंजेन दया दडा होना। डी परमेश्वर गा कोनेटे मंडी मिंकू नी कुरकू के चेतावनी जीके कि दिकुके बुरा कामय के दडा बंदोकी होना होय एठा येनेगा बाजाए परमेश्वर गा बातो गा पालन दडा होना होय। अगर डी कुरकू नी येनोगो बान दडुका मेटे परमेश्वर दिकुके दोषी मनातिंजटे दिकुगा न्याय डाएवा, एठा दिकुके दण्डो जेवा।
येठाभी टेमो, डी कुरकू नी परमेश्वर गा हुकूम पालन बान दडुका। अक्सर दिकुनी परमेश्वर गा कोनेटे मंडी मिंकू गा सेंग्गोन बुरा व्यवहार डाके एठा येटे टाएन कि चोलाका-चोलाका दिकुके गोच्केकु। म्या बार, दिकुनी यिर्मयाह परमेश्वर गा कोनेटे मंडी मिंकूके लोखोळ कुई गेन येंडाकेकु एठा डीचके देटेन गुजू गा घल्जी आराकेनेच। डीच कुई गा तालान चीखाल गेन फासाएन। लेकिन मेटे राजा के दियागा लिंजेन हेन एठा डीचनी हेजा सैनिककु के हुकूम जीके कि यिर्मयाह गा गुजू टे पेला डीचके कुई टे बल्लान ओळेच।
परमेश्वर गा कोनेटे मंडी मिठाच परमेश्वर गा कोनेटे चालुका डोके भला का कुरकू नी दिकुटे नफ़रत डावे। दिकुनी कुरकू के चेतावनी जीके कि अगर दिकुनी मन बान बदलाडुका टासो मेटे परमेश्वर दिकुके नशोकुवा। दिकुनी कुरकू के इनिभी यादो जीके कि परमेश्वर नी दिकुगा मेरान मसीह के कुकूल गा वायदा डाके होय।
जा अध्याय १६-१८ ; २ राजा ५; यिर्मयाह ३८ टे म्या बाईबल गा कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।