2. पापो दुनिया गेन मुवा होय
आदम एठा दियागा जापाए टे परमेश्वर द्वारा दिकुगा घल्जी आरुके मिनी डी अच्छा बगीचा गेन थंदळ लठ्ठाका भेबाव कुशोके डा। दिकिंजा तालाटे जेकाभी कपळे बान उरी डा, येठाभी इनी बातो नी दिकिंजा तालाटे जेकाकेभी सेरोम डाए डुका बाने डा, चोयाकी दुनिया गेन पापो बाऊ डा। दिकु अक्सर डी बगीचा गेन इखाट लक्कू डा एठा परमेश्वर टे बातो दडा लक्कू डा।
लेकिन डी बागीचा गेन म्या बिंज डा। दिकु घोनेच धूतोकु डा। डीचनी डी जापाए टे कोम्बाराके, “चोच सच्चोका परमेश्वर नी अमाटे इनी बगीचा गा तुनिकाभी सिंज गा फल के जोमाटे बान मेंके मेना होय?”
डी जापाए नी जवाब जीके, “परमेश्वर नी आलेटे मंडीके होय कि आले डी भला एठा बुरा गा ज्ञान गा सिंज गा अलावा तुनिकाभी सिंज गा फल जोमे साकतावा होय। परमेश्वर नी आलेटे मंडीके होय कि अगर आपेनी डी फल के जोफे या डीके टोजाके भी, टासो मेटे आपे गुजूवा।”
डी बिंज नी जापाए के जवाब जीके, “इनी सच्चो बाऊ होय! आपे बान गुजू। परमेश्वर हाडाई होय कि जैसा का आपे डी फल के जोमेवा, आपे परमेश्वर गा रोंगो आरुयुवा एठा दियागा रोंगो भला एठा बुरा के समजातिंजेवा।”
डी जापाए नी डोके कि डी फल मानेन घाऊ रोंगो डा एठा सिंबिल डूगुवा मेना डा। डीच भी समझदार आरु चाहता डा, इनिघल्जी डीचनी फल के टुक्काटे जोम्जे। डाबोलटे डीचनी हेजा सनाटे के जो दियागा सेंग्गोन डा डी फल जीके एठा डीच भी जोम्जे।
अचानक का, दिकिंज गा मेट खुल्लाएन, एठा दिकिंजेन मलुम्जे मेना कि दिकिंज नंगा डा। दिकिंज नी पाला के म्या सेंग्गोन सुटे डेगा कपळे आरुटे देटे आपना कोम्बोर के उगुर गा कोशिश डावे।
मेटे सना एठा दियागा जापाएटे नी डी बगीचा गेन इखाट लठ्ठाका परमेश्वर गा आवाज के आजुम्के। दिकिंज बर्खिंज परमेश्वर टे उखोएन। मेटे परमेश्वर नी कोरो के हाकोकेनेच, “आम तोटेनके होय?” आदम नी जवाब जीके, “इंज्नी आमके बगीचा गेन इखाट लठ्ठाका मंडी आजुम्के, एठा इंज हिघराएन डा, चोयाकी इंज नंगा डा। इनिघल्जी इंज उखोएन।”
डाबोलटे परमेश्वर नी कोम्बराके, “आमके जे घाल्के कि आम नंगा होय? चोच आम डी फल जोवे होय डीके जोम्गा घल्जी इंज्नी आमके बान मेंके डा?” कोरो नी जवाब जीके, “आमनी इंज्के जो इनी जापाए के जिलेनेच होय इनिज्का नी इंज्के डी फल जिले।” मेटे परमेश्वर नी जापाएटे कोम्बाराके, “आमनी इनी चोच डाके होय?” डी जापाए मंडीके, “बिंज नी इंज्के धोका जिले होय।”
परमेश्वर नी बिंज टे मंडीके, “आम श्रापो होय। आम अमाका लाज गा ताखात टे ओसोरबा एठा कासा जोम्बा। आम एठा इनी जापाए इनिज-दियाटे खीजो डोएवा, एठा अमा कोंकू एठा दियागा कोंकू भी इनिज-दियाटे खीजो डोएवा। इनी जापाए गा खान्दान अमा कपार के कुचलातिंजेवा, एठा दियागा चापोए के टाम्बागेवा।”
मेटे परमेश्वर नी जापाए टे मंडीके, “इंज अमा कोंकू के डाऊ टेमो भेबाव तक्लिप जेबा। आम अमा सनाटे असा डोएवा, एठा डीच अमा लिंजेन राजोवा।”
परमेश्वर नी कोरो टे मंडीके, “आमनी अमा जापाए गा आजुम्के होय एठा इंजा हुकूम बान आजुम्डूका होय। इनिघल्जी ओटे श्रापोएन होय, एठा आमेन आटा ओट गा घल्जी कठीन मेहनत दडा गा जरुरी डाऊवा। नका आम गोयुवा, एठा अमा कोम्बोर कासा गेन बेल्लाऊवा।” डी कोरो नी हेजा जापाएटे गा जीमू हव्वा डोके, डेगा मतलब होय “जीवन जिऊमिनी”, चोयाकी डीच सेबाई जाटो गा आंटे डाऊवा। एठा परमेश्वर नी आदम एठा हव्वा के जानवर गा कतळे टे आरुके कपळे उरिके।
डाबोलटे परमेश्वर नी मंडीके, “नका भला एठा बुरा के हाडाई टे कोरोकू आलेगा रोंगो आरोएन होय, इनिघल्जी डी जीवन गा सिंज गा फल के बाकी जोमडाए होना कि दिकु हमेशा गा घल्जी जिटाका थंदळकु।” इनिघल्जी परमेश्वर नी आदम एठा हव्वा के डी बगीचा टे बल्लान ओटके किंज। एठा परमेश्वर नी जेकाकेभी डी जीवन गा सिंज गा फल के जोम्टे रोराकातिंजा गा घल्जी डी बगीचा गा मु गा दरोजो लिंजेन शक्तिशाली स्वर्गदूतकु के सुबांकेकु।
उत्पति अध्याय ३ टे म्या बाईबल गा कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।